1 TIMOTHI 6:2 - SHEEYU BAIBEL (BSI)

² Lüloucheyu paopu buyu qila taonou puletao vei paopu maiye hai thaihou jürai alibaie tea puletaoye ngaophou moyu souwuso. Süjüwo, puletao nou paopumai taoye veikoua kuvah soupeizüe daiolouzü puletao vei vah hinou zhiyu ngaolouyu paopumai taosü puletao nou leshiyu lüloumaitaoe. Nenou chi haitaosü doua doupeio ea paodoupei vuzükhaio.

1 TIMOTHI 6:2 Iomraidhean Croise

JOEL 2:28

“Süsho phajü thaisü, Enou mai hrülai hi arako lakouh peilai; ne nahpoutu ae ne nahnaotu taonou rachi paolai, tsümai taonou me mulai, alia nahle mainou zho ngaolai.

MAIPEI PHOUYU 16:3

Puletao nou Moses ae Aaron nghoujü hinou vejüa buloure ae puhai hisü haibüa paore, “Ne hai lazhu lere! Etao mai hrülai hai Mapao vei baie ae Mapao nou Etao mai hrülai hisü bue. Moses, ne lah daisounou Mapao vei maitao pei hinou aduna soua nou buwe?”

MATHIU 23:8

Ana neletaowo louzü panou ‘Dou-apeio’ tea kuwuso, daiolouzü neletao vei ‘Dou-apeio’ alikhei bubaie, alia neletao hrülai hai thaihou jürai baie.

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MATHIU 6:24

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

SEI-ATAMAI VAHTAO 1:15

Alia teithe sütao kisü lüloumaitao hrohinou Pitar nou tashu laloua paoe (vedzüa buyu mai kaihlia kai phae),

ROMMAI 11:17

Shothou khaitouyu Oliv süübotao sü chata louzü, sühisü rekou vei Oliv süübonou pove cholouwe. Nele tahrüh kukhemai taosü rekou vei Oliv süübe süna kue, alia chuo ne sü Jihudimai vei rako hilo chihshoyu hrümai naye koa lou zha ngaozho loure.

ROMMAI 8:29

Ramai nou raia sülouyu puletaoye sü puhnah poutuye raibüyu zhu nasü-a koa panou zha ngaozhore donou puhnou raia do-a dochere. Sübüa Nahpoutu naye panou thaihou jüraimai alao hrohinou raikaina soulai.

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

EPHESAMAI 1:1

Ramai leli hinou Khrista Jisu vei sei-atamai ali soua buyu Paul hinou— Khrista Jisu hinou cheche-a buyu sheeyu maitao hi rüwe.

EPHESAMAI 1:15

Qo haina vanou, Enou neletao vei Mapao Jisu hi buyu lü ea sheeyumai hrülaiye neletao nou leshiyu süna choulourai hinou shua,

EPHESAMAI 3:6

Kheitsü sünawo louzü Ko Avei süna vanou tahrüh kukhe maitao nou Jihudimaiye koa Ramai vei hataosü zha ngaozho loure; puletaosü koa lou pfüphao ali souloure ea Ramai nou Khrista Jisu vanou apaopei khaitouyu hisü koa zha ngaozho loure.

KOLOSSEMAI 1:2

Kolosse hi buyu Khristaye koa ali soulouyu hinou cheche-a Eh thaihou jürai soua buyu Ramai vei maitaohi rüwe: Ramai Eletao Puonou neletao hi zhuvea ea kaonayu peiyu sü souloutheo.

KOLOSSEMAI 1:4

Daiolouzü Ehnou Khrista Jisu hi neletao vei lü buyu ea Ramai vei mai hrülaiye neletao nou leshiyu sü chouloure.

KOLOSSEMAI 4:1

Paopumaitao, neletao vei Paopu ali rakihi bue touyu sü süpoa neletao vei qilataoye kaozüa ea veitoua zhupeio.

2 THESSALONIMAI 1:3

Eh thaihou jürai khemai, neletao vanou Ehnou teisanou Ramai hi kalo paovuzülai. Ehye donou süsü souzüshoe daiolouzü neletao vei lühai alaosou dumaimai khere ea neletao alinou liye donou leshiyu neletao vei leshinahai pulailai khere.

1 TIMOTHI 4:11

Chi haitaosü chikha peiyu noupu doupeikhaio.

1 TIMOTHI 5:1

Tsümai taliye lekhanou züwuso, ana puhye sü nelah nepuo büa choloua kao-zü hilonou doupeikhaio. Nahle maitaoye lah ne thaihou maitao kua popeio,

TITA 2:1

Ana newo kao-züyu doupeizhainou aetouyu süna thaifüa doupeikhaio.

TITA 2:15

Südonou haitao hai nenou doupeikhaio ea nenou sü-a ea zü-a doupeiyu hisü nevei soulousü zü teiteinoupu sei-a doupeio. Maitaliye panou neye ngaophou moyu souwuso.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 3:1

Südonou raki hilonou kulouyu hi koa louzha ngaozho louyu, sheeyu thaihou jürai khemai, Eletao nou füa laiyu lü haina vei sei-atana ea Napao Peichana Jisu ye lichokhaio.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

1 PITAR 5:1

Südonou lah E-a tsümaili soua, Enou neletao hrohi buyu lüloumaime tsümaitao hi khoe. Ehai Khrista veahoyu veihi zhopaohmai alie, alia pongaopei laiyu khouko ava hisü E-a zha ngaozholai.

2 PITAR 2:10

Koulihsoua ke-zhe züpa thaifüa khulou souyu maitao ea Ramai vei khakhehi hrübayu maitaoye Ramai nou tudeilai. Amada dou-apeimai haitaosü khuveiwe ea khaophu souwe, alia khouko ava buyu rakimaiye paoshiyu halia pimoe. Süjüwo puletao nou sütaoye sou ahraopeie.

JUD VEI SEIKO 1:8

Sütoukhaia, zhaido sübüyu hinou mai haitaonou puletao vei zho ngaoyu hinou lah puletao vasouye sü mah southoupei baiwe; puletaosü Ramai vei khakhehi bubae ea khouko-avanou koa buyu reikouhi buyu taoye sü sou ahrao peiwe.