1 TIMOTHI 5:10 - SHEEYU BAIBEL (BSI)

¹⁰ alia puh hai vahvei souyu hinou zhih tayu maipfüli soulai; süolouzü puh nahmaiye soutaosoua ki-ko peiyu, shevai-shesüye shetou peiyu, sheeyumai phidzü khüpeiyu, vea-laimaiye soukha peiyu, alia vahvei teitei hinou lenou shoyu maipfüli soulai.

1 TIMOTHI 5:10 Iomraidhean Croise

SHURAI 18:4

Neletao phi khüloure donou Enou dzü chita popa peilai, alia süübe haina phinou solowo.

SHURAI 19:2

alia puhnou paoe, “Apaopuwo, Enou nehai hi khowe, zhuvea-a nou ne kilai aki hi zhoukhei ve phi dzükhü loua chao baio, alia dosho shona kushuzhi loua ne hainou tare veidu nasü tabaio.” Ana puhai nou “Moe, ahaio zhoukhei kijüdu hinou chaoa bailai,” tea paore.

SHURAI 24:32

Südonou homai taonou puh ki hisü tave loure alia Laban nou rachotao kousü pokou peie, alia puh nou rachotaoye panou toure rouvao ae panou bure buh sü ngaopeire, alia puh ae puhye koa salaiyu maitao phi khüre dzü popa peire.

SHURAI 43:24

Kilai nanou puletaoye sü kikha saloure alia dzü peia panou puletao phi khüloure ae puletao rheisüh-a panou to touloure.

LOUTAO 119:4

Mapao, nenou Etaoye nevei chikha khesü peie, ae sütao hai soutao soua zülo tea nenou Etao hi paopeie.

ISAIAH 1:17

ae vah aveih souyu khesü doulo. Kaozü nasü soulo — mainou souvea souhoyu maiye soukha peio, pfüpuo hayu mai vei zü zhupeio, alia mimeapfüye vupeio.”

LEVIMAI LARÜBVÜ 25:35

Neletao vei thaihou jürai mai ali hai touha-a nou lah hrilou hoa bulouzü, nevei kuvah souyu mai ali büa puhye soukha peia panou neye koa bulo.

MATHIU 25:17

Sübüa talent sha ahai ngaolouyu puhnou-a kukhe talent sha ahai zhipu loure.

MATHIU 5:16

Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

LUK NOU RÜYU KO AVEIBVÜ 7:38

alia Jisu phi thailova hinou laloua ea kra-a puh nghidzünou kou Jisu phi hisü jaokhai loure, alia puh phisü puh peishunou posoupeia ea puh münou kou muloua kainüvei theadzü sünanou puh phihisü lakhailoua napeiwure.

LUK NOU RÜYU KO AVEIBVÜ 7:44

Sühinou puhnou naotupai hi reiveloua Simon hi paoe, “Naotupai hainaye ne ngaowu moe? Enou nekihi tave, alia nenou Aphi donou dzü peimoe, ana puhnou puhvei nghidzünou Aphisü souchaloua puhvei peishunou southe peire.

SEI-ATAMAI VAHTAO 10:22

Puletao nou chila peie, “Eletaoye reihmai kaihpei chawo Kornelia nou seive-e. Puh hai Jihudimai hrülainou tsükhouyu acheche ea Ramaiye piyu mai lie. Puhye panou nevei chipao sü keiloure donou neye puh kihi kuvere donou sheeyu rakivamai alinou puh hi paopeie.”

SEI-ATAMAI VAHTAO 22:12

“Nuhdu sühisü Anania tea kuyu razhai reitoupoa hrüyu ea sühinou buyu Jihudimai hrülainou tsükhou shoyu maili bue.

SEI-ATAMAI VAHTAO 6:3

Südonou thaihou jürai maitao, neletao hrohinou mainou kuveiyu, Rako Mashinou ea ratsünou phoupeiyu mai anaiye dopa peikhaio. Ehnou puletaoye panou vah haina pei hi kholai.

SEI-ATAMAI VAHTAO 9:36

Alia Jopa hisü Tabitha tea kuyu rozümai pfü ali bue (puh zhih hai Greekmai la hinou Dorka toue), naotu hainapai sü teisanou vah avei soua ea toure hamaiye soukha-a hrüe.

SEI-ATAMAI VAHTAO 9:39

Südonou Pitar nou shuloua puhaiye koa tare. Alia puhnou velouyu kisü, puletao nou puhye sü kishorei kide nahi sapa khaipeire. Alia meamai pfütao hrülainou Pitar ngheikinou la-a Dorkanou puletaoye koa hrübuki rüpei-doupeiyu zhaotao ea sahnü taosü pongao-a kra-a bue.

