1 TIMOTHI 6:1 - SHEEYU BAIBEL (BSI)

¹ Ramai zhih ea Eletao nou doupeiyu nasü panou paoshiwu more donou qila soua buyu puletao nou puletao paopu maiye tsükhou züdoue tea chovu zülai.

1 TIMOTHI 6:1 Iomraidhean Croise

SHURAI 16:9

Rakivamai nanou paoe, “Nevei paopai hisü dakhai veloua puh khakhe hinou buloua baio.

SHURAI 24:12

Puhnou haibüa veachi paoe, “Oh Mapao, apaopu Abraham Ramai, zhou teithe Eye veilouyu peio alia apaopu Abraham hi nenou apaokhai touyu nasü licho peio.

SHURAI 24:2

Puh kikha na veishi pei hi dosouyu puh kilai atsükhana hisü Abraham nou paoe, “Ne bah thaikou adeke kohi thouloua ahi chaachou soukhaio.

SHURAI 24:27

alia paoe, “Cheche-a apaopu hi apaokhai touyu chi vete peiyu apaopu Abraham Ramai ye paoshowe. Mapao nou Eye süthai sa-a avei paopu kityarai mai hi save thoupeie.”

2 SAMUEL 12:14

Ana Ramai nou ngaora shoyu vah nasü nenou souyu donou, nevei nahpoutu nasü thai-a bailai.”

2 VEMAITO 5:13

Puhvei kilai mai ali nou puh hisü takouloua nou paoe, “Apaopuwo, rachipaolawo nou neye tatei shoyu vah ali soulo tea paopei louzü, sünasü nenou souloua bailai. Daisounou puhnou neye taho dzü khüloua veilo touyu sü soulou hoyu bue?”

NEHEMIAH 9:5

Süthaisü Levi mai haitao nou maisouye ratho laishe tea nou ku-e: Jeshua, Kadmiel, Bani, Hashabneiah, Sherebiah, Hodiah, Shebaniah, ae Pithahiah. Puletao nou haibüa paoe, “Tashu laloua neletao vei Ramai Mapao ye paosho khaio; puhye teisa nou paosholo! Deiphao mainou paoshoyu haio louzü chemoe, anou mai hrülaiye panou puhvei zhih aveih nasü paosho khaio.”

ISAIAH 47:6

Enou avei maitao pei hisü rarou loure, avei kikaa thaore maitaoye sü ahrao soupeie: Enou puletaoye sü ne bah hi thoupeie, anou nenou puletaoye sü zhuvea peimoe; tsümai koute-a nenou koupo sü sühpua nou peia baie.

ISAIAH 52:5

Chuo Babilon mai hai-a sübütoua neletaoye sü muhma lia peimoa hukhamai soua nüpoa ta-a baie. Neletaoye khasa-a hrüyu maitao hai khaophu soua Eye thaokhai toumoa konüa azhih sü ngaora-a bubaie.

ISAIAH 58:6

“Neletao nou lühyu phaki Enou jüpayuwo louzü: kaozü moyu ae lelouho maiye pira-a souveayu raiphu nasü phipa peiyu, alia mai khenou veasho-a buyu maitaoye panou lahdosou louyu,

EZEKIEL 36:20

Puletao nou tayu veishi hisü puletao nou avei sheeyu zhih sü souzhai peia bai-e, daiolouzü maikhe mainou haibüa paoe, ‘Mai haitao hai Mapao vei maitao-e ana puletao nou puhvei teidei sü thaokhaiwua tare’.

EZEKIEL 36:23

Enou tyahrütao hi neletao nou souzhaiyu avei sheeyu zhih aduso nasü soungao peiyu phaki, puletao nou E hai Mapao-e touyu sü süloulai. Enou tyahrütao hi E hai sheewe touyu sü neletao hinou soungao peilai.

