2 SAMUEL 3:3 - SHEEYU BAIBEL (BSI)

³ Rai-a Nabal ki veyu Karmel pfüpai Abigail nou Kileab ye napeie; Geshur hi veo Talmai nahpai Maakah nou Absalom napeie.

2 SAMUEL 3:3 Iomraidhean Croise

2 SAMUEL 13:1

David nahpoutu Absalom hai tupai ali Tamar tea hüvei sho-a bue. Amnon tea kuyu David nahpoutu kukhe ali-a bue, puh sü Tamar ye leshi loure.

2 SAMUEL 14:23

Süthaisü puhnou tashulou-a Geshur hi ve Absalom ye salou-a Jerusalem hi dakhai vere.

2 SAMUEL 14:24

Sütou-a bukhai-a, veo nou kharochi ali peie, süolouzü Absalom ye panou veo ki hi velai moe, lah puh vei ki hinou pa buo, “E puhye ngaonü moe,” tea veo nou paoe. Südonou Absalom hai lah puhvei ki hinou hrüa bubaie, ae veo vei nghoujü hi vekhai toumoe.

2 SAMUEL 14:32

Absalom nou Joab hi chila peie, “Avei ki hi vepeio tea neye ku ahai khoe, anou ne sü vepei bare. Neye panou veo hi ve ‘Eye daisoulai tea Geshur hinou hai hi savewe, E hai Geshur hi bubaiyua vei-a baimowu?’ touyu hai nasü Veo hi neye panou paopeire donou neye kuwe. Südonou chuwo E veoye ve daonüwe, chukoutea E hai mah buhie toulouzü veoye panou Eye southa peio.”

2 SAMUEL 15:7

Haibüa soukouyu po adai thaisü, Absalom nou veo David hi paoe, “Enou soulai tea Ramai hi paohkhai touyu nasü taho soure donou Eye panou zhuvea-a Hebron hi tare donou aetou peio.”

2 SAMUEL 15:8

E Sairia levai buyu Geshur hi hrüyu phaki, “Ramai nenou Eye panou Jerusalem hi dakhai velouyu thaio, Hebron hinou tave neye tholai,” tea Enou chaachou soukhai toue.

2 SAMUEL 18:33

Veo nou hai ko hai choulou-a levea shore. Robomü hi buyu kide nahi tapa loulou-a puh sü krare. Puhnou ta-a lukhu “Anahtu! Anah Absalom! Absalom, Enou nevei thaosou-a thai baiyuo veilai mounou, anahtu, anah poutu Absalom,” tea sha-a nou krare.

2 SAMUEL 2:2

Südonou David nou puhvei khapfü ahai süolouzü Jezreel pfüpai Ahinoam alia Karmel hi rai-a Nabal khapfü souyupai Abigail ye salou-a Hebron hi tare.

1 VEMAITO 2:15

Puhnou paoe, “Nenou süwe, süolouzü Enou veo soushulai tiyu hai Israel mai hrülai nou vuzhi-a nou bue, ana sübü moa tyaku nou vepa-a baire, alia athaihou nou vekou loure, süsü Ramai vei leli baiphare.

1 PUOPAOKO 3:1

David nou Hebron hi buki nahpoutu nalouyu taosü haitao-e: Jezreel pfüpai Ahinoam nou Amnon-ye napeie, Karmel pfüpai Abigail nou Daniel napeie, Geshur hi veo Talmai nahnaotu Maakah nou Absalom napeie, Haggith nou Adonijah napeie, Abital nou Shephatiah napeie, Eglah nou Ithream napeie.

PAODAKHAIYU CHIKHA 3:14

Manasseh puona Jair nou Argob deize teitei, süsü Bashan maivei teidei teitei, alia Geshur ae Maakath maivei deirai hi koute poloure, alia dei sünasü puh zhih hinou kuloure. Südonou Bashan hai zhou koute Jair vei nuhtao tea süwe.)

JOSHUA 13:13

Ana Israel mainou Geshur alia Maakah mai ye hulai loumore; puletao nou koa Israel maiye chukoutea sa-a hrüwe.

1 SAMUEL 25:42

Honapai nou thalasoua rheisüh sü pfüloure ae puhvei kilai naotumai angou saloua David vei kilai maitao thaifü tare, ae David vei chapfü soutare.

1 SAMUEL 27:8

Teile süphaki, David ae puhvei maitao nou süpehao hi raichokinou hrüa buyu Geshur mai, Girza mai, ae Amalek maiye soureih souta-e. Puhnou Ejipt hi talouyu Shur maivei teidei hi koute hai soureih souta-e,