1 TIMOTHI 6:4 - SHEEYU BAIBEL (BSI)

⁴ puhsü khaophu souyu nou phouloure ea halia sükhaimoe. Puh hisü veimoyu züpa süolouzü chipao vanou veivanüyu ea züvanüyu nasü bue, alia sünanou avei zhai ngaobayu, züvayu, maiye sou ahrao peiyu, ashi hilonou letsüyu,

1 TIMOTHI 6:4 Iomraidhean Croise

TSÜCHITAO 13:7

Mai kamai-a halia hayuma toungiyu khokho souwe; mai kukheli nou hayu khokho souwe, anou toungi shoa bue.

TSÜCHITAO 25:14

Peilai tea paohkhai toua peimoyu mai nasü, teirü pfümoyu teihao moa teikhei büa baie.

TSÜCHITAO 26:12

Mai lia lah nou lahye tsüveiwe tea choyu ngaoho moe? Sübüyu mai hai vomai li hi-a areih bupu hie.

ISAIAH 58:4

Neletao hai zü-veilai ae bahzü züpoa taidalai tea lüh-a baie. Neletao nou sübüa lüh-a veachi paoyu pai sü Enou keipei laiwu?

SEI-ATAMAI VAHTAO 15:2

Sükuyu vanou Paul ea Barnabas sü vamosholoua puletaoye soutaosou chi veiva loure. Südonou Paul ea Barnabasye nou Antiok hi lüloumai kamaiye koa panou chi süna donou Jerusalem hi takheloua sei-atamaitao ea tsümaitaoye daoloure donou dopa peire.

SEI-ATAMAI VAHTAO 18:15

Ana chi haina hai chikotao, zhihtao ea lah neletao razhaivei baiyu donou, sühisü neletao lahnou zhuloua baiwo; sübüyu chihai E kulai moe!”

SEI-ATAMAI VAHTAO 8:9

Ana nuhdu sühisü raichoki khupa-kheido soua Samaria tamai hrülaiye souposhu khupa peiwu-a lah puhye nou adu-shomai alie tea pao-a laiyu Simon tea kuyu mai ali bue.

ROMMAI 12:16

Alinou liye koa lethao-a hrülo. Khaophu souso, ana nataiyu maiye koa satalo; neletao lah neletaoye nou tsü veie tea chowuso.

ROMMAI 13:13

Heako teiva hinou hrüyu maitao büa lah Eletao hai zhai veishoa talou laikhe; me souloua soubvüyu, zhaoh shozhiyu, khu-lou souyu ea ke-zhe züpa souyu, züvayu, moa ngaoraiyu, haitao sü soulaimokhe.

ROMMAI 14:1

Lü hinou lülouhoa buyu puhye sü neletao nou sasa-a popeio, ana lah puhvei li-choyu vanou neletao nou veivawuso.

ROMMAI 2:8

Kukhemaitao sü dutounüwe ea acheche nasü zübawe, ana ashi nasü züwe, südonou puletao pei hi sü Ramai nou puhvei rarou ea lekha nasü lakou thoupeilai.

1 KORINTHMAI 11:16

Ana maitalinou süna vanou veiva nülouzü, Enou paore pfüphou süwo louzü Eh-a moa Ramai vei lüloumaimetao-a rathozhai kukhe talia hare.

1 KORINTHMAI 11:18

Daiolouzü rairailai hinou neletao nou lüloumaime alisoua vedzüyu hisü neletao hrohi hai me kukuyu bue tea Enou chouwe; alia süsü Enou taoli louchewe.

1 KORINTHMAI 3:18

Maitalia lahye lawuso. Neletao hronou maita linou deiphao haina zhai hinou tsüveie tea cholouzü, puhye panou chekhaoa tsüvei loure donou avomai souloukhaio.

1 KORINTHMAI 3:3

daiolouzü chu koutea neletao sü vasou hilonou hrüa buyu maitao kua hrühie. Daiolouzü neletao hrohi ngaoraiyu ea züvayu busasü neletao hai vasou thaifüa hrümowu ea lüloumomai tali kua tabai mowu?

2 KORINTHMAI 11:20

Daiolouzü maitalinou neletaoye puhvei qila souyu kisü, moa neleye nitou louzü, moa nele vanou kao avei phoulouyu kisü moa lah khaophu soulouzü, moa neleye pahnou phapeiyu kisü, neletao nou sütaosü koa shamea peiwe.

