1 TIMOTHI 4:10 - SHEEYU BAIBEL (BSI)

¹⁰ Ehnou te-a ea shamea-a vah soue, daiolouzü Ehnou Ehvei areih nasü hri-a buyu Ramai bah hi thoupei khaitoue. Puh hai mai hrülaiye khailu-apeio nasüe ea koulih soua lüloumaitao vei khailu-apeio süe.

1 TIMOTHI 4:10 Iomraidhean Croise

LOUTAO 107:2

Mapao nou khailupa peiyu maitaoye sü panou haibüa paosholo. Puhnou neletaoye sü ngaobayu maitao bah hinou vupapei khaitoue,

LOUTAO 118:8

Maiye loucheyu jünou Mapao ye loucheyu na-a veipu hie.

LOUTAO 36:6

Nevei achehe nasü deichitao büa kukhere, nevei kaozü nahai zai thouyu büa thoushore. Mai ae soukhaona khesü nenou kiko peie.

LOUTAO 37:40

Puhnou puletaoye sü soukha peie ae vupa peie; puhnou puletaoye sü mai ashi mai bah hinou khailupa peie, daiolouzü puletao hai puh hinou tave baibuh soua buloure.

LOUTAO 52:8

Ana Ewo louzü Ramai vei ki hinou paopayu oliv süübe büwe; Enou Ramai vei tobai soumoa leshi peiyu nasü teisa nou louchewe.

LOUTAO 84:12

Khoukhoulai Mapaowo, neye loucheyu mai sü daizhou koute sava sarou!

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 50:10

Mapao ye ngaopi-a puhye tsükhouyu mai hrülai, ae puhvei kilaiwo chi züyu mai hrülai, neletao nou ta-a buyu ludu nasü zhi-a buyuma, Mapao ye sü louchelo ae neletao vei Ramai hinou bulo.

JEREMIAH 17:7

“Ana Eye loucheyu maiye sü Enou hra peilai.

DANIEL 3:28

Veo Nebukhadnezzar nou paoe, “Rakivamaiye seive puhvei kilai maitaoye vupa peiyu Shadrak, Meshak ae Abednego Ramai ye paosholo! Puletao hai avei kharochi koutea züba-a ae rah kukhe liye thore jüo thaiyu koute ngaopi moa lah puletao vei Ramai ye thoa baie.

NAHUM 1:7

Mapao hai veishoe, kaozhoushi veyu phakia khoushoa bailoure bue; Puh hinou bailou maisü puh nou khupeie.

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

MATHIU 27:43

Puhwo Ramaiye louchewe südonou Ramai nou puhye züpa louzü, chunou Ramaiye panou puhye vupa peiyu soulou khaio; daiolouzü puhnou, ‘Ewo Ramainah Poutue’ tea paoe.”

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 4:42

alia puletao nou naotupai hi paoe, “Chuo nevei chipao vanou Eletao nou louche louyu moe, daiolouzü Eletao-a Eletao lah puhnou paoyusü chouloure, alia chekhaoa puh hai deiphao maiye Khailu-apeio nasüe touyu sü Ehnou süe.”

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

1 KORINTHMAI 15:10

Ana chu Enou haibüa hrüa buyu hai Ramai zhuvea vanou baie, alia puhnou Ahi peikhai touyu zhuveana hai hakonou moe, daiolouzü Enou sei-atamai kukhe hrülai jünou khoupua vah souloure; ana chechenou süsü Enou soumoe, anou süsü Eye koa buyu Ramai vei zhuvea sünanoue.

2 KORINTHMAI 1:10

Haibüyu ngaopi shoyu athai vei rakoshi hinou puhnou Eletaoye khaipapeie, alia Eletaoye khailu peilai; alia puhnou Eletaoye khailu pupei khailai tea Ehnou puh hinou rei-a bue,

1 TIMOTHI 2:3

Sübüa souyu sü veishoe ea sünanou Eletaoye khailu-apeio Ramai puh züpa souwe,

1 TIMOTHI 2:4

daiolouzü maikhemai hrülainou khailu louresü ea acheche vei tsü süna süloure sü puhnou züpawe.

1 TIMOTHI 2:6

Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

1 TIMOTHI 3:15

hakinou Enou thala-a vekhaimore toulouzü seiko hainanou kakuyu zhainou Eletao lahnou Ramai vei kikha hi süolouzü acheche vei kika ea kifü soua buyu hriyu Ramai vei lüloumaimehi tazüe touyu sü nehi paosü peilai.

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

EBRIAMAI 11:26

Khristaye donou ahrao ngaoyu sünanou Ejipt teidei vei kini teitei jünou koushoa muhtei hie tea puhnou choloue, daiolouzü puhnou thaikhai vei buu nasü zhia bue.

EBRIAMAI 13:13

südonou, Eletao-a fühao vakouhi tapa puh hi taveloua puhvei ahraoyu hisü zha ngaozho laikhe.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.