2 SAMUEL 4:4 - SHEEYU BAIBEL (BSI)

⁴ Saul vei tyaosholea ali sü puh nahpoutu Jonathan nahpoutu Maphibosheth tea nou bue. Nahpoutu hainasü po angou pa-a baihie, Saul alia Jonathan puonah haiye reihbu hinou thaiyu phaki. Puhai vei athai ko hai Jezreel nuhdu hinou chouveyu phaki, nahpoutu ye sa-a kipeiyu naotupai nou puhye sü daopfüloua tutayu phaki, nahye sü phaohinou panou dekou-a puh vei phi deishawua puh sü phi shoyu mai ali sou-a baire.

2 SAMUEL 4:4 Iomraidhean Croise

2 SAMUEL 21:7

Ana puh alia Jonathan kohisü Ramai zhih hinou chaachou soukhai touyu donou Jonathan vei nahpoutu, Saul veo tyao Mephibosheth ye David nou shopeie.

2 SAMUEL 9:13

Phi ahai kheinou shi-a shovaiyu Mephibosheth sü teisa nou veo ye koa touzho sozho-a Jerusalem hinou hrüe.

2 SAMUEL 9:3

Veo nou paoe, “Saul vei kikhamai ali-a hadou? Hakinou bue toulouzü Enou sünapei hisü raichoki nou paohyu thaifüa zhuvea leshiyu vei vah soupei nüwe.” Ziba nou chila peie, “Jonathan vei nahpoutu ali bue, puh sü phi veimo-a shore.”

2 SAMUEL 9:6

Mephibosheth, Jonathan nahpoutu alia Saul vei tyao nou veyu phaki, puhnou David ye tsükhou-a nakou khurüloue. David nou paoe, “Mephibosheth, ne pi khaitouso.”

1 VEMAITO 11:17

anou Hadad alia puh puo vei kilai mai kamaiye saloua nou Ejipt hinou bailoure. (Süphaki Haded sü nahmaitou soua baihie.)

1 PUOPAOKO 8:34

Janathan nou Meribbaal puo-e, ae puhnou Mikah puo-e.

1 PUOPAOKO 9:40

Jonathan hai Meribbaal puo-e, puhnou Mikah puo-e.

1 SAMUEL 29:1

Philistin mainou puletao vei reihmai hrülai hai Aphek hinou save jüloure, ae Israel maitao nou Jezreel Deikho hi dzüla payu buh hinou vejüloua fühao soua buloure.

1 SAMUEL 29:11

Südonou thainesho shona nou David ae puhvei maitao hai Philistin maiye thaowua dakhai tare, ae Philistin maitao hai Jezreel hisü tare.