MALAKAI 1:6

“Nahpoutu lihai puo ye tsükhouwe, alia kilai maili sü kipaopu ye tsükhoue; sükulouzü, E hai neletao vei puo louzü, neletao nou Eye tsükhouyu sü daiki bue? E hai neletao vei paopue toulouzü, Eye khuhraoyu sü daiki bue?” teanou Hrülai pei hi Mapao nou puh zhih ngaophou moyu napao maitao hisü paoe. Ana neletao nou paoe, “Kabüa Etao nou ne zhih ngaophou moe?”

MATHIU 11:30

Daiolouzü Aphaodaowo lawe, alia Akouwo theawe.”

MATHIU 11:9

Sükulouzü neletao daidonou tahowe? Rachi paolamai aliye zhure donouwu? Ovai, chekhaoe, ana neletao nou rachi paolamai ali jünou koushoa ngaoloure.

LUK NOU RÜYU KO AVEIBVÜ 17:1

Alia Jisu nou puh rozümaitaohi paoe, “Mah hi panou loure athaosü veimosoua velai; ana athao panou veyu puhye donou daizhozhou ngaopisa!

SEI-ATAMAI VAHTAO 10:22

Puletao nou chila peie, “Eletaoye reihmai kaihpei chawo Kornelia nou seive-e. Puh hai Jihudimai hrülainou tsükhouyu acheche ea Ramaiye piyu mai lie. Puhye panou nevei chipao sü keiloure donou neye puh kihi kuvere donou sheeyu rakivamai alinou puh hi paopeie.”

SEI-ATAMAI VAHTAO 10:7

Alia puhye chi phayu rakivamai sünanou tayu thaisü puhnou puh kilai ahaiye ea puh kuvah soure donou dopakhai touyu, rathoyu hinou leishoyu puhvei reihmai aliye puhnou kuloua,

SEI-ATAMAI VAHTAO 15:10

Südonou chuo Eletao puo-pao maitao nou-a moa lah Eletao nou-a pfülou hoyu kousü rozümaitao phaohi popa khaipeia daidonou Ramaiye zhai zhuwe?

ROMMAI 2:24

Sheeyu larübvü nou haibüa paoe, “Jihudimai neletao vanou, tahrüh kukhe mainou Ramaiye paoshiwe.”

1 KORINTHMAI 10:32

Jihudimai, tahrüh kukhemai moa Ramai vei lüloumai meye panou phi sülou more hrünou hrüloukhaio.

GALATIAMAI 5:1

Madosoua hrüloure donou Khrista nou Eletaoye do soupeire! Südonou do soulouyu mai kua latoulo, alia lah neletao khailou kilaivei kousü pfüpuwuso.

PAODAKHAIYU CHIKHA 28:48

Südonou chuo Mapao nou ngaoba maitao sü neletao hi seive peilai, ae neletao nou puletao vei kuvah sü soulai. Neletao nou reizü sho-a, baitou-a alia toure hazei teanou bulai. Mapao nou neletaoye souhamo koute, puhnou neletaoye hu vei phaodao sü thou peilai.

1 TIMOTHI 5:14

Südonou nahleyu meapfümai taonou nghiyu, nahmai hrüyu, puletao vei kikha vahsü zhutou louyu, alia sübüa ngaobamaiye panou Eletaoye konüre zhou avei peimoresü Enou züpae.

TITA 2:5

lahye tukha-a ea shee-a hrüloure, kikha vah soutoutou-a hrüloure, zhuvea peilou süre ea puletao chaamai khakhehi hrütoua maitaliye panou Ramai chipao hai paoshiwu more donou douzü peilai.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

1 PITAR 3:16

anou süsü natai-a ea khuhao-a souloukhaio. Khrista thaifümai alisoua neletao nou tayu zhai avei naye sü paoshiyu süolouzü neletaoye chi ashinou ngheihyuki puletaoye panou ahrao ngaoloure donou neletao peikhao leikei-a bulo.