Biblia Todo Logo
Bìoball air-loidhne

- Sanasan -




2 SAMUEL 8:2 - SHEEYU BAIBEL (BSI)

2 David nou Moab mai jünou-a reih veiloue. Puhnou Moab maiye panou deiphi hi kou dazülou-a mai asü hinou mai ahai ahaiye sü southawua panou mai alikhei hriloua baie. Sütea nou Moab mai panou puh khakhe hinou bua puhye kikha peie.

Faic an caibideil Dèan lethbhreac




2 SAMUEL 8:2
22 Iomraidhean Croise  

Nuhdu hi maitaoye sü kilai soulou-a panou süü vayu, phou marei kuyu alia naichuh souyu vah paitea hi taitsü shia vah soue. Puhnou Ammon maiye panou vah souyu bütoua kukhe maiye-a panou sübüa vah soue. Süthaisü puh alia puhvei maitao sü Jerusalem hi dakhai vetare.


David nou puhvei reihmai me ali puletao vei vedei hi khailoure ae puletao hai puhvei khakhe hi bua puh hi kikha sü peie. David nou reih soutayu pfüphou hi Ramai nou puhye kozho peia panou reih veikhai touloue.


Solomon vei vedei Euphratis Rei hinou poa Philistia hi koute alia Ejipt maivei deirai hi koute buyu tyahrü teitei nou loue. Puletao nou puh hi kikha peie ae puhvei hümamai teitei hinou puhvei khakhe hinou hrüe.


Israel maivei veo Ahab thaitayu thai, Moab maitao nou Israel mai pei hi reih soua dutare.


Assaria hi veo Shalmaneser nou puh pei hi reih sou-e, ae Hoshea nou puhvei khakhe hinou bua bailaire tea peithouwua po patsü hai puhye kikha sü peie.


Puhnou Moab mai jünoua reih koloue, ae Moab mai hai puhvei khakhe hinou hrüa puhye kikha peie.


Ammon mainou Uzziah ye kikha peiwe, ae puh hai khouko busho pare, sübüa puhnou zhih tayu hai Ejipt hi koute puh zhih hai chouvere.


Moab hai Enou poa dzükhüyu reikhao nasüe, Edom hai avei baie touyu shee soungaore donou avei phi kha khailai, Philistin teidei hinou Enou veilou ngalouyu nasü shapaolai.”


Shetu maitao hai khuveiyu sü hare, ae puletao nou veihsho-a soukhai touyu reihkhaobu kinou ngaopi shopoa vakou tupare.


Nenou Etaoye sü malai chekhao revu? Ne Etao vei soureih maitaoye koa tapu peilai modou?


Moab hai Enou poa dzükhüyu reikhao nasüe, Edom hai avei baie touyu shee soungaore donou avei phikha khailai. Philistin teidei hinou Enou veilou ngalouyu nasü shapaolai.”


Edom ae Ishmael maitao; Moab ae Hagrits maitao;


Hezekiah vei chi sü keiso daiolouzü Assaria hi veo nou haibüa paoe, ‘Neletao nou Eye chavei lathaolo, ae ahi tapalo, sükulouzü neletao mai hrülai panou lahkuku vei darkhabe ae doushibe vanou rashithou sü haitoulai, alia neletaoye panou lahkuku vei dzükhao hisü nou dzü potoulai.


Enou haithai naki zhuyu phaki, Israel maivei tyahrü hai zhingao-e. Veo mai ali, vavei shoyu teivuh ali büa tyahrü süna hinou palai, zhaoyu vutao ali büa Israel mai hinou palai. Puhnou Moab maivei süthai-apei maitao pei hai dakho peilai, ae khaophu soua mai shiyu maiye sü puhnou danakou khaipeilai.


Ana hazholia moyu kamai-a nou haibüa paoe, “Kabüa mai haina nou Etaoye donou haveih soupei loulai?” Puletao nou Saul ye ngaophou more, ae puhye sapeina ali-a pove peimoe.


Saul nou Israel mai hi veo soulouyu thai, puhnou puhye ngaobayu mai hrülai hisü reih souta-e: Moab mai, Ammon mai, Edom mai, Zobah hi buyu veo maitao pei hi, ae Philistin maipei hi soureih souta-e. Puhnou soureih souyu teitei hinou ngalouyu sü ngaoloue.


David nou buh sühinou tapoa Moab maivei teidei Mizpah hisü veloua Moab maivei veo hi haibüa paoe, “Ramai nou Eye panou dai soulai touyu süloumo koute, zhuvea apfüpuoye panou ne hinou buwo.”


Südonou David nou puh pfüpuoye sü Moab maivei veo hi khaipeiwure, sübüa puletao hai David nou tutsüa buyu teile koute hai sühinou bue.


Lean sinn:

Sanasan


Sanasan