2 SAMUEL 7:2 - SHEEYU BAIBEL (BSI)

² Süthaisü puhnou rachipaolawo Nathan hi paoe, “Ewo avei ki sü sedar süünou soulou-a bure, ana Ramai vei Vo Sübvü nasü sahpao hinou bua baire!”

2 SAMUEL 7:2 Iomraidhean Croise

2 SAMUEL 11:11

Uriah nou David hi haibüa paoe, “Israel ae Judah maikhe mai nou reih züre donou lahkuku ki thaowu-a reihbu hinou bue, Vo Sübvü-a sühinou bue ae ajünou du-somai Joab alia puh khenou adusomai koutea rekou nou bue. Südonou E kabüa nou lah aki hinou ve touso toua ae avei kipfüye ko-a sabu sazü khailaige? Ne hri-a bubusa nevei kilaio E sübüa nou sava-a hrüyu sü soukhai toulai moe.”

2 SAMUEL 12:1

Ramai nou rachi paolawo Nathan ye David hi seivere. Nathan nou puh hi tave paoe, “Nuh ali hi mai ahai hrüwe, mai ali sü toungi-e ae alina sü toure hamai baie.

2 SAMUEL 5:11

Tair hi veo Hiram nou vah soulousü maiye David hi sei peie; sedar süü sha soumai alia chuh sha soumai seive pei-a veo vei ki soupeie.

2 SAMUEL 6:17

Puletao nou Vo Sübvü nasü poa ve David nou soudayu sahpao khevai hi khailoure. Süthaisü puhnou meideia Ramai ye posheela peie alia chavei lathao-a buloure vei posheela hai Mapao hi posheela peie.

2 SAMUEL 7:17

Ramai nou süngao peiyu teitei sü rachipaolawo Nathan nou David hi paongao peie.

1 VEMAITO 1:22

Bathsheba nou sübüa pao bukinou, rachipaolawo Nathan-a veo vei ki hisü tavere.

1 VEMAITO 1:8

Ana napao Zadok, Jehoiada nahpoutu Benaiah, ae rachipaolawo Nathan, Shimei, Rei, alia David vei khouko bushoyu maitao hai Adonijah hi loumoe.

1 VEMAITO 4:5

Nathan nahpoutu Azariah nou teidei peicha maitao peikhowo sü soue, Nathan nahpoutu Zabud napao nou veo vei paodou-apeio soue.

1 VEMAITO 8:17

Solomon nou haibüa paopue, “Apuo David nou Israel maivei Ramai Mapao ye thore rathoki sü soushure donou souda poa koue,

1 PUOPAOKO 14:1

Tair hi veo Hiram nou David ye panou puhvei ki soure donou kopomaiye koa sedar süü, chuh vah soulou süyu mai ae süü vah soulou süyu maiye seive peie.

1 PUOPAOKO 16:1

Puletao nou Ramai vei Vo Sübvü nasü pove David nou sahpao haokhai touyu hisü khaiwure. Süthaisü puletao Ramai nghoujünou meidei-a posheelayu ae maisou kaozhou vei-a hrüloure vei sheela khesü posheela peie.

1 PUOPAOKO 22:7

David nou puh hi haibüa paoe, “Anahna, Enou avei Ramai Mapao ye tsükhouyu hinou rathoki nasü soupei nüe.

1 PUOPAOKO 29:29

David veo vei vah haso teitei hai arai nou akhai koute hai rachipaola-apei mai asü- Samuel, Nathan ae Gad nou hrüko rükhai touyu vei larübvü hi rüthou khaitoue.

2 PUOPAOKO 1:4

(Ana Vo Sübvü nawolouzü David veo nou Kiriath Jearim hinou pove Jerusalem hi puhnou soudakhai touyu Sahpao hisü khaiwure).

2 PUOPAOKO 29:25

Mapao nou Veo David hi veo vei rachipaolawo Gad ae Nathan panou paodou peiyu thaifüa veo nou Levi maitaoye poa lou souyu basei noupu Rathoki hi khaipeie.

2 PUOPAOKO 9:29

Solomon vei ko hai arai nou poa akhai koute hai Rachipaolawo Nathan, Shiloh puona Ahijah vei Rachipaolayu hi-e, ae Rachipaolawo Iddo vei zho ngaoyu hinou, puhnou Veo Jeroboam nou Israel mai hi khasa-a hrüyu vanou-a paopeie, haitao hinou rükhaipei khaitoue.

LOUTAO 132:2

Mapao, puhnou ne hi apaokhai touyu ae khoukhoulai Jakob vei Ramai hi chaachou soukhai touyu khesü licho peio.

LOUTAO 132:5

Enou Mapao ye donou buh souda peimo koute, Khoukhoulai Jakob vei Ramai ye donou ki ali soupeimo koute hai.”

TAPALOUYU 40:21

Süthaisü puhnou Sübvü nasü Rathokipao hi polou thouloua haosah nou holoure. Mapao nou kharochi peikhai touyu thaifüa puhnou Vo Sübvü nasü haosah nou hokhaiwure.

HAGGAI 1:4

“Aki shisasa-a bulikhu, daisounou neletao lah neletao vei ki sü veihsho-a nou buge?

JOHAN 2:17

Alia “Ne kiye donou lenouyu nanou Alekhe hai meibüa deilai,” tea rükhai touyu nasü puh rozümaitao nou licho loure.

SEI-ATAMAI VAHTAO 7:46

David nou Ramai khu-leshi ngaoloua Jakob Ramai hrüre buh ali puhye panou soukhaio tea Ramai hinou khoe.