2 TIMOTHI 1:12 - SHEEYU BAIBEL (BSI)

¹² alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

2 TIMOTHI 1:12 Iomraidhean Croise

LOUTAO 25:2

Oh avei Ramai, Enou neye louchewe. Eye panou hraongu ngaoso, ae Eye ngaobayu maitaoye panou ajünou ngalouso.

LOUTAO 31:5

Ne bah hi avei hrümai sü thaothou peiwe. Oh Mapaowo, ne sü louchelou veiyu Ramai-e, nenou Eye khailupa peio.

LOUTAO 56:9

Enou neye kuyu phaki, avei ngaoba maitao hai tukhaita bailai. Enou hai nasü süwe, süolouzü Ramai nou Eye thaiko peilai.

LOUTAO 9:10

Mapao, neye süyu maisü neye louchewe; ne hi veyu mai taliye nenou thaopei moe.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 50:7

Daiolouzü Ramai Mapao nou Eye soukha peiyu donou Eye sü puletao nou soushilou laimoe. Südonou Enou azhu sü chuh ali büa pfüla loure, ae Eye hraongu panou ngaolai moe touyu sü Enou süwe.

ISAIAH 54:4

Ngaopiso, daiolouzü neye sü hraongu peipu kheilai more, ae soutai sounou peipu khailai more. Daiolouzü nahle-a buki nenou hraongu ngaoyu khesü ngaiwulai, ae mimea maipfü ali büa veahoyu khesü lichopu khailai moe.

NAHUM 1:7

Mapao hai veishoe, kaozhoushi veyu phakia khoushoa bailoure bue; Puh hinou bailou maisü puh nou khupeie.

MATHIU 12:21

alia Tahrüh kukhe mainou puh zhih hinou rei-a bulai.”

MATHIU 24:36

“Ana teithe süna ea pha sünasü Puo likheiwo deinou rakihi rakivamai moa Nahpoutu koutenoua sümoe.

MATHIU 7:22

Chikuyu Teithe kisü mai alaonou Ahi paolai, ‘Mapao, Mapao! Nezhih hinou Ehnou rachi paolapa mowu, alia nezhih hinou rashitaoye hulai pamowu, alia nezhih hinou khupa vah lao soumowu?’

LUK NOU RÜYU KO AVEIBVÜ 10:12

Enou neletao hi chekhaoa paoe, Chikulaiyu teithe kisü nuhdu süna jünou Sodom ye nou sha-mealou veilai hie.

LUK NOU RÜYU KO AVEIBVÜ 23:46

Sükisü Jisu nou pai kusholoua, “Apuo, nebah hi Arakosü thoupeire!” tea paoe. Alia sübüa paowu-a puhsü thaire.

JOHAN 17:15

Enou puletaoye deiphao hinou potapeiwo tea nehi veachi paomoe, ana puletaoye ashina hinou khotou peiwo tea nehinou khowe.

JOHAN 6:44

Eye seive peiyu Apuonou puhye Ahi savepei molouzü, maita linoua Ahi velou hoe; alia Enou puhye akhai teitheki panou hrishu loulai.

SEI-ATAMAI VAHTAO 13:46

Sükisü Paul ea Barnabas nou khuvei puloua paoputa khaire; “Ramai chipao hai rairaikaia neletao hi paongao peirepha vuzüe. Ana neletao nou süsü pobayu vanou ea neletao lah teisa ahrihai ngaozümoe tea cholouyu vanou zhukhaio, chuo neleye thaowu-a Ehwo tahrüh kukhe mai hi talai.

SEI-ATAMAI VAHTAO 13:50

Ana Jihudimai taonou mainou tsükhouyu ea lenoua rathoyu naotumaitao ea nuhdu sühi peicha maitaoye thaopeiwu-a panou Paul ea Barnabas pei hi souvea-souho peire ea puhaiye puletao teidei hinou hutare.

SEI-ATAMAI VAHTAO 21:13

Ana puhnou chila peie, “Neletao daisounou haibüa kra-a Ale souphewe? Daiolouzü Mapao Jisu ye donou Jerusalem hinou Eye hukhahi panou thouyu likhei baimoa sühinou thaiyu koutea Ewo souda-a bue.”

SEI-ATAMAI VAHTAO 7:59

Alia puletao nou Stephan hi chuhnou deia buyu hinou puhnou, “Mapao Jisu, Arako hai popeiwo!” tea veachi paoe.

SEI-ATAMAI VAHTAO 9:16

Daiolouzü Azhihye donou puhnou daizhozhou koute vea vuzülaisa touyu sü Enou puh hi ngaopeilai.”

ROMMAI 1:16

Daiolouzü chipao Avei vanou Esü ahrao moe; haisü lü loucheyu mai hrülai süolouzü raikai-a Jihudimai ea süthai tahrüh kukhe maiye-a khailu peire Ramai vei khouko nasüe.

