1 TIMOTHI 6:9 - SHEEYU BAIBEL (BSI)

⁹ Ana kini bunüyu maitaosü athaohi dulou baiwe ea alaosou avoyu ea zhulou veiyu züpa süolouzü puletaoye souhare ea ha-kare sho-rüh nahi loubaiwe.

1 TIMOTHI 6:9 Iomraidhean Croise

1 VEMAITO 21:6

Puhnou chila peie, “Daiolouzü Enou Naboth hi paoyu nasü puhnou ba-a baire. Puhvei darkha kipei nasü Eye zhopeio, moyuma puhnou jüpa louzü Enou puh hi darkha kipei kukhe ali nou peilai tea kho-e, ana puhnou soulou shi-e tea peibare.”

LOUTAO 11:6

Puhnou maishi mai hisü meithou nou rükou peilai; meikei vei teikhai sünou seive puletaoye sü tudee peilai.

TSÜCHITAO 15:27

Zümo hinou dutou nüyu maina sü puh kikhahi veahoyu southoulou baiwe, ana seihla ngaorayu mai sü hriloulai.

TSÜCHITAO 20:21

Talabou-a ngaolouyu nangi sü neye donou haveih lia soupeilai moe.

TSÜCHITAO 21:6

Dayu hinou ngaolouyu nangi louzü thasho-a khaophu phoutayu teihao büa baie, ae athai vei rüh baie.

TSÜCHITAO 22:16

Lah chingi ngaopu loure donou touha maiye souveayu, moa toungi maiye peiyu nasü, lah touhata-a bailai.

TSÜCHITAO 23:4

Chingi ngaoloure donou teroua vah soula lesouo; phibah khailoure donou tsüvei cholo.

ISAIAH 5:8

Teidei hamo koute ki-lu hüthou khai hüthoukhai-a buyu maikhemai, neletao hai daizhou koute vealaisa! Neletao litou teidei sühisü hrüa bubailai.

ZEKHARIAH 11:5

Puletaoye hrüloua dathayu maitao ye sü souvea peimoa panou taloua baire; alia puletaoye zholouyu maitao nou haibüa paoe: ‘Mapao ye paoshoe! Daiolouzü Etao hai toungi pare.’ Puletaoye khopeiyu zhaokhowo koute-a puletaoye sü zhuveayu sü hare.”

MAIPEI PHOUYU 31:8

Puletao nou Midian maivei veo angou: Evi, Rekem, Zur, Hur, ae Reba hai maitao-a southare. Puletao nou Beor nahpoutu Balaam-a southawure.

MATHIU 13:22

Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more.

MATHIU 19:22

Nahlepouna nou haisü chouloukhaie, puh sü leveasholoua tare; daiolouzü puh hai hani shoe.

MATHIU 26:15

noue, “Enou puhye neletao bahhi thoupei louzü, neletao nou Eye daipeilai?” Alia puletao nou puh hi husha shirou chothou peire.

MATHIU 6:19

“Rükhao ea hubanou souhalou veiyu, alia vaomainou dakhaoloua vaolou veiyu, deiphao haina hinou lah neletaoye donou kini podzüwuso.

MARK 4:19

ana deiphao hrü haina vanou doyu, kiniye leshiyu, alia kukhe ha taliye züpayu sütaonou ve phouloua chipao sünaye boutheare, alia sütaosü shithou shikhai more.

LUK NOU RÜYU KO AVEIBVÜ 12:21

“Ramai hilonou hani loumoa lah puhye donou kini podzükhai touyu mai tasü sükue.”

LUK NOU RÜYU KO AVEIBVÜ 21:35

daiolouzü teithe sünasü deiphao buh teitei hinou hrüa buyu maikhemai hrülai pei hi velai.

SEI-ATAMAI VAHTAO 8:20

Ana Pitar nou puh hi chila peie, “Nevei pousha nasü neye koa hatheo, daiolouzü nenou Ramai vei sa-apeina hai poushanou hrülousüe tea chowe.

EPHESAMAI 4:22

Südonou neletao vei hrü akunahi buyu zhai ea madayu ke-zhe züpa thaifüa souhao-soushiyu neletao vei hrü akunasü thaowuwo.

PAODAKHAIYU CHIKHA 7:25

Puletao vei bashara khesü mei deilaiwuo. Puletao hi buyu shahu moyuma sana khesü jüpaso, alia poa poso. Neletao nou süsü poloure toulouzü, neletao-a thai bailai, daiolouzü süsü neletao Ramai Mapao nou ngaorayu ali-e.

1 TIMOTHI 1:9

Sütoukhaia Eletao nou licholou molouzü shie, süolouzü razhai hai maivei mai donou soupeimoe, ana zhai souphe-souphomai, paoyu zübamai, Ramai ha-a hrüyumai ea mahsoua laimai, sheemomai moa chechemomai, lah puletao pfüpuoye southeamai ea maiye datheamai,

1 TIMOTHI 3:7

Alia puh hai vakoumainou tsükhouyu maili souvu zülai, sükulouzü puhsü ahrao ngaolaimoe ea rashina vei shohi delou laimoe.

1 TIMOTHI 6:10

Daiolouzü pousha züpayu hai ashi teitei vei maa nasüe. Mai kamainou sünasü ngaolou nüshoa phoutayu vanou puletaosü lü hinou doushoa tare ea puletao lesü veahoyu tyalinou souphe-soukhore.

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

2 TIMOTHI 2:26

Alia sükua rashi nanou puhvei li-choyu sü panou souloure donou puletaoye niloukhaia puletao nou puhvei sho-rüh hinou tupaloulai.

TITA 2:12

Zhuvea hainanou Eletao hi ramai loumoyu hrü ea deiphao hi vasou züpatao thaowu-a lahye tukha-a, cheche-a, alia deiphao haina hinou ramaiye phoua hrüloure doupeiwe,

JOSHUA 7:11

Israel mainou mah souwure; Enou sousouwo teanou vo soukhai touyu nasü neletao nou pfüphewure; neletao nou souhawure hi peithou khaitouyu nasü vaoloure, süsü poloua nou lah neletao vei chingi soure donou khailoure.

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.