1 TIMOTHI 4:1 - SHEEYU BAIBEL (BSI)

¹ Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.

1 TIMOTHI 4:1 Iomraidhean Croise

SHURAI 3:13

Süthaisü Ramai Mapao nou naotupai hisü noure, “Nenou souyu haisü daie?” “Nghou vei shodo hinou Enou touloure” tea naotupai nou paoe.

1 VEMAITO 13:18

Süthaisü Bethel hi rachipaolayu tsümai nanou paoe, “E-a ne büa rachipaolayu mai alie, ae rakivamai ali hi Mapao nou ahi neye aki hi savelo alia neye touso soupeio tea kharochi peiwe.” Ana rachipaoyu tsümai nasü da-a baie.

ISAIAH 2:2

Haithai naki haibüa nou vepalai, süolouzü Mapao vei Rathoki soukhai touyu deichi nasü deichi teitei jünou kupulai, ae deitao kukhe jünou taopulai. Tyahrü hrülai nou hai hisü tobai soumoa tave loulai.

JEREMIAH 23:26

Da-a rachipaola maitao nou lah puletao vei tsüle hinou teile kazhou koute avei maitaoye süthaimah peilaige?

JEREMIAH 48:47

Ana haithai vere teile hiolouzü Mapao nou Moab maiye sousava peipulai. Haitao veishi hai Mapao nou Moab mai hi vepalai tea paokhai toue.

JEREMIAH 49:39

Ana haithai naki louzü Enou Elam sü sousava peipulai, Haisü Mapao Enou paowe.”

EZEKIEL 1:3

Babilon hi Kebar reipe hinou Mapao nou Eye chayu paisü Enou choue ae Enou puhvei khouko sü süloue.

EZEKIEL 38:16

Nenou avei Israel maitao hisü teikhai teirü ashi veyu büa veloulai. Teile süna veyu phaki, Enou neye sü panou avei teidei hi soureih soua huloulai, sübüa tyahrütao hi avei sheeyu nasü ne vanou soungao peilai.

DANIEL 10:14

Enou haihi ve neye panou haithai nevei maitao hi daidai vepa laiyu taosü süloure donou vewe. Haihai akhai teithe hi vepare vei zho ngaopeiyu nasüe.”

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

MIKAH 4:1

Vere teithetao hisü Mapao vei Rathoki buyu deichi nanou deichi kukhe jünou kukalai, deichi veishi jünou kukayu nasü soulai. Tyahrü khenou hai hisü zhapoa nou velai,

MAIPEI PHOUYU 24:14

Balaam nou Balak hi paoe, “Chuo Enou avei maitao hi dakhai talaire, ana E tamo jünou haithai naki Israel maitao nou nevei maitao hi daisoulai touyu hai paopeilai.”

MATHIU 18:7

Phi süloure athaotao buyu vanou deiphaohai daizhozhou ngaopisa! Daiolouzü haibüyu athaohai veimoa vevu zülai, ana athaoye panou veyu mai sünaye donou daizhozhou ngaopisa!

LUK NOU RÜYU KO AVEIBVÜ 17:1

Alia Jisu nou puh rozümaitaohi paoe, “Mah hi panou loure athaosü veimosoua velai; ana athao panou veyu puhye donou daizhozhou ngaopisa!

JOHAN 16:13

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

SEI-ATAMAI VAHTAO 13:2

Alia puletao nou Mapaoye thoa ea lüh-a bukinou Rako Mashinou puletao hi paoe, “Enou Barnabas ea Saulye panou soulai tea kulouyu vah süna donou puhaiye Eye donou dokupa khaipeio.”

SEI-ATAMAI VAHTAO 17:18

Alia Epikurean ea Stoik tamai tsütsümai me hinou kamai taonou puhye sü veivae. Alia puletao hrohinou kamainou haikua noue, “Taichio hainanou daichi paolaisa?” Kukhe mainou paoe, “Puh hai vakou teidei ratao vanou ko paolamai kue.” Puletao nou haikua paoyu hai Paul nou Jisu ea hrishuyu vanou ko paodou peiyu donoue.

SEI-ATAMAI VAHTAO 20:23

Enou süyuwo louzü hukha ea veahoyu sünou Eye khoa bue tea nuhdu liki hinou Rako Mashinou Ahi zhopaoh soua paongaoyu süna likhei baie.

SEI-ATAMAI VAHTAO 21:11

Alia puhnou Eletao hi tave louloua Paul khyakhosü poloua lah phi-bah sü phuloua paoe, “Rako Mashinou haikua paoe: südonou Jerusalem hi buyu Jihudimai taonou khyakho haina vei paopuye haibüa phuloua puhye sü tahrüh kukhe maitao bah hi thou peilai.”

SEI-ATAMAI VAHTAO 28:25

Südonou puletao hrohinou alinou liye veiva-a puletao sü potare, ana Paul nou chipao haina paomo jühiwo louzü puletao hai pota mohie, süolouzü “Daizhozhou veishoa Rako Mashinou Isaiah rachi paolawona mü hinou neletao puopao maitaohi paopeisa!

