1 TIMOTHI 5:1 - SHEEYU BAIBEL (BSI)

¹ Tsümai taliye lekhanou züwuso, ana puhye sü nelah nepuo büa choloua kao-zü hilonou doupeikhaio. Nahle maitaoye lah ne thaihou maitao kua popeio,

1 TIMOTHI 5:1 Iomraidhean Croise

LEVIMAI LARÜBVÜ 19:32

“Tsümaiye khuhaolo ae puletaoye tsükhoulo. Neletao nou Eye ngaopia achi sü zülo; E hai Mapao-e.

MATHIU 23:8

Ana neletaowo louzü panou ‘Dou-apeio’ tea kuwuso, daiolouzü neletao vei ‘Dou-apeio’ alikhei bubaie, alia neletao hrülai hai thaihou jürai baie.

SEI-ATAMAI VAHTAO 14:23

Alia puhai nou lüloumaime liki hinou tsümaitao dopa loure ea veachi paonoupu lüh-a puletaoye sü puletao nou louche-a buyu Mapao bah hi thaothou peire.

SEI-ATAMAI VAHTAO 15:4

Puletao nou Jerusalem hi velou louyu kisü, puletaoye sü lüloumaime, sei-atamaitao ea tsümai taonou sasa-a sheloure, alia Ramai nou puletaoye koa souyu teitei sü puletao hi paongao peire.

SEI-ATAMAI VAHTAO 15:6

Südonou sei-atamaitao ea tsümai taosü chi haina kure donou tave dzüloure.

SEI-ATAMAI VAHTAO 20:17

Alia Paul nou Mileta hinou Ephesa hi maiye seive-a panou lüloumaime hi tsümaitaoye nou puhye daore donou puh hi ku-save.

ROMMAI 13:7

Südonou puletao hi peire teitei sü peikhaio; kikha peiremai hisü kikha peikhaio, nakha peiremai hisü nakha peikhaio, tsükhouremai hisü tsükhou peikhaio, khuhaoremai hisü khuhao peikhaio.

GALATIAMAI 6:1

Athaihou jürai khemai, maitaliye mah soua buyu hinou niloure toulouzü, rako hinou tsüa buyu neletao nou puhye sü kaona-a souzü peikhaio. Ana lah neletao zhutoulo, molouzü neletaoye-a thaolou veie.

PAODAKHAIYU CHIKHA 33:9

Puletao hai puletao vei pfüpuo, thaihou-jürai maitao, ae puletao vei nahmaitao jünou neye leshipu hie touyu sü puletao vah hinou soungaoe. Puletao nou nevei chikhatao ae nenou vo soukhai touyu sü züwe.

1 TIMOTHI 5:17

Khotou pei-a buyu tsümaitao, matsüsoua ko paodouyu ea doupeiyu hinou te-a vah souyu puletaoye sü zha ahai koua tsükhou peizüe.

1 TIMOTHI 5:2

alia sheeyu teitei noupu naotumai tsümai taoye nepfü kua alia nahle-a buyu naotu maitaoye lah netumai kua popeilo.

TITA 2:2

Poutu tsümaitao hisü tsü leikei-a, tsü pfütoua, lahye tukhalou süa, alia lü hinou, ea teisavei shameayu hinou chih-a buloure donou doupeikhaio.

TITA 2:6

Süzhaibüa, nahlemaitaohi-a lahye tukha-a hrüloure süpeio.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

JEMS 5:14

Neletao hrohinou kamaisü lishi-a buwu? Puhye panou lüloumaime vei tsümaitaoye kukhaio, alia puletaoye panou Mapaowo zhih hinou puh vahi theadzü noupei-a puh pei hi veachi paopeiyu sü soukhaio.

1 PITAR 5:1

Südonou lah E-a tsümaili soua, Enou neletao hrohi buyu lüloumaime tsümaitao hi khoe. Ehai Khrista veahoyu veihi zhopaohmai alie, alia pongaopei laiyu khouko ava hisü E-a zha ngaozholai.

2 JOHAN 1:1

Atsüna hinou — Enou chekhaoa leshiyu naotupai ea puh nahmaitao hi rüwe. Alia E likhei baimoa achechenaye süyu puletao hrülai nou-a neletaiye leshie,

3 JOHAN 1:1

Atsüna hinou — Enou acheche hinou leshiyu Gaias hi rüwe.

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.