ROMMAI 9:33

Haisü haibüa rüthouyu kue, “Zhukhaio, maikhe maiye panou phisü loure chuh, puletaoye soukaore chuhdu ali Enou Zion hi pokhai khaitoue. Ana puhye loucheyu mai taliye sü panou ahrao ngaolaimoe.”

1 KORINTHMAI 1:8

Eletao Mapao Jisu Khrista teithe kihi neletao sü cha lia ha-a buloure donou, akhai koute puhnou neletaoye khotou peilai.

1 KORINTHMAI 3:13

Alia Khrista vei Teithe sünanou mai ali linou soukhai touyu vah pfüphou vei avei-ashi sü popa ngaopeilai. Daiolouzü Teithe sükisü mai alili vah hai meinou popa ngaopeilai; alia mai ali linou soukhai touyu vahtaosü dai tyasa touyu sü meinou zhai zhulai.

PHILIPPIMAI 1:20

Enou züpashoa ea rei-a buwe süolouzü Eye panou hakia sou ahraowu laimoe, ana teisanou, alia koulihsoua chuo, Enou khuvei sholai, sübüa Ahrümai teiteinou Ehai hri-a, thai-a, Apfüphao hinou Khristaye khuhaoyu sü pongaolai.

PHILIPPIMAI 3:10

Enou züpayu teitei sütaowo louzü Khristaye süyu, puh hrishuyuvei khouko sülouyu, puhvei veahoyu koa zha ngaozhoyu ea puhvei athai hinou koa puh büyu süsüe,

PHILIPPIMAI 3:21

Puhnou Eletao vei lülou hoyu thailouvei pfüphao nasü soudawulai ea puhnou ha teiteiye panou puh khehi hrülou süyu khouko sünasü seia pfüphao sütaosü lah puhvei vaveishoyu pfüphao sübüa souwulai.

PHILIPPIMAI 3:8

Chechenou na sütao likhei baimoe, ana muhtei koushoyu A Mapao Khrista Jisu vei tsü süna donou Enou ha teitei hai halia kokhaimoe tea choloure, puhye donou Enou ha teiteisü polaiwure; Enou Khristaye zhiloure donou sütao teiteisü nghouh büa choloure,

1 THESSALONIMAI 2:16

Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!

1 THESSALONIMAI 5:4

Ana thaihou jürai khemai, neletaowo teizhihi bumoe, alia teithe sünanou avaomaili büa neletao hi panou sükhaimoa pawu laimoe.

1 TIMOTHI 6:20

Oh Timothi, nebah hi lüthou peikhai touyu taosü khotoulo. Ahraopachi ea mai kamainou kaokhai molai-a “Tsü” tea kuyu vo-a chi veivayu sütao hinou tareilo.

2 TIMOTHI 1:14

Nehi lüthou peikhaitouyu acheche nasü Eletao lekhe hinou hria buyu Rako Mashi vei khouko vanou khotoulo.

2 TIMOTHI 1:16

Mapaowo nou Onesiphoras kikha maiye zhuvea peiyu souloutheo, daiolouzü teisa nou puhnou Ale sousapeie. Ehai hukhahi bumai alie touyu vanou puhnou ahraoyu hae,

2 TIMOTHI 1:18

Mapaowo nou puh zhuveasü teithe süki puh hi peiyu souloukhaio! Alia Ephesa hinou puhnou daizhozhou Eye donou kuvah soupeisa touyu sü nenou sütoua bue.

2 TIMOTHI 1:8

Südonou Eletao Mapao donou moa Khristaye donou hukhamai soua buyu Avanou zhopaoh souyu hisü ahraowuso, ana Ramai khouko hinou Ko Aveina donou talou veayu zha nasü ngaozho khaio.

2 TIMOTHI 2:9

Daiolouzü Enou Ko Aveina paodouyu vanou Esü veahowe ea mah soulaimai ali kua Eye sü hurainou phukhaitoue. Ana Ramai vei chipaowo hurai nou phukhai moe.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

EBRIAMAI 2:18

Alia chuo puhnou athao daoloua veahoyu sü shamea louyu vanou athao daoyu maitaoye sü puhnou soukha peilou süre.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 PITAR 4:16

Anou maitalinou Khristamai ali souyu donou veahoe toulouzü, süna vanou ahraowuso, ana puhsü Khrista zhih pfüe tea Ramaiye paosholo.

1 PITAR 4:19

Südonou Ramai leli thaifüa veahoyu maitao nou puletao vei rako hai louchelou veiyu puletao vei soupei Mapao bah hi peithouwua tobai soumoa vah avei souloukhaio.

JUD VEI SEIKO 1:24

Neletaoye kao-dulaiyu hinou khopeilou süyu ea neletaoye chaa ha-a ea sasa-a dushoyu Puh nghojühi pove peilou süyu Puh hisü —