2 SAMUEL 7:9 - SHEEYU BAIBEL (BSI)

⁹ Nenou tayu buh teitei hi Enou neye koa sata peie, neye huveyu soureihmai teitei jünou neye panou veiloue, Enou neye panou deiphao hi süthai-apei dudulaina soupeie.

2 SAMUEL 7:9 Iomraidhean Croise

SHURAI 12:2

Enou neye tyahrü aduli soupeilai alia Enou neye ha peilai alia ne zhih sü soudu-sousho peia neye panou maikhemai vei shiha nasü soulai.

2 SAMUEL 22:1

Ramai nou David ye Saul bah hinou alia puhvei ngaobamai kukhe bah hinou vupa peiyu vanou Ramai hi David nou haibüa lou soue:

2 SAMUEL 22:30

Nevei soukha vanou reihmai me du ali jünou Enou veilousüe. Avei Ramai ye koa nou rei bokha bouvo zhaocho palousüe.

2 SAMUEL 22:43

Enou puletaoye phinou tai-a deisa saposhu naihü kupeie, luduhi konai bütou tea puletaoye aphinou taina peie.

2 SAMUEL 23:1

Ramai nou soudu souso peiyu, panou veo soure donou Jakob Ramai nou dopalouyu Jesse vei nahpoutu David, Israel maiye donou puhnou lou veilih dapa peikhai toue. Haitao hai David vei akhai chipao-e:

2 SAMUEL 5:10

Khouko buyu Ramai nou puh ye zho hrüpeiyu vanou teithetsü shu dulailai pade.

2 SAMUEL 8:13

David nou Tai vei Deikho hinou reih zü-a Edom mai thekiacha sü southalou-a dakhai veyu phaki puhvei zhih hai tapu sholoure.

2 SAMUEL 8:14

David nou Edom maivei teidei hinou puhvei reihmai panou bure vei fühao taoli hai soukhai loure ae Edom maiye panou puhvei khakhe hinou hrüe. Ramai nou puhye buh tyatyalih hinou soureih hai panou veilouyu sü ngaoloue.

2 SAMUEL 8:6

David nou puhvei reihmai me ali puletao vei vedei hi khailoure ae puletao hai puhvei khakhe hi bua puh hi kikha sü peie. David nou reih soutayu pfüphou hi Ramai nou puhye kozho peia panou reih veikhai touloue.

1 PUOPAOKO 17:8

Nenou tayu buh veishi hi Enou neye salai peie, ae neye ngaobayu mai hrülaiye sü Enou nevei nghoujü hinou souha peie. Enou neye deiphao hi zhih takayu mai ali soupeilai.

LOUTAO 21:6

Puh hisü teisa nou nevei shiha sü bupeie, ae nenou puhye salai peiyu donou puh hi asah nasü bue.

LOUTAO 89:23

Puhye ngaobayu mai veishi sü Enou souha peilai, ae puhye ngaorayu mai hrülaiye sü Enou southa peilai.

LUK NOU RÜYU KO AVEIBVÜ 1:52

Puhnou khou-chihyu vemaitaoye puletao vei vebuh hinou pokoure, alia nataiyu taoyenou pokupa peiwure.

JOSHUA 6:27

Mapao nou Joshua ye sü kozo peie, süvanou puhvei zhih sü teidei teitei hi sütare.

1 SAMUEL 18:14

ae puhnou soureih soutayu teitei sü ngaloue, daiolouzü Mapao nou puhye koa salai peie.

1 SAMUEL 18:30

Philistin maivei reihmaitao nou reih souyu tsühai David nou Saul vei reihmai peikhoyu mai kukhe jünou ngapu koute-a baiwe. Südonou David hai zhih tasho loure.

1 SAMUEL 2:8

Puhnou touhayu maiye sü deiphi hinou polashu peie, ae veahoyu maiye sousava peie; sübüa puletaoye panou veo nahmaitaoye koa bue, ae khuhaoyu buh hisü khaipeie. Deiphao soushuyu beikhei nasü Mapao vei-e, ae sühinou deiphao sü soushu peie.

1 SAMUEL 31:6

Sübüa Saul sü thaire, ae puh nahpoutu asü, puhvei reihna pfüyu nahle maina, ae puhvei maitao hai süzhou nou thakhai toure.

1 SAMUEL 5:10

Südonou puletao nou Vo Sübvü nasü Ekron nuhdu hi seivere. Ana Vo Sübvü nasü Ekron nuhdu hi velouyu phaki, nuhdu sühi hrüyu maitao nou haibüa paore, “Puletao nou Israel maivei Vo Sübvü nasü pove Etaoye southalai tea povere!”