1 TIMOTHI 4:3 - SHEEYU BAIBEL (BSI)

³ Sübüyu maitao nou sheenghi more ea touso kamai toumore donou nuwe. Ana touso sütao-a lülouyu ea achechena sülouyu puletaoye donou Ramai hi kalo paowu-a toure donou Ramai nou soupeie.

1 TIMOTHI 4:3 Iomraidhean Croise

SHURAI 9:3

Lüa hriyu khaona hrülai neto soulai, Enou vupou-a ne hi peiyu büa ha teitei neye peire.

KOPAODOUWO 5:18

Mai liye donou veiyu alia kaoyu hai daie tea Enou ngaolouyu sü, Ramai nou puhye teile chitea teinghi khehnou hrüwuo tea peiyu tao hinou puhnou terou-a soukhai touyu hinou, puhnou touso-a sava-a ngaolouyu haire, daiolouzü hai sü puhvei zha-e.

DANIEL 11:37

Veo nou puhvei paipao maivei rah khesü ae naotumai nou jüpayu rah khesü ngaophou laimoe. Puhnou rah teiteiye sü ngaophou laimoe, daiolouzü puh sü lah puhye sütao teitei jünoua dupu hie tea choloulai.

MATHIU 14:19

Süthaisü puhnou maisouye poudai phaovahi kou bure donou kharochi peie; alia puhnou raokhao pho angou ea khah ahai taosü poloua rakihi zhuloua hapeie, alia soukholoua raotaosü rozümai taohi peie ea rozümai taonou sütao hai maisouhi peie.

MATHIU 15:11

Emai mühi louyu sünanou puhye souzhai peimoe, ana mü hinou payu sünanou puhye souzhai peiwe.”

MATHIU 15:36

Süthaisü puhnou raokhao pho anaitao ea khah taosü poloure ea Ramai hi kalo paowu-a sütaosü soukhore ea süthaisü rozümai taohi peire; alia rozümai taonou sütaosü maisouhi peire.

LUK NOU RÜYU KO AVEIBVÜ 24:30

Alia puhnou puhaiye koa toure donou kou bulouyu kisü, puhnou raokhao nasü poloua hapeire ea süsü soukholoua puhai hi peire.

JOHAN 6:23

Ana Tibiria hinou sakhao kukhe taosü Mapao nou kalo paopeiwu-a raokhao touyu buh ngheiki hisü tave loure.

SEI-ATAMAI VAHTAO 27:35

Alia haibüa paoyu thaisü Paul nou raokhao daotu poloure, alia puletao hrülai nghojünou Ramai hi kalo paowu-a süsü soukholoua toushure.

ROMMAI 14:17

Daiolouzü Ramai Vedei hai ha tou-sho loure nali moe, ana acheche, kaonayu ea Rako Mashi hinou sayu süna süe.

ROMMAI 14:3

Hatali touyu puhnou toumoyu puhye sü ngaorawuso; alia vu-pou likhei toubaiyu puhnou-a hatali touyu puh pei hi sü chikuwuso, daiolouzü Ramai nou puhye sü popeire.

ROMMAI 14:6

Teitheli ku-a reiyu puhnou süsü Mapaoye tsükhoua reiwe; hatali toua buyu puhnou süsü Mapaoye tsükhoua toubaie, daiolouzü touso süna donou puhnou Ramai hi kalo paowe. Touso kamai toumoyu puhnou süsü Mapaoye tsükhoua toumobaie, alia puhnou süvanou Ramai hi kalo paowe.

1 KORINTHMAI 6:13

Kukhe kamainou paolai, “Touso hai pou donou baie, alia pou hai touso donou baie.” Ovai, ana Ramai nou ahaihaiye sü souhalai. Pfüphao hai khulou vah soure donou moe, ana Mapaowo kuvah soure donoue; alia Mapaowo hai pfüphao donoue.

1 KORINTHMAI 7:28

Ana nenou sheelouzü, newo mah soumoe; alia loumaina alinou nghilouzü puhsü mah soumoe. Ana sheenghiyu maitao sü deiphao hi vei veahoyu daolai, alia Enou neletaoye panou sühinou palou nüwe.

1 KORINTHMAI 8:8

Sütoukhaia, tousonou Eletaoye panou Ramai hi nghipuyu hae; Eletao nou toumo-a shipuyu lia hae, moa Eletao nou tou-a veipuyu lia hae.

KOLOSSEMAI 2:16

Südonou maitaliye panou neletaoye touso vanou moa kho-nüh reiyu vanou moa Khou Ashu reiyu vanou moa Soteithe reiyu vanou chi kuwuso.

KOLOSSEMAI 3:17

Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.

1 TIMOTHI 2:4

daiolouzü maikhemai hrülainou khailu louresü ea acheche vei tsü süna süloure sü puhnou züpawe.

1 TIMOTHI 4:4

Ramai nou soupeiyu teiteisü veikhaiwe alia kalo paowu-a touyu thaisü hatalia toulou shiyu hae,

1 TIMOTHI 5:14

Südonou nahleyu meapfümai taonou nghiyu, nahmai hrüyu, puletao vei kikha vahsü zhutou louyu, alia sübüa ngaobamaiye panou Eletaoye konüre zhou avei peimoresü Enou züpae.

EBRIAMAI 13:4

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

EBRIAMAI 13:9

Neletaoye tya kukuyu ea dosüku zhai hinou doupeiyu sütaoye panou süthaipoa tawuso, daiolouzü touso vei naanou reiyu nanou moa nou Ramai vei zhuvea nanou lekhe soukhou peiyu hai veishoe; naanou sütao reiyu maitaoye sütaonou soukha peimoe.