2 SAMUEL 5:3 - SHEEYU BAIBEL (BSI)

³ Südonou Israel hi süthai-apei maitao nou Hebron hi buyu David hisü tave puletao koa nou ae-ao touyu ali souloure alia maisou nou David ye panou veo soulai tea theadzü napeie. Haibüa David nou Israel mai teitei pei hi veo souloure.

2 SAMUEL 5:3 Iomraidhean Croise

2 SAMUEL 2:4

Süthaisü Judah hi maitao nou Hebron hi tavelou-a David ye panou veo soure donou theadzü napeire. David nou Gilead hi buyu Jabesh nuhmai nou Saul thaiphao sü vupeie touyu süloukhaie,

2 SAMUEL 2:7

Khu dulo, khou chilo! Neletao veo Saul sü thaire, ana Judah maitao nou puletao vei veo soure donou apei hi theadzü napeiwure.”

2 SAMUEL 3:21

Abner nou David hi paoe, “E chuwo taho Israel maiye sa-a ne hilao vepeilai. Puletao veo sü nenou soulai alia puletao hinou nenou ngaozü teiteisü ngaolai.” Süthaisü David nou Abner ye lududo kinou rako ashi panou ngaomore donou puhye seitawure.

1 VEMAITO 1:34

ae buh sühinou napao Zadok ae Nathan nou Solomon ye panou Israel mai hi veo soure donou theadzü napeio. Süthaisü shabe houlo ae haibüa shalo, ‘Veo Solomon ye sü panou hrüsho hrülou theo.’

2 VEMAITO 11:17

Napao Jehoiada nou Veo Joash ae maikhe maitao alia Mapao ye koa nou vo ali hai souloure, süolouzü puletao hai Mapao vei mai soua bailai; alia veo ae maikhe maitao-a koa nou vo ali souloure.

1 PUOPAOKO 11:1

Süthaisü Israel mai hrülai nou Hebron hi taveloua David hi haibüa paoe, “Etao hai nevei ke-zhe baie.

1 PUOPAOKO 11:3

Südonou Israel hi tsümai hrülai nou David nou buyu Hebron hi ve-e, ae David nou puletaoye saloua Mapao nghoujünou chaachou ali souloure, alia puletao nou David ye sü panou Israel mai vei veo soure donou Mapao nou rachipaolawo Samuel hi paopeiyu büa puhye sü theadzü napeiwure.

1 PUOPAOKO 28:4

Sübüa buyuma Israel maivei Ramai Mapao nou Eye doloue, ae avei tyaosholea maitaoye panou Israel maiye teisa nou khosa-a hrülai touwe. Ramai nou Judah khü hinou süthai-apeio nasü dapaloue, ae Judah vei khü hinou apuo vei kihikhamaiye nou dopaloue, ae apuo vei kihikhamai hrohinou Israel mai hrülai pei hi veo panou soure donou Eye jüpa-a dokupaloue.

2 PUOPAOKO 23:16

Napao Jehioada nou Veo Joash ae mai hrülaiye koa puletao hai Mapao vei mai soua bailaire tea vo ali soupuloue.

NEHEMIAH 9:38

Vepa-a buyu haikhe veishi donou, Israel mai soua buyu Etao nou ae-ao touyu chidei ali hai soulai tea chaachou souloure, ae Etao vei süthai-apei maitao, Levi maitao, ae napao maitao nou puletao vei ae-ao touyu sheeshao nasü thoupeiwure.

TAPALOUYU 3:16

Taho Israel maiye süthai apei maitaoye kujülo alia haibüa paopeio, Mapao, neletao vei paipaoh Ramai, Abraham, Isaak ae Jakob Ramai nou Eye ve zhu ngaopeia haibüa paoe, ‘Neletao nou kabüa Ejipt hinou hrüa bue touyu khesü Enou ngaoloure.

JOSHUA 10:36

Süthai Israel mai teitei ye Joshua nou sa-a Eglon hinou Hebron maivei teidei hi veloue; alia sühi reih huloue.

CHIKUAPEI MAITAO 11:11

Südonou Jephthah nou Gilead hinou veyu tsümaitao ye koa tare, alia maikhe mainou puhye panou peikhowo ae süthai-apeio soure, alia puhnou Mizpah hinou Mapao nghoujü nou puhvei chipao sü paopa peie

1 SAMUEL 11:15

Südonou mai hrülai nou Gilgal hi taho sheeyu buh hinou Saul hai puletao vei veo soure tea shapapue. Puletao nou Mapao hi poukai nüvei meidei-a kaonayu posheela hai posheela peie, alia Saul ae Israel mai hrülai nou asashoa khonüh nüe.

1 SAMUEL 16:13

Samuel nou oliv theadzü poloua David ye sü puh jürai maitao nghoujü nou theadzü napeiwure. Süzhou teithe hinou Mapao vei Rako nou David hisü koulou loure. Süthaisü Samuel hai Ramah nuhdu hi dakhai tare.

1 SAMUEL 23:18

Ae puhai nou sapokha soure donou Mapao zhih hinou vo ali souloue. Süthaisü David nou Horesh hi chaore ae Jonathan hai lah ki hi dakhai tare.