2 SAMUEL 22:3 - SHEEYU BAIBEL (BSI)

³ Avei Ramai hai avei chuhdue, E puh hinou bailouwe, avei rüe ae Eye khailu peiyu kaie. Puh sü avei khoukhoulai buh nasüe, avei baibuh alia avei khailu-apeio nasüe, mai ashimai bah hinou Eye nenou khailupa peie.

2 SAMUEL 22:3 Iomraidhean Croise

SHURAI 15:1

Haina thaisü, Abram zho kounou haibüa Mapao nou puh hi paoe, “Ngaopiso, Abram! Enou nevei rüh soupeilai, alia nevei buusü dushoa peilai.”

2 SAMUEL 22:31

Ramai Mapao louzü puhvei ludu sü veichekhoe, puhvei chipao sü kaomoyu ali-a hae. Puhvei vupapei phouyu mai hrülai hisü puh hai rü ali bütoue.

2 SAMUEL 22:47

Mapao hai teisa hriyu Ramaie! Eye vupa-apeioye sü paosholo! Eye khailu peiyu Ramai vei aduso nasü paoshapa peio.

2 SAMUEL 22:49

Eye ngaobamai bah hinou Eye sapa lahdo soupeie; Nenou Eye thaihraimai jünou pokupa peie, zhaipou shimai hinou Eye nenou vupapeie.

2 SAMUEL 22:51

Puhnou puhvei veo hi dusho-a veilou-ngalouyu peie, puhvei theadzü na-apeio pei hi puh vei leshi sü ngaopeie, puh leshi hai David alia puh vei sholea pei hi teisa nou bupeitheo.

2 SAMUEL 23:3

Israel maivei Ramai nanou paoe, Israel maivei chuhdu nanou ahi paowe: “Acheche hinou teidei khopeiyu veo, Ramai vei chi zü-a teidei khopeiyu veo,

LOUTAO 14:6

Hashi souyu maitao nou tainoutou soua laiyu maitao vei tsüchoda khaitouyu khesü soupepo peiwe, ana Mapao nou puletaoye sü vupa peiwe.

LOUTAO 140:1

Oh Mapaowo, Eye mai ashi maitao hinou khailupa peio, Eye zhaipou shiyu maitao hinou vupa peio.

LOUTAO 140:11

Dahrührüa maiye poshiyu maiye sü panou veilouyu ngaoso; zhaipou shiyu maiye sü panou ashi hinou veiloua puletaoye sü souha peio.

LOUTAO 140:4

Oh Mapaowo, mai ashi maitao bah hinou Eye vupa peio, zhaipou shishoa Eye soushilai tea buyu maitao hinou Eye kiko peio.

LOUTAO 142:4

Enou zhu haoveyu phaki, mailia Eye soukha peire mai sü ngaomoe, mailia Eye vupeire mai sü hare. Eye donou tea mailia zhuvea peia lüpeire mai sü hare.

LOUTAO 144:2

Puh hai Eye kho-apeio chuhdu nasüe, alia avei baibu ae Eye khailupa peipue, puhnou Eye pa kaozhou ashi daokhailai moe touyu Enou puhye louchewe. Puhnou tyahrütao hai avei khakhe hi pothou peie.

LOUTAO 18:2

Mapao hai avei chuhdu ae reihkhaobu nasüe. Avei Ramai nou Eye kho peiwe, ae puh hinou Esü bailouwe. Puh hai avei rü-e ae Eye vupeia panou kaozhou veia bubaiwe.

LOUTAO 27:5

Veahoyu phaki puhnou Eye kiko peilai, puhnou Eye puhvei Rathoki hinou poku povai peilai ae kushoyu chuhdu ali phi hinou Eye pokhaitou toupeilai.

LOUTAO 28:7

Mapao hai avei pfüchi nasüe, ae avei rüe; Enou puhye louchewe. Puhnou Eye soukha peie, ae Eye sousava peie, Enou puhye sashoyu lou nou soushowe.

LOUTAO 3:3

Ana Oh Mapaowo, ne sü teisa nou kaozhou ashi daolaiyu phaki avei rü soupeie. Veilou ngalouyu sü nenou ahi peie, nenou ale soudu dakhai peie.

LOUTAO 32:7

Ne hai Enou tutsüa bailoure buh nasüe, E veahoyu phaki nenou Eye vupa peie. Nenou Eye khailupa peiyu ae vupa peiyu sü Enou shusoua lou soulai.

LOUTAO 46:1

Ramai hai Etao vei baibuh ae pfüchi nasüe, veahoyu phaki soukha peire nasüe.

LOUTAO 46:11

Khoukhoulai Mapao nou Etaoye salai peie, Jakob vei Ramai hai Etao vei baibue.

LOUTAO 46:2

Südonou teideiphao pepo tayuma ae deichitao hai zai hi delou tayuma Etao hai ngaopi laimoe;

LOUTAO 46:7

Khoukhoulai Mapao nou Etaoye salai peie; Jakob vei Ramai hai Etao vei baibue.

LOUTAO 5:12

Ne chi züyu maiye nenou hapeie, Oh Mapao; nevei leshi nou rü ali büa puletaoye vupeilo.

LOUTAO 55:9

Oh Mapaowo, Eye ngaoba-a buyu maitao vei tsüle sü souhao khaipeio! Enou nuhdu hisü taidayu ae büroyu sü ngao-e,

LOUTAO 59:16

Ana Ewo louzü nevei khouko nasü lou soushoa nou bulai, ae shona chüsü Enou nevei tobai soumoa leshi peiyu nasü shusoua lou soulai. Daiolouzü nenou avei baibu nasü soupeie, ae veaho vedao-a buyu phaki-a ne hinou Eye sü panou baichaoloue.

