1 TIMOTHI 5:3 - SHEEYU BAIBEL (BSI)

³ Chechenou lahnou hrüa buyu naotu meapfümai taoye tsükhou peikhaio.

1 TIMOTHI 5:3 Iomraidhean Croise

JOB VEI LARÜBVÜ 29:13

Vea kayu maitao nou Eye paoshoe, Enou mimeapfü taoye panou kaozhou vei-a hrüloure donou soupeie.

JOB VEI LARÜBVÜ 31:16

Enou toure hamaiye soukha peinü moa tarei takhai toumoe, mimeapfüye panou veayu hi loumoe,

LOUTAO 146:9

Puhnou Etao vei teidei hinou buyu shetumaiye vupa peie; puhnou mimea maipfü ae rounahtou taoye soukha peie, ana mai ashi maiye souha peie.

LOUTAO 68:5

Ramai hai puhvei sheeyu Rathoki hinou bue; puhnou rounahtou taovei pfüpuo sü soupeie, ae mimea maipfütaoye sü vupa peiwe.

LOUTAO 94:6

Puletao nou mimea maipfü ae rounahtou taoyesü southa peie, ae Etao teidei hi ve buyu shetumaiye sü taitha datha peiwe.

TAPALOUYU 20:12

“Nepfü ae nepuoye tsükhoulo, sükulouzü Ramai Mapao nou neletao hi peikhai touyu teidei hisü neletao nou hrüsho-a buloulai.

JEREMIAH 49:11

Pfüpuo hayu nahmaitao sü ahi peio, Enou kiko peilai. Neletao vei mimeapfütao sü panou Eye louchelo.

MATHIU 15:6

Südonou, neletao vei puopao zhaina donou, neletao nou Ramai vei chikhahai sou poshu hako peiwure.

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

LUK NOU RÜYU KO AVEIBVÜ 2:37

alia süthaisü puhnou po raichadai meamaipfü ali soua hrükoure. Puhnou khei-heanou lüh-a ea veachi paonou ko-a Ramaiye thoa Rathoki hinou thaokhaimoa bue.

LUK NOU RÜYU KO AVEIBVÜ 7:12

Alia puhnou nuhdu sünavei romühi takou ngheiyu kisü, zhukhaio, maikhemai nou thaiphao ali popa daoloure. Thaimai sünasü puhpfüvei likhuyu nah poutu süe, alia naotupai sünasü meamaipfüe; alia nuhdu sühinou maisou alaosou puhye koa laie.

JOHAN 1:47

Jisu nou Nathanel hai puh hilo takouyu ngaoloua puh vanou paoe, “Zhukhaio, haihi checheyu Israel maili bue; puh hisü le sheemoyu alia hae!”

SEI-ATAMAI VAHTAO 6:1

Teile phajü thaisü, rozümaitao pulailai payu kisü Greek tamai la souyu Jihudimai taonou nuh buh Jihudimaitao pei hi nolealea loure daiolouzü puletao vei meamaipfü taoye sü teithetsü touso zhihpeiyu hisü ngaophoupei khaimore.

SEI-ATAMAI VAHTAO 9:39

Südonou Pitar nou shuloua puhaiye koa tare. Alia puhnou velouyu kisü, puletao nou puhye sü kishorei kide nahi sapa khaipeire. Alia meamai pfütao hrülainou Pitar ngheikinou la-a Dorkanou puletaoye koa hrübuki rüpei-doupeiyu zhaotao ea sahnü taosü pongao-a kra-a bue.

SEI-ATAMAI VAHTAO 9:41

Alia Pitar nou puh bah thaikouloua puhye süthaishu peie. Süthaisü puhnou lüloumaitao hrülaiye süolouzü meamai pfütaoye-apu kubailoua puhye sü hri-a puletao hi thaothou peiwure.

PAODAKHAIYU CHIKHA 10:18

Puhnou pfüpuo hamai alia mimeamai ye donou kaozü vah soupeie, alia shetumai ae houzü laimai tousho ae sabanü pei-a leshi peie.

PAODAKHAIYU CHIKHA 14:29

Sükure toulouzü neletao nuh hinou hrübuyu Levi mai (teidei kaalo hayu maitao), alia shetumai, pfüpuo hamai alia mimeamai hrülai tave toulou shulai alia pouphou rekhalai, alia sükoulouzü neletao Ramai Mapao nou neletao nou vah souyu veishi hi ha peilai.

PAODAKHAIYU CHIKHA 16:11

Neletao Ramai Mapao nou puh zhih pa bure donou dopalaiyu buh hinou, ne, ne nah poututao, ne nahnaotutao, ne kilai naotu maitao, nikilai poutu maitao, nevei nuhdu hi buyu Levi maitao, alia shetu maitaio, alia neletao hrohinou buyu pfüpuo hamaitao alia mimea maitao koa Mapao nghoujü hinou nüh nü zholai.

PAODAKHAIYU CHIKHA 16:14

Khonü hisü ne, ne nahmaitao, ne kilai maitao, Levi maitao, shetumaitao, pfüpuo hayu maitao ae mimea maitao koa sava zholo.

PAODAKHAIYU CHIKHA 27:19

“ ‘Shetumai, pfüpuo hamai moa mimeamai vei chechemoa vah soumah peiyu mai sü chaa ngaotheo.’ “Süthai mai hrülai nou ‘Amen!’ tea paolai.

1 THESSALONIMAI 2:6

Ehnou Khrista vei sei-atamaitao büa neletao hinou kholou veiyu buyuma, neletao hinou moa kukhe maitao hinou süolouzü maitalinou paoshoyu sü Ehnou phoumoe.

1 TIMOTHI 5:2

alia sheeyu teitei noupu naotumai tsümai taoye nepfü kua alia nahle-a buyu naotu maitaoye lah netumai kua popeilo.

JEMS 1:27

Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.

1 PITAR 2:17

Mai hrülaiye tsükhoulo, lülouyu thaihou jüraimai taoye leshilo. Ramaiye pilo ea veo adunaye tsükhoulo.

1 PITAR 3:7

Sübüa chaakhemai neletao-a neletao chapfümaitao hai lelouho kouyu maitaoe touyu sü sütou peiwua koa hrülai. Puletaoye tsükhou peikhaio, daiolouzü puletao-a neletaoye koa Ramai vei teisa ahri vei sapeina nasü ngaozholai. Neletao vei veachi nasü hataliye panou khulou more donou haina hai soukhaio.