2 TIMOTHI 1:3 - SHEEYU BAIBEL (BSI)

³ Apuo-pao maitao nou souyu büa Enou sheetouyu lekhetsü hinou kuvah soua laiyu Ramai puhye kalo paowe. Enou hea-khei veachi paoyutsü neye li-choa puh hi kalo pao-a bue.

2 TIMOTHI 1:3 Iomraidhean Croise

LUK NOU RÜYU KO AVEIBVÜ 2:37

alia süthaisü puhnou po raichadai meamaipfü ali soua hrükoure. Puhnou khei-heanou lüh-a ea veachi paonou ko-a Ramaiye thoa Rathoki hinou thaokhaimoa bue.

SEI-ATAMAI VAHTAO 22:3

“Ewo Kilikia teidei hi Tarsa hinou nayu Jihudimai alie, ana Jerusalem nuhdu haina hinou Gamaliel bah hinou doumaili soua hrüpae. Alia Eletao puo-pao vei zhaina hinou soutaosoua tu-deia doupeiyu sü Enou ngaoloue ea zhou buh haihi buyu neletao hrülai kua E-a Ramaiye donou lenou shoyu mailie.

SEI-ATAMAI VAHTAO 23:1

Alia Paul nou tsüme hisü zhuteiloua paoe, “Athaihou jürai khemai, Ramai nghojünou Enou zhou koutesü Alekhe tsühai sheesha-a hrüwe.”

SEI-ATAMAI VAHTAO 24:14

Ana haisü ne nghojünou E-a aetouwe, süolouzü puletao nou mah-e tea paoyu Mapao vei Luduna sü füta-a Enou Eh puo-pao Ramaiye sü thowe. Ana Moses vei razhai ea rachipaola maitao vei larübvütao hi rüthoukhai touyu teitei sü E-a louche.

SEI-ATAMAI VAHTAO 24:16

Südonou Enou Ramai ea emai nghojünou Alekhetsü nasü sheetoua khailoure teisanou tewe.

SEI-ATAMAI VAHTAO 26:4

“Enou kabüa nahlebu kinou Avei nuhbuh hinou ea süthai Jerusalem hinou hrüpasa touyu Azhai-hrü teitei sü Jihudimai hrülainou sükhaiwe.

SEI-ATAMAI VAHTAO 27:23

Daiolouzü do kheikohi A Mapao soua ea Enou thoa buyu Ramai puhvei rakivamai alinou Ahi veloua,

ROMMAI 9:1

Khrista hinou Enou acheche nasü paowe, Ewo damoe, Rako Mashi hinou, Avei lekhe tsü nanou Eye koa zhopaoh peiwe,

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

GALATIAMAI 1:14

Alia Eh puo-pao zhai hilova Enou tsü-le peiyule-a Eye hrükhayu Jihudimai maipoulo jünou Jihudimai razhaihrü hisü Enou rai-a takoue.

EPHESAMAI 1:16

Enou neletaoye donou Ramai hi kalo paoyuhai halia sokhai mohie. Enou neletaoye sü veachi paoyu hinou lichowe,

1 THESSALONIMAI 3:10

Ehye panou zhu kheihao-a tave neleye daoloure ea nele lühi chemoa buyu taosü peiloure donou Ehnou Ehle teiteinou khei-hea puh hinou khoa bue.

1 TIMOTHI 1:19

alia nevei lü hinou soutaosoua bulo ea nevei lekhetsü nasü sheesha-a khailo. Mai kamainou puletao vei lekhetsüna paisü züpei bayu vanou puletao lü nasü souphe-souphore.

1 TIMOTHI 1:5

Ehvei kharochi hainavei ko matsüwo louzü ra-hazheiyu le hinou, lekhetsü aveina hinou ea kao-züyu lü sütao hinou payu leshi süna panou paloure donoue.

1 TIMOTHI 5:5

Alia chekhaoa meapfümai alisoua likhua bubaiyu puhwo louzü puhvei areih teitei hai Ramai hi thoupeire ea tobai soumoa veachi paoa khei-hea puh hinou puh soukhasü khoa bue.

2 TIMOTHI 1:5

Nehi buyu cheche lü nasü Enou li-chowe. Lü sünasü raia nepai Lois hi bue ea süthaisü nepfü Eunis hi-a bue ea süsü chuo nehi-a buvuzüe tea Enou chowe.

2 TIMOTHI 3:15

alia kabüa nenou taibu kinou Khrista Jisu ye lülouyu vanou neye khailu peiyu hi süthaithou peiyu ratsüna peilou süyu sheeyu larübvü taosü sülouresa touyu sü nenou süwe.

EBRIAMAI 13:8

Jisu Khrista hai doa, zhoua ea teisa nou kheihao baie.

1 SAMUEL 12:23

Süpei hinou Eye panou neletaoye donou veachi pao peimoa Mapao hinou mah soure nasü, ahinou pa doushoa butheo. Enou neletaoye sü kabüa vah aveih ae kaozü nasü soulai touyu sü doupeilai.