1 TIMOTHI 4:8 - SHEEYU BAIBEL (BSI)

⁸ Daiolouzü pfüphao hilonou soukhoyu hisü muh daotu bue, ana rako hilonou soukhoyu hisü teitei hinou muh alaosou bue, daiolouzü sünanou chu ea thaikhai vei hrünaye donou ahri nasü apaopei khaitoua bue.

1 TIMOTHI 4:8 Iomraidhean Croise

JOB VEI LARÜBVÜ 22:2

Hasü sülai maina koute Ramai nghoujünou koyu dai bue?

JOB VEI LARÜBVÜ 36:11

Puletao nou paochi züa Ramai vei kuvah soulouzü puletaoye panou kaozhou vei-a ae kaona-a hrüloulai.

LOUTAO 145:19

Puhye tsükhoua buyu maitaoye sü puhnou puletao vei jüpa na khesü peie; puletao nou krayu paisü puhnou chouloua puletaoye khailupa peie.

LOUTAO 37:11

Ana tainoutou soua laiyu maitao nou teidei nasü puletao vei souloulai, ae puletao nou sava-a nou ae kaonaphi teanou teidei hisü hrülai.

LOUTAO 37:29

Acheche mainou teidei sünasü poloulai, ae puletao sühinou teisa nou hrülai.

LOUTAO 37:9

Mai ashi maitaoye sü souha bailai, ana Mapao vei vu kho-a buyu maitao nou teidei nasü thaoloulai.

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

TSÜCHITAO 19:23

Mapao ye piyu nanou ahri hi süthai save peie; süna buyu mai sü vaphi tea soyu ngaolouwe; puh sü veayu vedaolai moe.

TSÜCHITAO 22:4

Tainou souyu alia Mapao ye piyu vei buu louzü tourai ngiyu, khuhaohyu alia hriyu nasüe.

KOPAODOUWO 8:12

Mah mai alinou vu kaili ashi soua puh hrü hai hrüshoa bue, ana Enou süwe Ramai ye piyu mai donou zouvei-a bailai, daiolouzü puhtao sü puh nghoujü hinou pi-a buwe.

ISAIAH 3:10

Acheche mai louzü kaozhou vei-a bailai tea puletao hi paopeio. Puletao louzü lah nou soupfü khaitouyu rashithou sü touloulai.

ISAIAH 33:16

Sübüyu maitao sü kaozhou veia hrülai, alia puletao vei baibu sü chuhdu sünou veihshoa soupeilai; ae puletao vei touso sü ngaotou ngaoso vuzüloulai.

JEREMIAH 6:20

Sheba hinou poveyu poukaivei ae kadou kounou vusanatao ahi pove peiyu sü poa dai soulai? Puletao nou meidei-a posheelayu moa ratho-a Eye posheela peiyu khesü Enou popeilai moe.

MATHIU 12:32

Alia maitalinou Mai Nahpoutuye paoshiyuwo khaipeilai; ana Rako Mashiye paoshiyu maitaliye chu hrü haina hi-a, vere teisa hrü sünahi-a khaipei laimoe.

MATHIU 19:29

Alia Eye donou ki-lu moa tu-poumaitao moa pfüpuomai moa nahmaitao moa teidei thaoyu mai hrülainou zha kaihli kou-a ngaolai, alia teisa ahri ngaoloulai.

MATHIU 6:33

Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

MARK 10:30

maihrü haina hinou alaosou koua ngaolai. Puhnou zha kaihli koua ki, thaihou jüraimai, tumai, pfümai, nahmai ea teidei alia souvea souhoyu-a koa ngaolai; alia vere maihrü nahisü puhnou teisa ahri ngaolai.

LUK NOU RÜYU KO AVEIBVÜ 5:38

Süjüwo darkha zhaoh ashu hai sheetouyu souheebvü taohi lathou vuzülai.

ROMMAI 8:28

Eletao nou süwe süolouzü ha teitei hinou Ramaiye leshiyu puletaoye donou süolouzü puhvei leli thaifüa kulouyu puletao hisü Ramai nou avei donou vah soubaie.

1 KORINTHMAI 3:22

Paul-a, Apollos-a, Pitar-a, deiphao haina-a, ahri-a, athai-a, chu teile haina-a, thaikhai-a; pfüphou haitao sü neletao vei baie,

1 KORINTHMAI 8:8

Sütoukhaia, tousonou Eletaoye panou Ramai hi nghipuyu hae; Eletao nou toumo-a shipuyu lia hae, moa Eletao nou tou-a veipuyu lia hae.

1 TIMOTHI 4:7

Ana ramai hayu ea avoyu daomai kotao hinou tareilo. Rahrümai hinou taloure nelah douthou lichelo.

1 TIMOTHI 6:3

Maitalinou kukhe lüzhai tyakuli doupeia Eletao Mapao Jisu Khrista vei cheche chipao taosü aetoumoa ea Eletao vei rahrüzhai vei doupeiyu thaifüa tamolouzü

1 TIMOTHI 6:5

alia tsü cholou sümoyu ea acheche naye thaowuyu maikhemai taoye koa tobai soumoa chi veiva-a laiyu sükhe maitao pove peiwe. Sübüyu maitao nou rahrüzhai hai kini buloure ludu ali baie tea chowe.

1 TIMOTHI 6:6

Ovai, maitalinou puhnou bu-buyu nanou khra-a bulouzü rahrüzhai nanou mai aliye souni peiwe.

2 TIMOTHI 3:5

puletao nou vakouhiwo louzü Ramaiye lüyu zhai soulai, ana sünavei acheche khouko süwo louzü balai. Sübüyu maitao hinou tarei talo.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 13:9

Neletaoye tya kukuyu ea dosüku zhai hinou doupeiyu sütaoye panou süthaipoa tawuso, daiolouzü touso vei naanou reiyu nanou moa nou Ramai vei zhuvea nanou lekhe soukhou peiyu hai veishoe; naanou sütao reiyu maitaoye sütaonou soukha peimoe.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

PONGAOPEIYU 3:12

Reih kolouyu puhye sü Enou Aramaivei Rathokihi kikali panou soulai, alia süsü thaowu-a puhsü hakia takhai laimoe. Enou puh vahisü Aramai zhih ea rakiva Aramai hinou koulaiyu Aramaivei nuhdu, ashu Jerusalem zhihsü rukhai peilai, alia Enou puh vahisü Avei ashu zhihna-a rükhai peilai.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

1 SAMUEL 15:22

Samuel nou paoe, “Mapao nou jüpayu hai puh chi züyu naho, molouzü posheela peiyu nage? Kikhaorü veikayu nanou posheela peiyu jüwo puh chi züyu punou jüpapue.