2 JOHAN 1:12 - SHEEYU BAIBEL (BSI)

¹² Enou neletao hi rüre alaosou bue, ana Enou larü ea larüdzü nou sei-a rükhailai moe. Süjüwo, Eletao vei asah nasü panou chekhou loure donou Apfüzho nou neletao hi taveloua neletaoye zhukhei haonou tave dao-a chiphare sü Enou rei-a bue.

2 JOHAN 1:12 Iomraidhean Croise

MAIPEI PHOUYU 12:8

Südonou Enou puhye sü zhuhaohao nou ve cha peie, nada nou chamoa puhye Enou dukhya nou keawe; puhnou avei khao-zhai hai ngaore! Nehai nou avei kilai Moses ye paoshiyu sü ngaopi mowu?”

JOHAN 15:11

“Avei sayu nahai neletao hi buloure donou, alia neletao vei sayuhai liche loure donou Enou haitaosü neletao hi paopeire.

JOHAN 16:12

“Enou neletao hi paore alaosou buhie, ana sütao veishi hai neletao nou chu pfüpai louhoe.

JOHAN 16:24

Chu koute neletao nou Azhih hinou hatalia khokhai mohie. Khokhaio ea neletao vei asah nasü chekhoure donou neletao nou ngaoloulai.

JOHAN 17:13

Ana chuo E nehi tavewe; alia Avei asah nasü lah puletao lehi liche-a buloure donou Enou deiphao bubu kinou chi haitaohai paowe.

JOHAN 3:29

Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

ROMMAI 15:24

Enou chuo sübüa soulaire tea rei-a bure. Enou Spain hi tayu Avei veihdu hinou neletaoye tave zhunüwe, alia neletaoye tave zhuloua phajü koa sazho louyu thaisü buh sühi vere donou panou neletaoye sapao peilai.

2 TIMOTHI 1:4

Enou nevei nghidzü sü li-choloua, Ahi panou sayu sünanou phoupei loure donou Enou neye ve daoresü züpashoa bue.

PHILEMON 1:22

Süpeinou, Eye donou kideli souda peikhaio, daiolouzü neletao hrülai vei veachi hai Ramai nou popei loua Eye hai neletao hi peidakhai shulai touyuhai Enou louche-a bue.

EBRIAMAI 13:19

alia Ramai nou thala-a Eye sü neletao hi seidakhai peire donou veachi paopeire Enou neletao hi khowe.

EBRIAMAI 13:23

Enou neletaoye panou sülounüwe, süolouzü Eletao thaihou jürai Timothiye hukha hinou phapeire. Puhnou thala-a velouzü puhye koa Enou neletaoye ve daolai.

1 JOHAN 1:4

Ehvei sayu hai chekhou loure donou haisü Ehnou rüwe.

3 JOHAN 1:10

Südonou Enou velouzü, puhnou soua buyu süolouzü shi-kha chinou Eletao pei hi puhnou raochichi-a buyu teiteisü popa ngaopeilai. Alia sükoutea khamoa puhnou thaihou jürai maitaoye-a shepei bae, alia puletaoye shepei nüyu maitaoye-a puhnou nuwe ea puletaoye lüloumaime hinou hutawe.