2 TIMOTHI 1:5 - SHEEYU BAIBEL (BSI)

⁵ Nehi buyu cheche lü nasü Enou li-chowe. Lü sünasü raia nepai Lois hi bue ea süthaisü nepfü Eunis hi-a bue ea süsü chuo nehi-a buvuzüe tea Enou chowe.

2 TIMOTHI 1:5 Iomraidhean Croise

LOUTAO 116:16

Oh Mapaowo, E hai nevei kilai baie; apfü nou souyu büa Enou nevei kuvah sü soulai. E thaire hinou nenou Eye khailupa peie.

LOUTAO 17:1

Oh Mapaowo, Enou kaozü na thaipfü soupeio tea khoyu nasü keipeio, Enou kra–a soukha peio tea paoyu sü lenoua keipeio! Ale sheesha teanou veachi paoyu sü kei peio.

LOUTAO 18:44

Vakou mainou chuo Eye khurüa bure, Enou kharochi peiyu phaki, puletao nou achi sü züre.

LOUTAO 22:10

Nalouyu teithe hinou Enou Eye ne hi peiwure, ae apfü pou hinou buyu teile hinou ne hai avei Ramai.

LOUTAO 66:3

Ramai hi haibüa paokhaio, “Nenou soupfüyu vah haso khesü daizhou koute khupa-e! Nevei khouko hai duleyu donou neye ngaobayu maitao koute-a pi-hi poa nou neye khurüwe.

LOUTAO 77:6

Enou kheimathe tsüchopoa nou bue; Enou lichoa buyu phaki, haibüa nou lah ahi sü Enou noue:

LOUTAO 81:15

Eye ngaora-a buyu maitaoye sü panou Eye ngaopi-a khurüa bailai, puletaoye sü panou teisa nou hraongu ngao-a bua bailai.

LOUTAO 86:16

Ahilo reidakhai vepeio ae Eye zhuvea peio, Eye soukhou soutsü peio ae khailupa peio, daiolouzü apfü nou souyu büa Enou nevei kuvah sü soue.

JEREMIAH 3:10

Vah ashi teitei souwu-a bua, chilee moyu Israel vei tupai Judah nou puh le teitei nou peimoa zhai soulou-a ahi dakhai vere. Haisü Mapao Enou paowe.”

JOHAN 1:47

Jisu nou Nathanel hai puh hilo takouyu ngaoloua puh vanou paoe, “Zhukhaio, haihi checheyu Israel maili bue; puh hisü le sheemoyu alia hae!”

SEI-ATAMAI VAHTAO 16:1

Süthaisü Paul nou tapoa Derbe ea Lustra hi veloure, alia zhukhaio, Lustra hisü Timothi tea kuyu rozümai ali bue. Puh pfü hai lüloumai ali soua buyu Jihudimaipfü alie, ana puh puowo louzü Greek mai alie.

SEI-ATAMAI VAHTAO 26:26

Daiolouzü veonou chi haitao teitei sü sükhaiwe, alia Enou nehi sü khuveishoa paowe; süolouzü chi haitao teitei sü nenou choumoyu hae touyu sü Enou sütoua bue, daiolouzü vah haisü dei kainghou ali hinou kukhaitoua pabaimoe.

ROMMAI 14:14

Enou Mapao Jisu ye koa ali soulouyu hinou sütoua bue süolouzü touso talia süna vuzü hisü sheemoyu lia hae; ana maita linou touso kamai hai sheemoe tea louche louzü, süthaisü süsü puhye donou sheemo tare.

ROMMAI 14:5

Mailinou teithe alinou kukhe teitheli jünou veikou hie tea chowe, mai kukhe alinou teithe pfüphou hai zho khaibaie tea chowe. Maili linou lah lahvei le hinou sheetoua lalouyu souloukhaio.

ROMMAI 15:14

Athaihou jürai khemai, lah Enou sütoua bue süolouzü neletao hai aveinou phoupeia ea tsü teiteinou phoua bue, alia neletao sü alinou liye doupei lousüa bue.

ROMMAI 4:21

Ramai nou apaopei khaitouyu sü puhnou veimoa soupei lousüe touyu sü Abraham nou sütoua bue.

ROMMAI 8:38

Daiolouzü Enou süvuzüe süolouzü hatalinoua Eletaoye puh leshi hinou soukupa peilou hoe: athainou-a, ahrinou-a, rakivamainou-a, meizai pei hi khouko teiteinou-a, chuchuvei nataonou-a, vere nataonou-a,

2 KORINTHMAI 6:6

Ehnou sheeyu hinou, tsü hinou, shameayu hinou ea zhuvea peiyu hinou, Rako Mashi nou phoupeiyu hinou ea cheche-a leshiyu hinou,

1 TIMOTHI 1:5

Ehvei kharochi hainavei ko matsüwo louzü ra-hazheiyu le hinou, lekhetsü aveina hinou ea kao-züyu lü sütao hinou payu leshi süna panou paloure donoue.

1 TIMOTHI 4:6

Doupeiyu haitao hai nenou thaihou jürai maitao hi peire toulouzü, ne sü Khrista Jisu vei kilai veili souloulai. Nenou teisanou thaifüa laiyu lüvei chipaotao ea cheche-a doupeiyutao vanou nelah nevei rakosü soudu palo.

2 TIMOTHI 1:12

alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

2 TIMOTHI 3:15

alia kabüa nenou taibu kinou Khrista Jisu ye lülouyu vanou neye khailu peiyu hi süthaithou peiyu ratsüna peilou süyu sheeyu larübvü taosü sülouresa touyu sü nenou süwe.

EBRIAMAI 11:13

Mai haitao hrülaisü lü louche-a thaita khaire. Puletao sü Ramai nou apaopei khaitouyu nataosü ngaoloumoe, ana puletao nou kaah doushoyu hinou zhingaoloua sütaoye sü sasa-a khoa bue, alia puletao hai deiphao hinou vakoumai ea shevai shesümai baie touyu sü dua aetouwe.

EBRIAMAI 6:9

Ana leshiyu thaihou jürai khemai, Ehnou haibüa paokhai-a nele vanou sütoua bue, süolouzü neleye khailu peiyu hisü veikouyu ha taosüa bue.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.