GALATIAMAI 5:15

Ana neletao nou rekhaosou kua alinou liye soushi soukha-a bulouzü, zhutou loukhaio, molouzü neletao nou alinou liye souhakhai bailai.

GALATIAMAI 5:26

Alia alinou li züphei soua moa alinou liye ngaorai-a Eletao nou khaophu souwu laimokhe.

GALATIAMAI 6:3

Daiolouzü maitalinou haliamo bukhaia puh hai halie tea chuwu louzü, puhsü lahye labaiwe.

PHILIPPIMAI 1:15

Chechenou puletao kamaisü ngaoba-ngaoraiyu vanou Khrista ko paodouwe, ana kukhemaiwo le sheetoua paodouwe.

PHILIPPIMAI 2:14

Ha teiteisü noulealeayu moa veivayu ha-a soulo,

PHILIPPIMAI 2:3

Hatalia du tounü-a moa khaophu sounüa vah souso, ana alinou lihi nataipoa kukhe mainou lah neletao jünou veikouhie tea chopeio.

KOLOSSEMAI 2:18

Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe,

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.

1 TIMOTHI 1:4

Chi saovayu likhei povepei baiyu madayu daomaikotao ea pai-paomai zhih alaosou rüthoupoa laiyu sütaosü thaowure donou puletao hi paopeikhaio; sütaonou lü vanou likhei sülou baiyu Ramai vei aroh naye sü kuvah soumoe.

1 TIMOTHI 1:7

Puletao sü razhai dou-apeimai sounüwe, ana puletaosü lah puletao nou daichi paosa touyu moa puletao nou khuh veishoa pao-a laiyu sütao vanou halia sükhai moe.

1 TIMOTHI 3:6

Puh hai lü hinou licheyu maili souvu zülai, molouzü puh-a lah khaophu souloua rashina büa mah dukhaiyu hi kaolou bailai.

2 TIMOTHI 2:14

Puletao hi chi haitaosü paopu peikhaio, alia puletaoye chipaotao vanou veiva more donou Ramai nghojünou kaona-a tuzü peikhaio, daiolouzü sünanou veiyulia soupeimoe, ana kei-a buyu maitaoye souha-kayu likheibaie.

2 TIMOTHI 2:23

Ana avoyu ea tsü ha-a veivayu sütao hinou tarei talo; daiolouzü sütaonou zü-veiyu povepeiwe touyu sü nenou süwe.

2 TIMOTHI 3:4

khei-a ngaobamai mü boyu, le souyu, nou khouyu, Ramaiye leshiyu jünou pfüphao vayu naye leshiyu sükuyu sü palai;

TITA 3:9

Ana voyu chi veivayu, pai-paomai zhih rüthoupfüa laiyu, züvayu ea razhai vanou saovayu hinou tareilo, daiolouzü sütaosü koyu lia hae ea hakobaie.

JEMS 1:19

Leshiyu Athaihou jürai khemai, haisü sülouwo! Maikhemai hrülainou chouyu hinou thayu, ana chi paoyuhi ea lekhayu hisü shosho souyu souloukhaio,

2 PITAR 2:12

Ana mai haitaowo pfüna tsünou vah soua tsü hayu rekhaosou kua panou niloure ea southeare donou nakoubaie; puletao nou sükhai moyu talisü puletao nou sou ahrao peia duwe. Rekhaosou kua puletaoye souhawulai.

2 PITAR 2:18

Puletao nou khaophu souyu ea voyuchi paowe, alia kao-zü moyu hinou hrüyu maikhemai hronou chubünou tupaloua buyu puletaoye sho hinou muloure donou ke-zhe züpa vahnou chaowe.

JUD VEI SEIKO 1:10

Ana mai haitaonou puletao nou sükhaimoyu tali hisü paoshi showe; alia tsü hayu rekhaonatao büa puletao nou pfüna tsünou sülouyu na sütaonou puletaoye souhare.

JUD VEI SEIKO 1:16

Mai haitao sü mülealeayu ea nousüyu maitao baie; puletaosü lah puletao nou ashi naye züpayu thaifüa hrübaie; puletaosü lah puletao vanou khaophu soubaie ea puletao lah zhiloure donou kukhe maiye paoshoh baie.

PONGAOPEIYU 3:17

Daiolouzü nenou, “Ewo haniwe ea kini alaosou ngaoloue, alia chemoyu hae,” tea paowe. Ana ne sü veahoyu, lelouhoyu, toure hayu, nghichayu ea baitoua laiyu maibaie touyu sü nelahnou sülou mohie.