2 JOHAN 1:1 - SHEEYU BAIBEL (BSI)

¹ Atsüna hinou — Enou chekhaoa leshiyu naotupai ea puh nahmaitao hi rüwe. Alia E likhei baimoa achechenaye süyu puletao hrülai nou-a neletaiye leshie,

2 JOHAN 1:1 Iomraidhean Croise

LUK NOU RÜYU KO AVEIBVÜ 1:3

Oh dushoyu Theophilas, E-a shurai hinou veishi sheesha-a sü-a buyu donou, nehi paodou peiyuna teitei sütaovei chechena vanou panou neye süloure donou,

JOHAN 8:32

alia neletao nou acheche nasü süloulai, alia acheche nanou neletaoye mado soupeilai.”

SEI-ATAMAI VAHTAO 11:30

alia puletao nou sübüa souloua Barnabas ea Saul bah hinou pousha nasü tsümaitao hi seive peire.

ROMMAI 16:13

Mapao vei kuvah hinou Mapaowo nou lah puhvei souvu züre donou dopa louyu Rufus, alia Eye puh nahpoutu büa phabusanou popeiyu puh pfü hi Enou khurüyu chidoh seivewe.

GALATIAMAI 2:14

Ana Enou puletao hai Ko Avei navei acheche naye koa latoua talou moyusü ngaolouyu kisü, Enou puletao hrülai nghojünou Pitar hi haibüa paoe, “Newo Jihudimai alikhaia Jihudimai ali bümoa tahrüh kukhemai alibüa hrüloua, kabüa nenou tahrüh kukhe maitaoye nou Jihudimai büa hrüre nuwe?”

GALATIAMAI 2:5

ana Ko Aveina vei acheche nasü teisanou neletao hi panou buloure donou Enou puletao khakhehi nghiphei ali koutea lou hrüpei moe.

GALATIAMAI 3:1

He avoyu Galatia maitao! Neletaoye thaohnou shupeire? Neletao nghojübü hinou Khristaye kros vanou veatheayu sü dua pongaopeire!

GALATIAMAI 5:7

Neletaosü soutaosou tu-a bue! Neletaoye thaohnou achechenaye zülou more nukhaire?

KOLOSSEMAI 1:5

Raikai-a neletao hi acheche chipao, Ko Aveina velouyu kisü, neletao nou sünanou pei-a buyu areihna vanou chouloure. Südonou neletao vei lü ea leshisü neletaoye donou raki hinou pokukhai touyu neletao nou rei-a buyu süna vanou soushupa khaitoua bue.

1 TIMOTHI 2:4

daiolouzü maikhemai hrülainou khailu louresü ea acheche vei tsü süna süloure sü puhnou züpawe.

EBRIAMAI 10:26

Daiolouzü Eletao nou acheche vei tsü nasü ngaolouyu thainou sütoua mah soulouzü sühisü mah pota loure posheelayu ali-a hare,

1 PITAR 1:2

Neletaoye Puo, Ramai puhvei aroh thaifüa doloure, alia Jisu Khrista chi panou züloure donou ea puh zhenou soushee peiloure donou neletaoye puhvei Rakonou sheeyu maitao soupeire. Zhuvea ea kaonayu alaosou neletao pei hi buyu sü souloukhaio.

1 PITAR 5:1

Südonou lah E-a tsümaili soua, Enou neletao hrohi buyu lüloumaime tsümaitao hi khoe. Ehai Khrista veahoyu veihi zhopaohmai alie, alia pongaopei laiyu khouko ava hisü E-a zha ngaozholai.

1 PITAR 5:13

Babilon hi buyu Ramai nou dolouyu neletao tupai lüloumaimenou neletao hi khurüyu chidoh seiwe; alia sübüa Anahpoutuwo Mark nou-a seiwe.

1 JOHAN 2:21

Südonou Enou neletao hi rüwe, süsü neletao nou achechena sümoyu donou moe, ana neletao nou sünaye süyu donoue, alia achechena hinou madayu ali-a vemoe touyu süna-a neletao nou süwe.

1 JOHAN 3:18

Anah khe maitao, Eletao leshihai chipao moa chi phakuyu likhei hinou bailai mokhe anou vah ea acheche hinou leshilou laikhe.

2 JOHAN 1:13

Dopayu netupai vei nahmaitao nou nehi sasa-a khurüyu chidoh seiwe.

2 JOHAN 1:5

Alia südonou, leshiyu naotupai, Enou nehinou khowe, süolouzü Eletao hrülai alinou liye leshi laikhe. Haisü Enou ne hi ashu chikhali peia rümoe; chikha haina hai daorai kinou Eletao hi bure.

3 JOHAN 1:1

Atsüna hinou — Enou acheche hinou leshiyu Gaias hi rüwe.