2 SAMUEL 3:9 - SHEEYU BAIBEL (BSI)

^9-10 Ramai nou David hisü puhye panou Saul hinou vedei hai poloua puhye panou Israel ae Judah maivei vedei ahai hinou, süsü Dan hinou poa Beersheba koute hai veo soulai tea paopei khaitoue. Hai nasü panou cheche-a vepamoyu thaio, Ramai ye panou ahi sü tatei sho-a veahoyu sü peitheo.”

2 SAMUEL 3:9 Iomraidhean Croise

2 SAMUEL 19:13

David nou Amasa hi-a haibüa paopeio tea paoe, “Ne avei vasou mowu? Avei zhemowu? Neye panou Joab thaosou reihmai peichana soulai; chi haina vete moyu thaio, Ramai ye panou Eye southa theo,” tea veo nou paoe.

2 SAMUEL 19:14

David nou haibüa chipao peikhaie, Judah mai hrülai sü alikhei sou-a puletao lesü David hi peiwure. Sütea puletao nou David alia puhye koa laiyu mai hrülaiye khaivelo tea chipaoh seidakhai peie.

2 SAMUEL 3:35

Heamajü David ye panou hatoure donou maikhe mainou teshoe, ana puhnou Ramai zhih hinou chaachou ali soungaore, “E zhou teithe akhai soumo koute ha taralia tousore toulouzü, Ramai ye panou Eye southawo.”

1 VEMAITO 19:2

Süthaisü Jezebel nou kopomai aliye Elijah hi haibüa paove-e, “Dosho chu teile phahi Enou neye nenou rachipaolayu maitao hi soupeiyu bütoua soupei moyu thaio Ramai panou Eye southa theo.”

1 VEMAITO 2:23

Süthaisü Solomon nou Ramai zhih hinou haibüa chaachou souloure, “Adonijah nou haibüa khoyu donou puhvei hrirai hai Enou polou moyu thaio, Ramai ye panou Eye southawo.

1 PUOPAOKO 12:23

Mapao nou paopeiyu thaifüa David nou Hebron hi buyu phaki soureih veishoyu maitaoli puhvei reihme hi louloua panou Saul thaosü veo soure donou soukha peilai tea taveloue. Puletao vei reihme tao sü haitaoe: Judah khü hinou reih basei tutoupoa veyu hai mai 6,800; Simeon khü hinou soureih souyu dokai süvei shoyu mai 7,100; Levi khü hinou reihmai 4,600; Jehoiada vei thaifü maitao ae Aaron vei tyaosholea hinou mai 3,700; Zadok vei kityarai hinou soureih souveih shoyu nahlemai 22; Benjamin (Saul vei khü) hinou mai 3,000 (Benjamin khü hai mai poulo nou Saul hi bubaie); Ephraim khü hinou zhih tashoyu mai 20,800; Teinghi loulo buyu Manasseh khü hinou mai 18,000 hai dopaloua panou David ye veo soure donou veloue; Issakar khü hinou süthai-apei mai 200, ae puletao nou süthaiyu maitao noupu koa veloue (Süthai-apei mai haitao Israel mainou daivah souzüe ae kabüyu teile hinou souzüe touyu süwe); Zabulun khü hinou louche louveiyu ae reihbasei tyatyali poa soureih soulou süyu reihmai 50,000; Naphtali khü hinou süthai-apei mai 1,000, ae reihbasei tupoa soureih soure donou reihmai 37,000; Dan khü hinou soureih souveiyu mai 28,600; Asher khü hinou soureih veiyu mai 40,000; Jordan vei teinghi palova nou hrüyu Reuben, Gad ae teinghi palova buyu Manasseh maitao hinou reihbasei tyali poa soureih soulou süyu reihmai 120,000.

RUTH 1:17

Nenou thaiyu buh hisünou E-a thailai, alia sühinou E-a daovulai. Athai moa nou E neye thaowua rata louzü Mapao panou Eye souvea peitheo.”

1 SAMUEL 14:44

Saul nou puh hi paoe, “Neye southa moyu thaio, Ramai ye panou Eye southawo.”

1 SAMUEL 15:28

Samuel nou puh hi paoe, “Mapao nou zhou teithe ne hinou Israel maivei vedei sü soude laiwure, ae ne jünou veipuyu mai ali hi peiwure.

1 SAMUEL 25:22

Zhou khei tei thepa loumo jünou puhvei mai hrülaiye southakhai loumoyu thaio Ramai panou Eye southa theo.”

1 SAMUEL 28:17

Mapao nou Eye panou ne hi paopeiyu thaifüa soupeiwure: Puhnou vedei nasü ne hinou poloua David hi peiwure.

1 SAMUEL 3:17

Eli nou puh hi noue, “Mapao nou ne hi daitoua paowe? Halia pokukhai toumoa ahi paongao khaio. Puhnou ne hi paoyu chi teitei sü ahi paongaokhai toumo louzü Ramai nou neye tudee-a bailai.”