1 TIMOTHI 4:16 - SHEEYU BAIBEL (BSI)

¹⁶ Nelah neye ea nevei doupeiyu hisü zhutoulo. Vah sütaosü thaokhaimoa soua bukhaio, daiolouzü nenou sübüa soua bulouzü, nenou nelah neye ea nechi kei-a buyu maitaoye khailu loulai.

1 TIMOTHI 4:16 Iomraidhean Croise

1 PUOPAOKO 28:10

Mapao nou neye panou puhvei sheeyu Rathoki nasü soure donou doloure touyu sü sülo. Südonou chuo vah sü souta khaio, soutaosoua lelaloua nou vah sü soukhaio.”

2 PUOPAOKO 19:6

ae puletao hi haibüa soulo tea paodou peie, “Neletao nou chikuyu phaki soutaosoua chikupeio, daiolouzü neletao hai mai donou chiku moe, Mapao donou chiku peiwe. Neletao nou chiku peiyu hisü Mapao nou koa loua nou chiku peiwe.

TAPALOUYU 23:13

“Ramai Mapao, Enou, neletao hi paopeikhai touyu teitei sü soutaosou zülo. Rah kukheye thokhai touso, alia puletao zhih sü neletao mü hinou pa sapa khaitouso.

ISAIAH 55:11

Sübütoua amü hinou paopa khaitouyu chipao khesü ahi sakhai-a dakhai ve laimoe, ana Enou tsüchoyu khesü soupeilai, ae Enou seitayu vah khesü souloua dakhai velai.

JEREMIAH 23:22

Puletao nou avei kheitsü sülouzü, puletao nou avei chipao taosü maikhe mai hi paopayu phae ae maikhe mainou vah ashi ae kaomo ludu tayu khesü thaoyu phae.

MARK 13:9

“Ana lah neletaowo leikei-a bulo; daiolouzü puletao nou neletaoye niloua chikuki hi savelai; alia neletaoye rathobuhtao hinou dapeilai; alia neletao hai Azhih donou puletao hi ko avei paongao peire donou teidei khomaitao ea vemaitao nghojühi ve lalai.

LUK NOU RÜYU KO AVEIBVÜ 21:34

“Ana neletao lesü touzhi, shozhiyu hi ea deiphao hrü hainavei le choroyu hi thoupei khaiwu more donou moa teithe sünasü sho-rüh kua neletao pei hi sükhai moa velou more donou, neletao lah leikei-a bulo;

SEI-ATAMAI VAHTAO 26:22

Ana zhou koutesü Ramai nou Eye soukhapeie alia südonou Enou buh haihinou la-a taidu hrülai hi raibüa Enou Avei zhopaoh peiwe. Enou paoyu sü rachi paola mainou ea Moses nou sübüa palai tea raia paoyu sünaye raibübaie!

SEI-ATAMAI VAHTAO 6:4

Ana Eletaowo louzü veachi paoyu hi ea chipao sünavei ku-vah hinou tobai soumoa lenoulai.”

ROMMAI 11:14

Soulou veilouzü Enou lah Atahrüh maitaoye panou southou ngaorai peiwu-a puletao hronou kamaiye panou khailu loulai.

ROMMAI 16:17

Athaihou jürai khemai, Enou neletao hinou khowe: neletao nou ngaolouyu doupeizhai sünaye motouyu, maikhe maiye southou me kuku peiyu ea maikhemai lü soudadou peiyu puletaoye sü leikei-a zhulo. Puletao hinou doua bulo!

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

1 KORINTHMAI 1:21

Daiolouzü Ramai nou puhvei ratsü hinou emaiye panou lah puletao vei tsüdo avei vanou puhye panou hakia sülou more soudawure. Süjüwo, Ehnou paodouyu, maikhe mainou “voyu chipao” tea sayu süna vanou lülouyu puletaoye khailu peiloure Ramai nou le laloure.

1 KORINTHMAI 9:22

Lelouho maitao hisü, puletaoye koloure donou, Enou lelouhoa hrüwe. Sübüa, ha do tyali hinou mai kamaiye khailu loure donou Enou mai hrülai hisü ha teitei dalou baire.

1 KORINTHMAI 9:27

Ana Enou Apfüzhoye tukhatsü loua sünaye sü panou Akharo khehi khaibaiwe, sübümo louzü kukhemai hi paodou peiyu thainou Esü züdoumo bailai.