LOUTAO 61:3

daiolouzü Eye kho-apeio nasü ne baie, ae ngaoba maitao bah hinou vupa peire nasü ne baie.

LOUTAO 71:7

Avei hümamai hai mainou doulu veiyu ali soua bue. Daiolouzü nenou Eye kho-apeio nasü soupeie.

LOUTAO 72:14

Puhnou maiye souveayu mai ae zhaipou ashi maitao bah hinou puletaoye sü vupa peie; puletao vei hrümai hai puhye donou muh teisho-e.

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

LOUTAO 84:9

Oh Ramai, nenou dolouyu Etao vei veoye sü shiha peio.

LOUTAO 86:14

Oh Ramai, khaophu souyu maitao nou Eye dulai tea laire; ae leshi sümoyu maitao nou Eye southalai tea vere, puletao hai neye ngaophou moe.

LOUTAO 9:10

Mapao, neye süyu maisü neye louchewe; ne hi veyu mai taliye nenou thaopei moe.

LOUTAO 9:9

Mainou souvea laiyu maitaoye donou Mapao hai baibue, veaho-a buyu phaki kaovei-a sochao loure buh alie.

TAPALOUYU 15:2

Mapao hai avei khouko ae pfüchi nasüe, alia puh hai Eye khailu apeio nasüe. Puh sü avei Ramaie, Enou puhye paosholai, Apuopaoh Ramai, Enou nevei aduso sü lou nou soulai.

TSÜCHITAO 18:10

Mapao vei zhih hai khoushoyu reihbu alie, acheche mainou sühi tuvelou-a zhouvei ngaolouwe.

TSÜCHITAO 30:5

“Ramai vei chipao veishi nou cheche-a baie! Puhvei vuapei phouyu mai sü puh hai rü büa bue.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 32:2

Puletao mai alili hai teikhai hinou bailoure buh ali ae teikhai teirü ashi veyu phaki tutsü louyu buh ali bülai, alia puletao sü radeiki hinou reidzü küyu büa ae halia hayu teidei hisünou chuhdu ali nou teihao soupeiyu bülai.

ISAIAH 45:21

Neletao vei chi sü popa kukhaio, ae puletaoye sü panou koa kabülai touyu sü phaku zholou khaio! Thaonou vepare khesü rai-a paosü peie? Haisü Mapao Enou movu? E likhei baimoa nou checheyu Ramai ae khailupa peiyu Mapao kukhe alia-a ha-e.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 16:9

Daiolouzü Israel maivei Khoukhoulai Ramai Mapao Enou paoyu sü keilo. Zhukhaio, Enou asah soua buyu paikho ae shanghi vei vasho-a khonüh nüyu kho khesü panou choupulai moe. Haibüa vepayu khesü sühinou hrüyu maitao nou ngaolai.

LUK NOU RÜYU KO AVEIBVÜ 1:47

ea Arakonou Ramai, Eye Khailu-apeio hisü asawe,

LUK NOU RÜYU KO AVEIBVÜ 1:69

Puhnou puh kilai David khü hinou Eletaoye donou khou-chihyu Khailu-apeio ali seive peire.

LUK NOU RÜYU KO AVEIBVÜ 1:71

Süolouzü Eletaoye ngaobamai ea Eletaoye ngaorayu mai veishi bah hinou khailu peilai touyu;

PAODAKHAIYU CHIKHA 32:37

Süthaisü Mapao nou puhvei maitao hi noulai, ‘Neletao nou louche-a buyu rah khesü daiki vetare?

PAODAKHAIYU CHIKHA 32:4

“Mapao hai neletaoye vupeiyu Chuhdu nasüe, puhvei ludu teitei sü kaokhai toubaie. Neletao Ramai hai louchelou veiyu Ramai-e, Puh hi kaomoyu ali-a hae, kaozü süyu ae acheche sü puh-e.

PAODAKHAIYU CHIKHA 33:29

Oh Israel maitaore, neletao hai daizhou koute savayu maitaosa! Mapao nou vupa peiyu maitao, neletao büa thao tyahrü nou bue? Puh hai neletaoye soukha apeio rü nasüe, ae neletaoye panou veilouyu khoche nasüe! Neletaoye ngaobayu maitao sünou neletao hi ve zhuvea peio tea kholai, ae neletao nou puletaoye sü phinou taidei poa talai.

TITA 3:4

Ana Eletaoye khailu-apeio Ramai vei zhuvea ea leshi hai pongao peiwuyu kisü,

TITA 3:6

Ramai nou Eletao Khailu-apeio Jisu Khrista vanou Eletao pei hi Rako Mashi alaosou lakou thoupeire,

EBRIAMAI 2:13

Alia puhnou paokhaie, “Enou Avei lü sü Ramai hi pokhailai.” Alia puhnou paopukhaie, “Ramai nou Ahi peikhai touyu nahmaitaoye koa Esü haihi bue.”

1 SAMUEL 2:1

Hannah nou haibüa veachi paoe, “Mapao nou Eye sousava peie; Enou asah soua buyu hai puhnou soupeia baie! Eye ngaobayu maitaoye sü Enou konü peie, E asa shore, daiolouzü Mapao nou Eye veilouyu sü peie.

1 SAMUEL 2:2

“Mapao büa sheeyu mai ali-a hae; Neye raiyu mai aliro hae, Etao Ramai nou vupa peiyu büa mai kukhe ali-a hae.