1 TIMOTHI 5:5 - SHEEYU BAIBEL (BSI)

⁵ Alia chekhaoa meapfümai alisoua likhua bubaiyu puhwo louzü puhvei areih teitei hai Ramai hi thoupeire ea tobai soumoa veachi paoa khei-hea puh hinou puh soukhasü khoa bue.

1 TIMOTHI 5:5 Iomraidhean Croise

LOUTAO 91:4

Puhnou neye puhvei shouh nou hopeilai; puhnou neye kiko peilai; puhvei chilee checheyu sünou neye khopeilai ae vupa peilai.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 3:26

Nuhdu vei robomü khesü soushi sasawua panou baitoua buyu naotumai ali nou dopfüa krapoa buyu bülai.

ISAIAH 49:21

Süthaisü ne le hinou haibüa tsücholai, Mai haitao hai thaonou Eye napeie? Esü nahmai hrülai nou hazei toudao, ae nahapfü ali soua soureih hinou nüpoa hukhamai ali soua vakou saho khaiwure, ana chuo thaonou mai haitao hai kikopa peisa? Eye sü lah likhei khaipeia baie, ae chuo mai haitao hai daikinou vege?”

ISAIAH 50:10

Mapao ye ngaopi-a puhye tsükhouyu mai hrülai, ae puhvei kilaiwo chi züyu mai hrülai, neletao nou ta-a buyu ludu nasü zhi-a buyuma, Mapao ye sü louchelo ae neletao vei Ramai hinou bulo.

ISAIAH 54:1

Oh nahapfüpai, nahmai hrümoyu naotupai, khya soukhai toumoyu naotupai, sasho-a nou lou sü shusoua soukhaio. Daiolouzü mainou thaokhaiyu naotupai sünou maipu mainou koa teisa nou sabuyu na jünou nahmai ngaopou laire, tea Mapao nou paoe.

DOPFÜYU 1:13

“Puhnou mei sü reilova nou seikou peie, ae mei sünasü alekhe nou kei-a nou bue. Puhnou Eye muloure donou shorü southou khaipeie, ae Eye deiphi pokou khaipeiwure. Süthaisü puhnou Eye thaokhaiwure alia Eye panou sokhai timoa soua nou bua baire.

LUK NOU RÜYU KO AVEIBVÜ 18:1

Süthaisü puh rozümaitao nou le khaitamoa teisanou veachi pao-a buzüe touyu doupeire donou Jisu nou puletao hi nada ali paopeie.

LUK NOU RÜYU KO AVEIBVÜ 18:7

Alia Ramai-a puh hinou kheihea khoa buyu puhvei dopalouyu maitaoye donou khüh phoupeilai mowu? Puhnou puletaoye soukhare hisü shoshosoua bailaiwu?

LUK NOU RÜYU KO AVEIBVÜ 2:37

alia süthaisü puhnou po raichadai meamaipfü ali soua hrükoure. Puhnou khei-heanou lüh-a ea veachi paonou ko-a Ramaiye thoa Rathoki hinou thaokhaimoa bue.

SEI-ATAMAI VAHTAO 26:7

Alia Eletao vei khü kiahai taonou apaopei khaitouyu süna veteyu ngaoloure donou puletao nou lenoushoa khei-hea Ramai kuvah soue. Alia He Veo! rei-a buyu haina vanou Eye Jihudimai taonou mah paoduka khaiwe.

SEI-ATAMAI VAHTAO 6:1

Teile phajü thaisü, rozümaitao pulailai payu kisü Greek tamai la souyu Jihudimai taonou nuh buh Jihudimaitao pei hi nolealea loure daiolouzü puletao vei meamaipfü taoye sü teithetsü touso zhihpeiyu hisü ngaophoupei khaimore.

SEI-ATAMAI VAHTAO 9:39

Südonou Pitar nou shuloua puhaiye koa tare. Alia puhnou velouyu kisü, puletao nou puhye sü kishorei kide nahi sapa khaipeire. Alia meamai pfütao hrülainou Pitar ngheikinou la-a Dorkanou puletaoye koa hrübuki rüpei-doupeiyu zhaotao ea sahnü taosü pongao-a kra-a bue.

SEI-ATAMAI VAHTAO 9:41

Alia Pitar nou puh bah thaikouloua puhye süthaishu peie. Süthaisü puhnou lüloumaitao hrülaiye süolouzü meamai pfütaoye-apu kubailoua puhye sü hri-a puletao hi thaothou peiwure.

ROMMAI 1:12

Enou pao-a buyu kowo louzü alinou liye süolouzü neletao vei lünou Eye ea Avei lünou neletaoye soukha loure donoue.

ROMMAI 1:5

Puh vanou Ramai nou Ahi Khristaye donou sei-atamai ali souloua tahrüh hrülaiye panou louche loua paoyu züyu hi süthai loupeire donou teile zhou avei peikhaitoue.

1 KORINTHMAI 7:32

Neletao nou le choroa buyu sü Enou züpa moe. Sheemoyu mai sünanou Mapao vei kuvah donou, kabüa Mapaowoye le sousa laisa tea tewe.

1 KORINTHMAI 7:34

alia sübüa puhvei lenou nasü ahai soua zhire. Nghimoyu naotupai moa loumaina puhnou lah puhvei Mapaowo kuvah donou kabüa pfüphao-a rako-a sheetoua bulai tea tsü chowe; ana nghitayu naotupai sünanou, kabüa puh chaa le sousa loulai tea choa deiphao vei hrümai vanou doa bue.

EPHESAMAI 6:18

Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo.

PHILIPPIMAI 4:6

Hatali donou dowuso, ana hateitei hinou kalo paoyu noupu veachi pao-a ea kho-a neletao vei akho pfüphousü Ramai hi süngaokhaio.

1 TIMOTHI 2:1

Südonou, raikai-a maikhemai hrülai donou Ramai hi khore, veachi paore, maisühsou khopeire, alia kalo paopeire donou;

1 TIMOTHI 5:16

Ana lülouyu naotumai talivei kikhahi meapfümaitao bue toulouzü puhnou puletaoye zhulouyu sü souloukhaio ea vah süsü lülou maime pei hi lükhaiwuso, sükulouzü lüloumaime nou chekhao-a likhuyu meapfü maitaoye zhupei lousüe.

1 TIMOTHI 5:3

Chechenou lahnou hrüa buyu naotu meapfümai taoye tsükhou peikhaio.

2 TIMOTHI 1:3

Apuo-pao maitao nou souyu büa Enou sheetouyu lekhetsü hinou kuvah soua laiyu Ramai puhye kalo paowe. Enou hea-khei veachi paoyutsü neye li-choa puh hi kalo pao-a bue.

1 PITAR 3:5

Daiolouzü Ramaiye nou zhitei-a buyu raichoki sheeyu naotu maitao nou puletao chaamai khehi hrüa buyu sünanou lah puletaoye tuwe.

RUTH 2:12

Nenou soukhai touyu nasü Mapao panou shiha peitheo, alia nenou Israel Ramai hi, puhvei shouh khenou bailoulai teanou veyu hai, Mapao ye panou chekho tea shiha peiyusü souloutheo.”