2 JOHAN 1:8 - SHEEYU BAIBEL (BSI)

⁸ Eletao nou vah soupeiyu nasü nelenou hawu more donou, ana nelenou buu chekhoua ngaoloure donou neletao lah zhutoulouwo.

2 JOHAN 1:8 Iomraidhean Croise

DANIEL 12:3

Tsüveiyu mai sü ratei hi vayu büa valai, ae checheyu hilonou maiye doupei khaitouyu mai hai teisa teivuh büa valai.”

MATHIU 24:4

Alia Jisu nou puletao hi chila peie, “Maitaliye panou neletaoye lawu more donou leikeilo.

MARK 13:23

Ana leikeilo! Enou neletao hi teile vemo jühinou hateitei paokhai peire.

MARK 13:9

“Ana lah neletaowo leikei-a bulo; daiolouzü puletao nou neletaoye niloua chikuki hi savelai; alia neletaoye rathobuhtao hinou dapeilai; alia neletao hai Azhih donou puletao hi ko avei paongao peire donou teidei khomaitao ea vemaitao nghojühi ve lalai.

LUK NOU RÜYU KO AVEIBVÜ 19:19

Alia puhnou puh hi paoe, ‘Alia neye panou nuhdu angou pei hi paopu soulai.’

LUK NOU RÜYU KO AVEIBVÜ 21:8

Jisu nou paoe, “Maitaliye panou neletaoye sümahta more donou leikeilo; daiolouzü mai alaosou Azhih hinou taveloua, ‘Esü puh-e!’ alia ‘Teilesü veloure!’ tea paolai. Ana puletao thaifüso.

JOHAN 4:36

Thoutai vuyu na-a, cha chiyuna-a koa sazhore donou cha chiyu nanou zhosü ngaowe, alia teisa ahri vei donou routhou sü podzü loue.

1 KORINTHMAI 15:8

Alia akhai khailai hinou, hrü chemoa nakouyu nah büyu Ahi-a puhnou ngaopeie.

1 KORINTHMAI 3:14

Kifü süna vahinou soukhai touyu maitali vah hai meinou deimore toulouzü, souyu pao puhsü buu ngaolai.

1 KORINTHMAI 3:8

Süübe shopeiyu ea dzü züpeiyu puhai sü kheihaobaie, alia puhai maili linou lah lahnou souyu thaifüa Ramai hinou buu ngaobailai.

GALATIAMAI 3:4

Neletao nou veahoyu daoyu veishisü hako bairewu? Moe, sühisü hali buvuzüe!

GALATIAMAI 4:11

Enou neletaoye donou te-a vah souyu sü hako baire moma tea ngaopiwe.

PHILIPPIMAI 3:16

Sütoukhaia chu koute Eletao nou füa laiyu zhai sütao thaifüa Eletao nou nghojü hilo takoulou laikhe.

EBRIAMAI 10:32

Raiki teiletao hi kakusa touyu sü lichokhaio. Teithe sütao hi Ramai avanou neletao pei hi vapeiyu thai neletao nou veahoyu alao vedaoyuma sütaosü neletao nou shamea loue.

EBRIAMAI 10:35

Südonou neletao nou louche-a buyu nasü polaiwuso, daiolouzü sünanou dushoyu buusü pove peiwe.

EBRIAMAI 12:15

Ramai vei zhuvea hinou thaikhai talou more donou ea khataoyu matsülou loua paopa maiye soubvüa mai alaoye souzhaiwu more zhutoulo.

PONGAOPEIYU 3:11

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.