1 TIMOTHI 4:6 - SHEEYU BAIBEL (BSI)

⁶ Doupeiyu haitao hai nenou thaihou jürai maitao hi peire toulouzü, ne sü Khrista Jisu vei kilai veili souloulai. Nenou teisanou thaifüa laiyu lüvei chipaotao ea cheche-a doupeiyutao vanou nelah nevei rakosü soudu palo.

1 TIMOTHI 4:6 Iomraidhean Croise

LOUTAO 19:7

Mapao vei chikha hai chekho baie, haina nou rakoye sü souchü soukhou peie. Mapao vei kharochi hai louche louveie, haina nou tsüdo hayu maiye sü tsüdo aveih peiwe.

TSÜCHITAO 4:2

Daiolouzü Enou ne hisü tsüsha aveih peiwe: Enou doupeiyu khesü licholo, thaowuso.

JEREMIAH 15:16

Nenou paoyu chipaotao sü Enou soutaosoua keinou peie. Khoukobu Ramai Mapaowo, Esü nevei baie, ae südonou nevei chipao khesü Eye donou vasayu nasüe.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

LUK NOU RÜYU KO AVEIBVÜ 1:3

Oh dushoyu Theophilas, E-a shurai hinou veishi sheesha-a sü-a buyu donou, nehi paodou peiyuna teitei sütaovei chechena vanou panou neye süloure donou,

SEI-ATAMAI VAHTAO 1:15

Alia teithe sütao kisü lüloumaitao hrohinou Pitar nou tashu laloua paoe (vedzüa buyu mai kaihlia kai phae),

SEI-ATAMAI VAHTAO 20:31

Südonou leikeilo ea po asü Enou nghidzü koua khei-hea thaokhaimoa neletao hrülaiye tukha-a doupeie touyu sü li-cholo.

SEI-ATAMAI VAHTAO 20:35

Mapao Jisu nou, ‘Ngaolouyu jünou peiyu nanou rako veie,’ tea paoyu puh chipao panou lichoa ha pfüphou haibüa khoua vah soua Eletao nou lelouho maiye soukha vuzülai touyu sü Enou neletao hi ngaopeiwure.”

ROMMAI 15:15

Ana chiko daotu vanou neletaoye panou licholoure donou Enou neletao hi khuveishoa rüe; Enou khuveiyu haiwo louzü Ramai nou Ahi puhvei zhuvea peikhaitoua

1 KORINTHMAI 4:17

Sünasü panou souloure donou, Khristamai hrü hilonou louchelou veiyu ea lah Enou khuleshiyu Timothiye Enou neletao hi seivewe. Puhnou neletao hi Enou buh liki hi buyu lüloumaime pfüphou hi doupeiyu sütao ea Enou Khrista Jisu ye koa ali soulouyu hrü ashuna hinou tayu zhaitao sü panou li-choloulai.

2 KORINTHMAI 11:23

Puletao sü Khrista vei kilaiwu? Enou voyumai büa chi paowe—ana puletao jünou Enou kilaivei nahie! Enou kou-noua vahsou kouhie, Enou hukhahi loukouhie, Eye südanou dakouhie, alia Enou thainonoyu daokhai daokhaihie.

2 KORINTHMAI 3:6

puhnou Eletao hi Vo Ashu naye kuvah souloure khouko sü peie. Vo Ashu hainasü bahnou rüyu razhaina moe ana rako veie. Bahnou rüyu razhai nanou athai povewe, ana rakonou souhri peie.

2 KORINTHMAI 6:4

Süjüwo Ehnou ha teitei hinou lah Ehhai Ramai kilaitao baie touyu sü chihshoa shameayu hinou, souvea peiyu hinou, toure-shore hayu hinou ea pepoyu ve daoyu hinou zhopaoh souwe.

EPHESAMAI 6:21

Ehai kazhaibüa hrüsa touyu sü neletao nou süloure donou leshiyu Eletao thaihou jürai ea Mapaowo kuvah hinou checheyu kilai soua buyu Tukhika nou Avanou ko pfüphousü neletao hi paongao peilai.

PHILIPPIMAI 2:20

Eye koa vea-vayu zha ngaozhoyu hai puh likhei baie ea chekhao-a puh hai neletao veiloure donou lenoushoa bue.

PHILIPPIMAI 2:22

Ana Timothi hai daizhozhou kosa, puhnou kazhaibüa Ko Aveina donou Eye koa puo-nah büa vah sousa touyu sü neletao lahnou sükhaia buwe.

PHILIPPIMAI 3:16

Sütoukhaia chu koute Eletao nou füa laiyu zhai sütao thaifüa Eletao nou nghojü hilo takoulou laikhe.

KOLOSSEMAI 2:19

alia pfüphao vei peina soua buyu Khristaye poa buyu sü thaowure. Khrista vei kharokhe hinou pfüphao teiteisü soudupa peiwe ea süna boutao ea soura taonou paimupoa bue, alia sünanou Ramai puhnou panou dushu nüyu thaifüa dushuloue.

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

KOLOSSEMAI 4:7

Tukhika nou Avanou ko teiteisü neletao hi paopeilai; puh hai leshiyu thaihou jürai, checheyu kuvahmai ea Mapaowo vei kuvah hinou koa kilai souyu mai alie.

1 THESSALONIMAI 3:2

alia sübüa neletaoye lü hilonou soutsü peiloure ea neleye le soudu peiloure donou Ehye koa Khrista vei Ko Aveina paodoua laiyu Ramai kilai Eh thaihou jürai Timothiye Ahainou seivewe,

1 TIMOTHI 1:10

khakha chaozüyu mai, emai zhaimoa koa züyumai, mai vaoyumai, amadamai, mada-a chi lapeimai ea cheche lüzhai hinou moa aku zhai hinou vah soua laimai, süolouzü

1 TIMOTHI 4:16

Nelah neye ea nevei doupeiyu hisü zhutoulo. Vah sütaosü thaokhaimoa soua bukhaio, daiolouzü nenou sübüa soua bulouzü, nenou nelah neye ea nechi kei-a buyu maitaoye khailu loulai.

1 TIMOTHI 6:3

Maitalinou kukhe lüzhai tyakuli doupeia Eletao Mapao Jisu Khrista vei cheche chipao taosü aetoumoa ea Eletao vei rahrüzhai vei doupeiyu thaifüa tamolouzü

2 TIMOTHI 1:6

Sübüyu vanou Enou nepei hi bah lakhaiyu ki Ramai nou nehi peikhai touyu sapeina nasü panou mei tao-a buloure donou Enou nehi li-cho pupeiwe.

2 TIMOTHI 3:10

Ana newo Avei doupeiyu, Azhaidou, alia Ahrühi soure tsüdo, Alü; Avei shameayu, Avei leshi, Avei teisanou shameayu,

2 TIMOTHI 4:3

Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai,

TITA 2:1

Ana newo kao-züyu doupeizhainou aetouyu süna thaifüa doupeikhaio.

1 PITAR 2:2

Nah-pumaitou kua neletao-a dushu paloua khailu loure donou teisanou rako vei naodzü sü züpalo;

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.

JUD VEI SEIKO 1:5

Alia neletao nou chi sütaosü sükhaia bukhaiyuma, Enou neletaoye panou lipulou nüwe, süolouzü Mapao nou Israel maitaoye Ejipt teidei hinou khailupa peikhaia thaikhai hisü lülou moyu khemaitaoye sü souhare.