1 TIMOTHI 6:3 - SHEEYU BAIBEL (BSI)

³ Maitalinou kukhe lüzhai tyakuli doupeia Eletao Mapao Jisu Khrista vei cheche chipao taosü aetoumoa ea Eletao vei rahrüzhai vei doupeiyu thaifüa tamolouzü

1 TIMOTHI 6:3 Iomraidhean Croise

TSÜCHITAO 15:4

Chipao lako veiyu sünou ahri pove peiwe, ana chipao lako ashi nanou maivei tsüle souphe baiwe.

MATHIU 22:21

Puletao nou chila peie, “Kaisar veie.” Südonou Jisu nou puletao hi paoe, “Sükulouzü veire, Kaisar vei taosü Kaisar hi peio, alia Ramai vei taosü Ramai hi peio.”

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

ROMMAI 16:17

Athaihou jürai khemai, Enou neletao hinou khowe: neletao nou ngaolouyu doupeizhai sünaye motouyu, maikhe maiye southou me kuku peiyu ea maikhemai lü soudadou peiyu puletaoye sü leikei-a zhulo. Puletao hinou doua bulo!

1 THESSALONIMAI 4:8

Südonou doupeiyu hainaye ngaophou moyu maita linou emaiye moa neletaoye puhvei Rako Mashi peiyu Ramai puhye ngaophoumoe.

1 TIMOTHI 1:10

khakha chaozüyu mai, emai zhaimoa koa züyumai, mai vaoyumai, amadamai, mada-a chi lapeimai ea cheche lüzhai hinou moa aku zhai hinou vah soua laimai, süolouzü

1 TIMOTHI 1:3

Enou Makedonia hilo tayuki nehi paopeiyu büa Enou neye panou Ephesa hinou nai-a bunüwe. Daiolouzü mai kamainou amada lüzhai sü doupeia bure, alia puletaoye sübüa doupeiyu hinou bailoure nenou kharochi peikhaio.

1 TIMOTHI 1:6

Mai kamaisü sütao hinou tala taloua, hakoa chi veivayu hinou puletao ludusü motare.

2 TIMOTHI 1:13

Nenou Ahinou choulouyu acheche chipaotao vei zhai taosü soutaosoua thaifülo, alia Khrista Jisu ye koa ali soulouyu hinou Eletao vei soua buyu lü ea leshina hinou bulo.

2 TIMOTHI 4:3

Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai,

TITA 1:1

Haisü Ramai kilaio ea Jisu Khrista vei sei-atamai ali soua buyu Paul hinoue. Ramai nou dolouyu maitao vei lü nasü soukha peire donou ea puletaoye Eletao rahrüzhai nou doupei khaitouyu acheche nahi süthou peiloure donou Eye doloure ea seipeiwure,

TITA 1:9

Puhnou louchelou veiyu ea doupeizhai naye aetouyu chipao süsü soutaosou povu zülai. Sübüa puhnou kukhemai taoye cheche-a doupeiyu sünanou le soudu peilousüe ea sünaye bayu maitao hai mah-e tea pongao peilousüe.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.