2 TIMOTHI 1:2 - SHEEYU BAIBEL (BSI)

² Enou leshiyu nahpoutu Timothi hi rüwe: Puo Ramai ea Eletao Mapao Khrista Jisu nou nehi zhuvea khu-leshi ea kaonayu peiyu sü souloutheo.

2 TIMOTHI 1:2 Iomraidhean Croise

SEI-ATAMAI VAHTAO 16:1

Süthaisü Paul nou tapoa Derbe ea Lustra hi veloure, alia zhukhaio, Lustra hisü Timothi tea kuyu rozümai ali bue. Puh pfü hai lüloumai ali soua buyu Jihudimaipfü alie, ana puh puowo louzü Greek mai alie.

ROMMAI 1:7

Südonou Enou Ramai nou leshiyu ea lah puhmai souloure donou kulouyu Rom hi buyu neletao hrülai hi rüwe: Eletao Puo Ramai ea Mapao Jisu Khrista nou neletao hi zhuvea ea kaonayu sü peitheo.

ROMMAI 12:19

Asamaitaore, neletao lahnou khü phoukhaiso, ana süsü Ramai rarou hi thaothouwuwo; daiolouzü sheeyu larübvü nou paoe, “Khü phouyu hai Aveie, Enou pao khada peilai, tea Mapaowo nou paoe.”

1 KORINTHMAI 4:17

Sünasü panou souloure donou, Khristamai hrü hilonou louchelou veiyu ea lah Enou khuleshiyu Timothiye Enou neletao hi seivewe. Puhnou neletao hi Enou buh liki hi buyu lüloumaime pfüphou hi doupeiyu sütao ea Enou Khrista Jisu ye koa ali soulouyu hrü ashuna hinou tayu zhaitao sü panou li-choloulai.

PHILIPPIMAI 4:1

Südonou Athaihou jürai khemai, Enou neletaoye daizhozhou leshisa ea neletaoye vedao loure daizhozhou zhia busa! Neletao nou Eye daizhozhou souvapeisa, alia neletao vanou Ehai daizhozhou khaophu sousa! Südonou leshiyu thaihou jürai khemai, haibüa neletao vei hrümaihai Mapaowo hinou latouloua buvuzülai.

1 TIMOTHI 1:2

lü hilonou chekhao-a Anahpoutu soua buyu Timothi hi rüwe: Puo Ramai ea Eletao Mapao Khrista Jisu nou nehi zhuvea, khu-leshi ea kaonayu peiyu sü souloutheo.

2 TIMOTHI 2:1

Südonou, Anahpoutu, newo Khrista Jisu ye koa ali soulouyu hinou Eletao vei soua buyu zhuveana hinou khou-a bulo.

TITA 1:4

Ehnou koa lü hinou alisoua buyu Anahpoutu achecheo Tita hi Enou rüwe. Puo Ramai ea Eletao khailu-apeio Khrista Jisu nou nehi zhuvea ea kaonayu peiyu sü souloutheo.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

3 JOHAN 1:4

Anah maitao nou acheche hinou hrüa bue tea choulouyu süna jünou dukouyu Avei asah kukhe hare.