ROMMAI 12:13

Neletao vei abuusü veahoyu Khristamai thaihou jüraimaiye koa zhitoukhaio, alia shevai shesü donou neletao kisü houpeikhaio.

EPHESAMAI 2:10

Daiolouzü Eletao hai Khrista hinou vah avei panou soua bure donou soupeikhai touyu puhvei vahmaitao baie süolouzü Eletaoye panou vah aveitao soua buloure raia Ramai nou Eletaoye donou soudachere.

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

1 TIMOTHI 2:10

ana vah veinou tuloulai, daiolouzü rahrüzhai tayu naotumaitaoe tea pao-a laiyu puletaoye donou süsü züshoe.

1 TIMOTHI 3:2

Lüloumaime hi süthai-apeimai alihai hrümai zütouyu mai ali soulai; puh hai chapfü alikhei bubailai, alia puh hai kao-zü cholou süyu, lahye tukhalou süyu, khekai pfüyu; shevai-shesüye shetou peilou süyu ea puh hai maiye doutou peilou süyumai ali soulai.

1 TIMOTHI 3:7

Alia puh hai vakoumainou tsükhouyu maili souvu zülai, sükulouzü puhsü ahrao ngaolaimoe ea rashina vei shohi delou laimoe.

1 TIMOTHI 5:16

Ana lülouyu naotumai talivei kikhahi meapfümaitao bue toulouzü puhnou puletaoye zhulouyu sü souloukhaio ea vah süsü lülou maime pei hi lükhaiwuso, sükulouzü lüloumaime nou chekhao-a likhuyu meapfü maitaoye zhupei lousüe.

1 TIMOTHI 5:25

Sübüa vahvei taohai dua ngaolou baiwe, alia dua ngaomoyu tao-a kukhai louhoe.

1 TIMOTHI 6:18

Puletaoye nou vahvei souloure, vahvei souyu nou hani loure, maiye pakhaimoa peiyu ea kukhe maiye koa zhitou loure donou le roloure chikha peikhaio.

2 TIMOTHI 1:5

Nehi buyu cheche lü nasü Enou li-chowe. Lü sünasü raia nepai Lois hi bue ea süthaisü nepfü Eunis hi-a bue ea süsü chuo nehi-a buvuzüe tea Enou chowe.

2 TIMOTHI 2:21

Maitalinou puh lah ashi sütao teitei hinou sousheeloua bulouzü, puhwo vah vei hi seiloure donou sousheewuyu paopunou seiloure moshilaiyu vahvei tali donou souda khaitouyu pai-khao büe.

2 TIMOTHI 3:15

alia kabüa nenou taibu kinou Khrista Jisu ye lülouyu vanou neye khailu peiyu hi süthaithou peiyu ratsüna peilou süyu sheeyu larübvü taosü sülouresa touyu sü nenou süwe.

2 TIMOTHI 3:17

alia haibüa Ramai vei kuvah souyu maisü vahvei tali souloure donou liche-a souda chekhou loulai.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

TITA 2:7

Hateitei hinou zhaido avei taloure zhai nasü lah nenou soungaokhaio. Nenou doupeiyu hisü le sheetoua ea le loushoa doupeio.

TITA 3:1

Nemai khemaiye teidei khomaitao ea soulousü zü bumaitao khakhehi buloure, puletao chi züloure, alia avei vah tali souloure donou souda loure paoposhu licho peikhaio.

TITA 3:14

Alia Ehmai taonou moshilaiyu talihi soukha peiloure donou puletao vei teile hai vahvei soua bulouresü panou doulou vuzükhaio; puletao nou hakoyu hrü hrüa buwu laimoe.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 10:24

alia Eletao nou alinou liye panou leshi loure ea alinou lihi vah avei soupei-a panou alinou liye soukha peiloure kakua süthou peilaisa touyu vanou tsücho laikhe.

EBRIAMAI 13:2

Shevai-shesüye sasa-a shepeiyu sü ngaikhaiso, daiolouzü sübüa souyu hinou mai kamainou sükhaimoa rakivamaiye sheloue.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

1 PITAR 4:9

Noyu soukhaimoa neletao alinou liye shepeio.

3 JOHAN 1:12

Mai hrülainou ea acheche sünanou-a Demetria vanou zhopaoh avei peiwe. Eletao-a puh vanou zhopaoh avei peiwe ea Eletao vei zhopaohsü chekhaoe touyu sü nelenou süwe.