2 SAMUEL 2:8 - SHEEYU BAIBEL (BSI)

⁸ Saul veo vei reihmai peichawo Ner nahpoutu Abner nou Saul vei nahpoutu Ishbosheth sa-a Jordan rei alilo dova tupa Mahanaim touyu buhi bure.

2 SAMUEL 2:8 Iomraidhean Croise

SHURAI 32:2

Puhnou puletaoye ngaolou khaie, puhnou paoe, “Haisü Ramai vei reihmai bue.” Südonou puhnou buh süna zhih sü Mahanaim tea sapeie.

SHURAI 32:3

Jakob nou Edom teidei, Seir hi buyu puh jürai Esau hisü raia seiko pomaiye seitare.

2 SAMUEL 17:24

David nou tapoa Mahanaim touyu buh hi vere, ae Absalom nou puhvei maitaoye sa-a Jordan rei tacho paloure.

2 SAMUEL 2:29

Süthaisü Abner alia puhvei maitao hai kheimathe nou Jordan rei sü tacho palou-a thainesho teithepayu phaki tapoa Mahanaim hi veloure.

2 SAMUEL 2:7

Khu dulo, khou chilo! Neletao veo Saul sü thaire, ana Judah maitao nou puletao vei veo soure donou apei hi theadzü napeiwure.”

2 SAMUEL 3:38

Veo nou puhvei peikho maitao hi paoe, “Zhou teithe Israel mai hrohinou matsü kayu mai ali thaiyu teithe-e touyu neletao sümowu?

2 SAMUEL 3:6

David vei maitao alia Saul vei maitao tea reih züyu phaki Saul vei maitao hrohi Abner hai khouko bulailai pare.

1 PUOPAOKO 8:33

Ner hai Kish vei puo-e ae Kish hai Veo Saul vei puo-e. Saul hai nahpoutu adai bue: Jonathan, Malkhishua, Abinadad, ae Eshbaal.

1 PUOPAOKO 9:39

Ner hai Kish puo-e, ae Kish nou Saul vei puo-e. Saul hai nahpoutu adai bue: Jonathan, Malkhishua, Abinadad, ae Eshbaal.

JOSHUA 21:38

Alia Gad maivei teidei hinou Gilead hi buyu Ramoth nuhdu (maiye southayu mainou ve baiyu nuh), Mahanaim,

1 SAMUEL 14:50

Saul chapfü zhih nou Ahimaaz nah naotupai Ahinoam toue. Puhvei reihmai peikhowo hai Saul puo thaihou Ner nahpoutu Abner toue.

1 SAMUEL 17:55

David nou Goliath ye reih zülai tea tayu phaki, Saul nou puhvei reihmai peikhowo Abner hi noue, “Abner, nahlepuna hai thao nahpoutue?” Abner nou chila peie, “Apaopuwo, E-a sülou more.”

1 SAMUEL 26:14

puhnou shusoua Saul vei reihmaitao hi ae Abner hisü “Abner, ne Enou kuyu apai chouho chou moe?” tea shapaoe. “Thaonou shusoua ra-a veo ye soukaiwe?” tea Abner nou noue.