1 TIMOTHI 6:5 - SHEEYU BAIBEL (BSI)

⁵ alia tsü cholou sümoyu ea acheche naye thaowuyu maikhemai taoye koa tobai soumoa chi veiva-a laiyu sükhe maitao pove peiwe. Sübüyu maitao nou rahrüzhai hai kini buloure ludu ali baie tea chowe.

1 TIMOTHI 6:5 Iomraidhean Croise

ISAIAH 56:11

Puletao hai tounghou shiyu sei büa rukhayu sü ali-a ha-e. Zhaokhomai haitao hai aveih ashi sükulou süyu tsü hare. Puletao mai hrülai nou lahkuku jüpayu hisü ta-a baire ae puletao mai hrülai nou lahkuku vei koyu nasü phouta-a baire.

JEREMIAH 6:13

Tai-du soumoa mai hrülai nou kaomoyu ludu hinou tounüa viyu sü phou-a baire; rachipaolaiyu maitao ae nahpao maitao koutea maikhe maitao hisü da-a baire.

JEREMIAH 8:10

Südonou Enou puletao vei ki-lu ae chapfü maitao sü mai kukhe hi peiwulai. Daiolouzü taidu sümoa mai hrülai nou chi zü moyu hinou dutou nüre ae viyu sü phou-a baire. Rachipaola maitao ae napao mai koutea maikhe mai hisü da-a baire.

EZEKIEL 33:31

Sübüa avei maitao nou tave meime souloua nenou puletao hi paoyu chi khesü keiwe, ana puletao hai nenou paoyu chipao khesü thaifüa hrümoe. Puletao vei müli hiolouzü chipao lako aveih lih nou pao-a nou bue, ana puletao hai dutounüa vah haso ashi soukoute-a bubaie.

MATHIU 12:33

“Avei rashi ngaoloure donou neletao nou boh veiyu süübe buvu zülai; neletao vei boh shiyu süübe bulouzü, neletao nou ashi rashi ngaolou bailai; daiolouzü süübe aliye sünavei rashi hinou sheelou baiwe.

MATHIU 21:13

alia puhnou puletao hi paoe, “Haibüa rükhaitoue, ‘Akihai veachipao ki tea kulai.’ Ana neletao nou haihai maivei shaotoumai tutsübuh souloure!”

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

1 KORINTHMAI 11:16

Ana maitalinou süna vanou veiva nülouzü, Enou paore pfüphou süwo louzü Eh-a moa Ramai vei lüloumaimetao-a rathozhai kukhe talia hare.

2 THESSALONIMAI 3:6

Thaihou jürai khemai, chuo Ehnou neleye Eletao Mapao Jisu Khrista zhih hinou chikha peiwe, süolouzü neletao hai hi-a buyu ea Ehnou nelehi paodou peikhai touyu zhai süna thaifüa tamoyu thaihou jürai maitao hinou tarei talo.

1 TIMOTHI 1:6

Mai kamaisü sütao hinou tala taloua, hakoa chi veivayu hinou puletao ludusü motare.

1 TIMOTHI 3:3

Puh hai zhaoh shozhiyu moa maiye tai-dava süyu maili soulaimoe, ana nataiyu ea maiye zü-veimoyu mai ali souvu zülai;

1 TIMOTHI 3:8

Sükua vahlümaitao-a khekai pfüvuzülai, mada laimoe, darkha zhaoh alaosou showu laimoe moa thou-sha vanou loküwu laimoe.

1 TIMOTHI 4:7

Ana ramai hayu ea avoyu daomai kotao hinou tareilo. Rahrümai hinou taloure nelah douthou lichelo.

1 TIMOTHI 4:8

Daiolouzü pfüphao hilonou soukhoyu hisü muh daotu bue, ana rako hilonou soukhoyu hisü teitei hinou muh alaosou bue, daiolouzü sünanou chu ea thaikhai vei hrünaye donou ahri nasü apaopei khaitoua bue.

1 TIMOTHI 6:6

Ovai, maitalinou puhnou bu-buyu nanou khra-a bulouzü rahrüzhai nanou mai aliye souni peiwe.

2 TIMOTHI 3:5

puletao nou vakouhiwo louzü Ramaiye lüyu zhai soulai, ana sünavei acheche khouko süwo louzü balai. Sübüyu maitao hinou tarei talo.

2 TIMOTHI 3:8

Janne ea Jambre nou Mosesye motouyu büa, tsü shitayu ea lü hinou ha-ka tayu mai haitao nou-a acheche naye sü motouwe.

TITA 1:11

Puletao mühai khawu vuzülai, daiolouzü puletao nou douzü moyu sünanou doupeia kikhamaitao teiteiye souphe-soukhore, alia sütao teiteihai küshia pousha ngaoloure donoue.

2 PITAR 2:15

Puletao hai acheche ludu nasü thaowu-a motare; zümoyu vah souyu vanou ngaolouyu poushanaye leshiyu Beor nahpoutu Balaam vei luduna thaifüa puletaosü tare,

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.

PONGAOPEIYU 18:13

alia sheesükao, vusa vunou, kaivei süüthea, theadzü kaivei, mei taoloure kaivei süüthea; darkha zhaoh, theadzü, sou avei ea sou thouh, cho ea zhaotu, rhei ea rhei lukitao, qilatao, alia emai, hrirai koute, haitaoe.

PONGAOPEIYU 18:3

Daiolouzü tahrüh khemai hrülainou puhvei khulou souyu vei chihshoyu zhaoh nasü shozhi loure. Deiphaohi vemaitao nou puhye koa khulou vah souloure, alia deiphao hi huh-ha souyu maitao nou puhvei loküyu kini sütao vanou hanisho loure.”