2 SAMUEL 22:44 - SHEEYU BAIBEL (BSI)

⁴⁴ Apei hi reih sou-a Eye duyu maitao bah hinou Eye nenou khailupa peie, ae Enou sümo-ngaomoyu maitaoye panou avei ku-vah soupeie.

2 SAMUEL 22:44 Iomraidhean Croise

2 SAMUEL 19:14

David nou haibüa chipao peikhaie, Judah mai hrülai sü alikhei sou-a puletao lesü David hi peiwure. Sütea puletao nou David alia puhye koa laiyu mai hrülaiye khaivelo tea chipaoh seidakhai peie.

2 SAMUEL 19:9

Israel mai hrülai sü haibüa züva-a bure; “David veo nou Etaoye ngaobamai bah hinou vupa peie, puhnou Etaoye Philistin mai bah hinou vupapeie, ana chuwo puh sü Absalom hinou tuta-a teidei thaowu-a tare.

2 SAMUEL 20:22

Süthaisü naotupai nou haibülai tea cholouyu nasü koa puh vei nuh maitao hi taho chi phatare alia puletao nou Sheba pei delou-a Joab hi laipa peiwure. Sütea Joab nou khaita baio tea panou lahkuku nuh hi khaitare alia Joab nou Jerusalem hi khaive veo hi bure.

2 SAMUEL 3:1

Saul kikhamai thaikoyu me alia David ye thaikoyu me tea phateile dousho-a reih züvae. David vei maitao nou khoulailai paloua Saul vei maitao hai lelou holailai tare.

2 SAMUEL 5:1

Süthaisü Israel hi khü teitei nou tave Hebron hi buyu David hi paoe, “Etao mai hrülai hai lah nevei vasou ae zhe baie.

LOUTAO 110:6

Puhnou tyahrütao pei hi chiku peilai ae reihbu hisü panou thaiphao khaikho bulai; puhnou deiphao hi veo mai hrülaiye sü hraongu soupeilai.

LOUTAO 18:43

Eye ngaophou moa khaityayu maitao hisü nou nenou Eye khailupa peie, ae Eye panou tyahrütao pei hinou pa peikhowo nasü soupeie. Enou sümo ngaomoyu maitaoye panou chuo avei kuvah souyu mai soure.

LOUTAO 2:8

Kho khaio ae Enou tyahrü hrülaiye sü ne hi peilai, alia deiphao teitei sü panou nevei soulai.

ISAIAH 55:4

Enou puhye panou tyahrütao vei süthai-apei ae peikhowo sü soupeie, alia avei khouko khesü puh vanou maikhe mai hi ngaopeie.

ISAIAH 55:5

Chuo neletao nou sümoyu tyahrütaoye neletao hi kupoa velai, ae neletaoye sümoyu tyahrütao nou neletao hi tupoa velai. Daiolouzü sheeyu Israel maivei Ramai Mapao, Enou neletaoye sü souduso peiwure.”

ISAIAH 60:12

Ana neletao vei kuvah soumoyu tyahrütao sü souhazei bailai.

ISAIAH 65:1

Mapao nou paoe, “Enou avei maitao vei veachi sü kei peilai tea bue, anou puletao nou veachi paomoe. Enou puletao hi ngaopeilai tea bue, ana puletao nou Eye phoumoe. ‘E hai hi bue; Enou neletaoye soukha peilai’ tea pao-a buyuma tyahrü nasünou ahi veachi paomoe.

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

HOSEA 2:23

alia Enou puhye A deihie vukhai peilai. Enou raiki zhuvea moyu taoye zhuvea peilai, alia Enou Amaimotao hisü paolai, ‘Neletao hai A maiye,’ alia puletao nou ‘Ne hai Avei Ramai-e,’ tea paolai.”

ROMMAI 15:12

Alia Isaiah nou paopue, “Jesse vei tyaonah ali velai; puhnou tave tahrüh kukhe maiye kha-sahrülai, alia puletao nou puh hinou rei-a bulai.”

ROMMAI 9:25

Hosea vei larübvü hinou haibüa puhnou paoe: “Amai moyu maitaoye nou ‘Amaitao’ tea Enou kulai. Enou leshimoyu tahrühyenou ‘Aleshipai’ tea Enou kulai.

PAODAKHAIYU CHIKHA 28:13

Mapao nou neletaoye pei soupeilai, panou mi soulai moe. Zhou Enou neletao hi peikhai touyu Ramai Mapao vei kharochi teitei hai zü loure toulouzü, alia sütao hai soutaosou fütou lousho, neletao hai teisa nou peichalai, maikhe bulai moe.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”