2 SAMUEL 2:1 - SHEEYU BAIBEL (BSI)

¹ Haithai David nou Ramai hi noue, “E chuwo Judah maivei nuh tarali hi taho hrüa veiho shie?” Ramai nou “Taho hrüa veie” tea paopeie. David nou noupukhaie, “E nuh kana hinou taho hrülai?” “Hebron nuhdu hi taho hrüo” tea Ramai nou paoe.

2 SAMUEL 2:1 Iomraidhean Croise

SHURAI 13:18

Südonou Abram nou puh vei sahpao sü hrada khailoua Hebron hi sheeyu Phüsüübe buyu Mamre hilo taho bure, ae sühinou Mapao ye thore rathobuh ali soushu loure.

SHURAI 32:2

Puhnou puletaoye ngaolou khaie, puhnou paoe, “Haisü Ramai vei reihmai bue.” Südonou puhnou buh süna zhih sü Mahanaim tea sapeie.

2 SAMUEL 15:7

Haibüa soukouyu po adai thaisü, Absalom nou veo David hi paoe, “Enou soulai tea Ramai hi paohkhai touyu nasü taho soure donou Eye panou zhuvea-a Hebron hi tare donou aetou peio.”

2 SAMUEL 2:11

Puh nou Hebron hinou po anai-da hai veo soue.

2 SAMUEL 5:19

David nou Ramai hi paoe, “E Philistin maitaoye reih hulou laiwu? Ne Eye panou veiloulai moge?” “Ao, huloukhaio! Neye panou reih veilouyu sü peilai,” tea Ramai nou chila peie.

2 SAMUEL 5:23

Chua David nou Ramai hi kabülai tea noupue ae Ramai nou khüpeie, “Hai hinou reih hulouso, ana tasühao khaio alia huloure donou soudalo, puletao thailao nou ae balsam süübetao pe hinou huloure donou soudalo.

1 VEMAITO 2:11

Puhnou Israel mai hi po raidai hai veo soue, Hebron hinou po anai, ae Jerusalem hinou po shi-asü soue.

1 PUOPAOKO 29:7

Puletao nou Mapao vei Rathoki soure donou sana metric ton 170 jünou la-a peie, shahu hai metric ton 340 jünou la-a peie, baosahu hai metric ton 620 pha hai peie, ae hu kukhe hai metric ton 3,400 jünou la-a peie.

2 PUOPAOKO 11:10

Zorah, Aijalon, ae Hebron.

LOUTAO 143:8

Nevei tobai soumoa leshi peiyu nahai Eye shonachü nou süngao peio, daiolouzü Enou neye louchewe. Enou tare ludu nasü Eye ngaopeio, daiolouzü Enou ne hi veachi paoe.

LOUTAO 27:4

Enou hali Mapao hinou khowe; Enou jüpa-a phouyu nasü haina baie: avei hrümai veishi nou Mapao vei ki hinou bua puhvei aveih aduso nasü licho-a ae Eye khosa-a laipeio tea puh hinou khoyu nasü baie.

EZEKIEL 36:37

Ramai Mapao nou paoe, “Enou Israel maiye sü panou ahinou soukha peio tea khopulai, ae Enou puletaoye sü zhaokhome hinou zhaotu hai alao poupayu büa soupoupa peilai.

MAIPEI PHOUYU 13:22

Puletao nou raikaisoua khelo nou buyu teidei sü zhuta-e, ae süthaisü puletao nou Hebron touyu teidei nasü zhue. Teidei sühi hai Ahiman, Sheshai ae Talmai mainou hrüwe, alia mai dushoyu maitya Anakim tea kuyu maitao nou nuh teidei sühisü bue. (Hebron hai Ejipt hi Zoan tea buyu nuhdu najünou po anai hai rai-a soushu loure.)

MAIPEI PHOUYU 27:21

Puhnou napao Eleazar ye koa vah soulai, ae Eleazar nou Urim ae Thummim poloua nou avei leli nasü zhulai. Haibüa nou Eleazar nou Joshua ye sü kabüa Israel maiye khasa-a hülai touyu hai paodou peilai.”

JOSHUA 15:13

Mapao nou Joshua hi paohpei khaituyu thaifüa puhnou Jephunneh nahpoutu Keleb hi Judah mai dei hinou daotou depeiwure, sühai Kiriath-arbah touyu Hebron hie (Arbah hai Anak puo-e).

CHIKUAPEI MAITAO 1:1

Joshua thaitayu thai, Israel mainou Ramai hi noue, “Thao vei khü nou Kanaan maiye reih soulou railaige?”

1 SAMUEL 10:22

südonou puletao nou Mapao hi noue, “Mai kukhe mai bupu hivu?” Mapao nou chila peie, “Saul hai na khaiyu buh hinou tutsüa bue.”

1 SAMUEL 23:2

Südonou puhnou Mapao hi noue, “E taho Philistin maiye reih souyu veishi-e?” Mapao nou haibüa chila peie, “Taho reih soukhaio, ae Keilah maiye vupa peio.”

1 SAMUEL 23:4

Südonou David nou Mapao hi noupue, ae Mapao nou puh hi paoe, “Taho Keilah hinou Philistin maiye reih soukhaio, Enou neye veilouyu sü peilai.”

1 SAMUEL 30:31

ae Hebron maitao hisü seita peie. Puhnou sapeina khesü puhnou ae puhvei maitao nou tutsüa tasühaoyu nuh teidei teitei hisü seita peie.