EPHESAMAI 4:14

Südonou Eletaowo lah puletao nou chopa louyu do sünanou kukhe maiye sümah sümo peiyu madayu maitao vei doupeiyu teikhai teiteinou hükou-hükhe-a pfüa laiyu nahmaitao büwu laimoe.

KOLOSSEMAI 4:17

Alia Arkippa hi, “Mapaowo kuvah donou nehi peikhai touyu vah nasü souvete loure zhutou loukhaio” tea paopeio.

1 THESSALONIMAI 2:16

Ehnou tahrüh kukhe maitao hi puletaoye khailu peiloure chipao nasü paodou peire hinou puletao nou Ehye nuwure donou te-e. Sübüa souyu hinou puletao nou teisanou soua buyu mahtaovei kou nasü panou phou chekhou loure. Alia chuo akhai hinou Ramai vei rarouyu nasü puletao pei hi koulou loure!

1 TIMOTHI 1:3

Enou Makedonia hilo tayuki nehi paopeiyu büa Enou neye panou Ephesa hinou nai-a bunüwe. Daiolouzü mai kamainou amada lüzhai sü doupeia bure, alia puletaoye sübüa doupeiyu hinou bailoure nenou kharochi peikhaio.

1 TIMOTHI 4:15

Soure vah haitao sü soua bukhaio ea shosho nou veipu kheyu nevei vahsü panou maikhemai hrülaiye ngaoloure donou sütaohi nelah nevei teilesü peikhaio.

1 TIMOTHI 4:6

Doupeiyu haitao hai nenou thaihou jürai maitao hi peire toulouzü, ne sü Khrista Jisu vei kilai veili souloulai. Nenou teisanou thaifüa laiyu lüvei chipaotao ea cheche-a doupeiyutao vanou nelah nevei rakosü soudu palo.

2 TIMOTHI 2:10

Südonou Ramai nou dolouyu maikhe maitao donou süolouzü puletao-a Jisu Khrista hinou veyu teisa khouko-ava poveyu khailu louyu nasü ngaoloure donou Enou ha teitei hinou shameawe.

2 TIMOTHI 3:14

Ana newo nenou sülouyu ea soutaosoua louche louyu hinou tobai soumoa bulouwo. Nenou neye dou-apeimai taosü thaohmaisa touyu sü süwe,

2 TIMOTHI 4:2

Chipao nasü paodoukhaio, teile veikia, teile shikia paodou loure donou telo; nenou shameayu teitei noupu doupeiyu nou koa paothou louche peikhaio, zü-a tukhapeio, alia le souho peikhaio.

TITA 1:9

Puhnou louchelou veiyu ea doupeizhai naye aetouyu chipao süsü soutaosou povu zülai. Sübüa puhnou kukhemai taoye cheche-a doupeiyu sünanou le soudu peilousüe ea sünaye bayu maitao hai mah-e tea pongao peilousüe.

TITA 2:15

Südonou haitao hai nenou doupeikhaio ea nenou sü-a ea zü-a doupeiyu hisü nevei soulousü zü teiteinoupu sei-a doupeio. Maitaliye panou neye ngaophou moyu souwuso.

TITA 2:7

Hateitei hinou zhaido avei taloure zhai nasü lah nenou soungaokhaio. Nenou doupeiyu hisü le sheetoua ea le loushoa doupeio.

PHILEMON 1:19

Haihai Paul Enou Abah vuzünou rüe: Enou sünahai khadapei khailai. (Ne hrümai koutea Apao pfüa bue touyu hai Enou paopayu phamoe).

EBRIAMAI 12:15

Ramai vei zhuvea hinou thaikhai talou more donou ea khataoyu matsülou loua paopa maiye soubvüa mai alaoye souzhaiwu more zhutoulo.

EBRIAMAI 13:9

Neletaoye tya kukuyu ea dosüku zhai hinou doupeiyu sütaoye panou süthaipoa tawuso, daiolouzü touso vei naanou reiyu nanou moa nou Ramai vei zhuvea nanou lekhe soukhou peiyu hai veishoe; naanou sütao reiyu maitaoye sütaonou soukha peimoe.

JEMS 5:20

haisü puhye panou liloukhaio: Maitalinou mahmai aliye puhvei kao-zü moyu du hinou sadakhai vepei louzü puhnou mahmai sünavei rakosü athai hinou khailu peiloulai ea mah alaosou hongi peiwulai.