2 SAMUEL 1:2 - SHEEYU BAIBEL (BSI)

² Teithe asü chezhou sü Saul vei reihmai buh hinou mai ali hai puhvei leveayu ngaoyu ali sou-a lah puhvei sah daophasa toure alia puhvei pei hi nainou boshopoa David hi tuvere. Puhnou David hiki takou pei pfünakou David ye khuhao-a khurüe.

2 SAMUEL 1:2 Iomraidhean Croise

SHURAI 22:4

Teithe asü zhousü Abraham nou buh sünasü doukou nou zhingaore.

SHURAI 37:29

Reuben nou dakhai ve raobvü hisü zhuyu phaki Josef sü ngaomore, südonou puhvei sabanü sü paiphare,

SHURAI 37:34

Süthaisü Jakob nou levea-a puhvei sabanü sü paiphare alia louhsa baloua teile soli puh nahpoutu donou dopfüe.

SHURAI 43:28

Puletao nou chila peie, “Ne kilai Etao puo sü chua hria bue alia veia bue.” Alia puletao nou khoukheloua peipfüa deiphi nakouloua puhye khurüe.

2 SAMUEL 1:3

“Ne daichinou vewe?” tea David nou puh hi noue. “E Israel maivei reihmai buh hinou tupaloue,” tea puh nou chila peie.

2 SAMUEL 13:19

Puhnou vounai nou pei bosholou, puhnou zaoyu zao nasü paiphawu-a bah nou pei vaopoa kra-a tare.

2 SAMUEL 14:4

Naotupai nou veo hi tavelou-a puhye tsükhouyu zhai hinou nakou khurülou-a haibüa paoe, “Eye soukha peio, Puo Veo!”

2 SAMUEL 15:32

David nou tapoa deichi peitaoh hi, maikhe mainou Ramai ye thoyu buh ali hi pate louyu phaki, puhnou louche shoyu Arkit puona Hushai nou puhvei sabanü sü paiphawua ae puh pei hi nai bosholoua tave puhye daolai tea bure.

2 SAMUEL 24:20

Araunah nou David veo alia puhvei maitaoye ngaolouyu phaki, puhnou takou veo nghoujü nou nakoulou-a khurüe.

2 SAMUEL 4:10

Saul vei athai ko sü ko aveih alie tea Enou Ziklag hi buyu phaki, ko süna ahi pove peiyu mainaye sü Enou puhye nüloua southawure. Puhnou ko aveih po-a ve ahi paopeiyu buh sou-a puhye southa peiwure.

ESTHER 4:16

“Susa nuhbei hi hrüa buyu Jihudimai hrülaiye save jülo, alia athaosou heakhei asü hai lüh-a touso ali-a toumoa veachi paopeio. E alia avei kilai mai hrülai nou neletao büa halia toumoa lüh-a veachi paolai. Süthai nou zhai moa buyuma Enou veo hisü taloulai.”

ESTHER 5:1

Teithe asü zhou sü, Esther nou vemaipfü ali nou naoyu sabanütao hai thouloua veo nou buyu vebuh hisü taloue. Veo sü puh nou buyu vebuh hinou talouyu ludu hilo rei-a bue.

LOUTAO 66:3

Ramai hi haibüa paokhaio, “Nenou soupfüyu vah haso khesü daizhou koute khupa-e! Nevei khouko hai duleyu donou neye ngaobayu maitao koute-a pi-hi poa nou neye khurüwe.

EZEKIEL 27:30

Puletao mai hrülai nou neye donou dopfüa nou bure. Puletao vei pei hisü nai bosho loure ae vonai hinou kou da-a nou bure.

HOSEA 6:2

Teithe ahai-sü thaisü puhnou Etaoye sou hriva peilai; teithe asü zhou puhnou Etaoye polashu peilai, sükua nou Etaoa puh nghoujü nou ve hrülai.

JOEL 2:13

Nevei sabanü nou mo-a ne lethou nou ratholo.” Ne Mapao Ramai hi dakhai velouo, daiolouzü puh hai zhuvea süyu alia leshi süyu Ramaie, puh hai shososou-a rarou baie, zhuvea sü-e alia ashi soumaiye souvea moa nou khaipeire donou phou-a bue.

MATHIU 12:40

Daiolouzü Jonah nou khah aduna pou levai hinou hea asü ea khei asü buyubüa Mai Nahpoutu-a deikhe hinou hea asü ea khei asü bulai.

MATHIU 16:21

Teile sühinou shua Jisu nou du-a puh rozümaitaohi paotare. “E Jerusalem hi tavu zülai ea tsümaitao, napao adumaitao ea razhai dou-apeimaitao bah hinou alaosou vea vuzülai. Eye sü southeawulai, ana teithe asü zhousü Ehai hrishuloulai.”

JOSHUA 7:6

Süthaisü Joshua alia Israel mai hi tsümaitao nou levea sholoua puletao vei sabanü sü daopha sawure alia puletao pei hisü vounai bosho khailoua nou Mapao vei Vo Sübvü nghoujü nou teizhimo koute kaokouh bure.

PONGAOPEIYU 3:9

Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.

1 SAMUEL 20:41

Nahtou nanou dakhai tayu thai, David nou chuh pojü khaitouyu thailo vanou tapa loure, ae puhnou khoukhe loua puh pah pfükou deiphi khurü asü kho-e. Süthaisü Jonathan puhai hai alinou aliye kholoua kra-a nou mütei-e. David nou leveayu hai Jonathan jünou leveapure.

1 SAMUEL 25:23

Abigail nou David ye ngaolou khaie, honapai nou thalasoua rheisüh phao hinou deiphi taokouloua David nghoujü nou deiphi hi kaolou puhye khurü loure.

1 SAMUEL 4:12

Süzhou teithe hinou Benjamin khü hinou maipou ali hai reihbu hinou Shiloh hisü tupoa vete-e. Puhnou leveayu sü soungao laitea puhvei sabanü khesü paiphawure, ae puh pei sü konai naloure.

1 SAMUEL 4:16

Maipou nanou Eli hi paoe, “E reih züyu buh hinou tupaloua zhou teithe nou hai hi vewe.” Eli nou puh hi noue, “Anahna daipha soure?”