1 KORINTHMAI 10:20

Moe! Enou paoyuwo louzü zhaohshomai vei sheelabuh hi posheelayu süwo louzü Ramai hi moe, rashitao hi baie tea paobaie, alia Enou neletaoye panou rashitaoye koa zha ngao zhoyu sü züpa moe.

1 KORINTHMAI 11:19

(Veikhaimoa, neletao hrohi sü cheche-a, buyu puletaoye sü panou sheesha-a ngaoloure donou me kukua buvu zülai.)

1 KORINTHMAI 12:11

Ana haitao teitei sü likhei baiyu ea kheihao baiyu Rako puhnou süpeibaie; alia puh leli thaifüa mai alili hisü puhnou tya kukuyu sapeina peie.

1 KORINTHMAI 2:10

Sütoukhaia, Rako vanou Ramai nou süsü Eletao hi ngaopeire, daiolouzü Rakonou ha teitei süolouzü Ramai vei thoushoyu kheina teitei koute-a phoue.

2 KORINTHMAI 11:3

Ana nghou nanou puhvei doshinou Efye lawuyu büa, neletao vei tsühai Khrista hi latoua buyu ea sheetoua thoa buyu hinou sümawu peire sü Enou piwe.

PAODAKHAIYU CHIKHA 32:29

Puletao hai tsü veiwe toulouzü, puletao hi dai-e vepawe touyu khesü süyu pha-e, alia haithai daidai vepalai touyu hai-a süa buyu pha-e.

PAODAKHAIYU CHIKHA 4:30

Neletao hi veahoyu tyatyali vedaoyu teithe ki neletao nou Ramai Mapao hi dakhai velai alia puh chi sü zülai.

KOLOSSEMAI 2:18

Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe,

2 TIMOTHI 3:13

alia mai ashimai ea aveikho soumai taosü mai kukhe maiye la-a ea lah puletaoye-a la-a shikhai shikhai tabailai.

2 TIMOTHI 4:4

alia puletaosü cheche chi keiyu hinou tarei taloua madayu daomai kotao hilo puletao lehai peita bailai.

JEMS 3:15

Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

1 PITAR 1:20

Deiphao soumo jühinou Ramai nou puhye sü doloure, alia neletaoye donou akhai teithe haitao hinou pongao peire.

2 PITAR 2:1

Dao raichoki maikhemai hrohi amada rachi paolamai ve-e, alia sübüa amada dou-apeimai hai neletao hrohi velai. Puletao nou kheikhei soua hakalou vei cheche moyu doupeiyu sü poveloua puletaoye khailupa peiyu Mapaoye sü motoulai, alia südonou puletao nou lah puletao pei hi sü thashoa hakayu povelai.

2 PITAR 3:3

Raikai-a, neletao nou sülou vuzü molouzü shie, süolouzü, akhai teithetao hisü, lah puletao vei ke-zhe züpa thaifüa hrüyu mai kamai velai, puletao nou neletaoye konüa,

1 JOHAN 2:18

Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

JUD VEI SEIKO 1:18

Puletao nou neletao hi, “Akhai teithe kisü Ramai loumoyu puletao vei ke-zhe züpa thaifüa tayu ea neletaoye konü laiyu maikhe maitao velai” tea paore.

JUD VEI SEIKO 1:4

Daiolouzü daorainou Ramai nou moe tea mah dukhaiyu, Ramaiye sümoyu puletao vei khu-lou vah donou Eletao Ramai vei zhuvea paomah-paomo peiyu, alia Eletao vei likhuyu Dou-apeio ea Mapao Jisu Khristaye pobayu mai kamaisü kheia Eletao hrohi velou loure.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 18:2

Puhnou puhvei chihshoyu painou haibüa shapae: “Kaotare, kaotare Babilon adunasü! Chuwo puhsü rashitao ea sheemoyu rakotaonou haoyubuh datare; alia sheemoyu ea ngaorayu raohou tyalinou buyubuh soubaire.

PONGAOPEIYU 18:23

Meibvü vei avasü ne hinou hakia ngaopukhai laimoe. Sheerepu ea nghirepai lapaisü hakia ne hinou choupukhai laimoe. Nevei huhsouyu maitaosü deiphao buh veishi hinou dukayu maitaoe, alia nevei madayu khei-khupado nou deiphao hi maikhemai hrülaiye sümah-sümo peire!”

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.

PONGAOPEIYU 2:17

“Nou pfüa buyu puhnou Rako nou lüloumaime taohi pao-a buyu nasü keiloukhaio! “Reih kolouyu puh hisü pokukhai touyu manna sü Enou peilai, alia ngaolouyu puh likheinou sübaiyu zhih ashu rüthoukhai touyu chuh kaali Enou puh hi peilai.

PONGAOPEIYU 2:29

“Nou pfüa buyu puhnou Rako nou lüloumaime taohi pao-a buyu nasü keiloukhaio!

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:8

alia deiphao kainghou adai hinou raroua buyu tahrüh khemaitao, süolouzü Gog ea Magog ye lare donou puhnou tapalai. Sübüa Saitan nou puletao hrülaiye sü zai pei hi vünai zhou poua reih soure donou pove dzülai.

PONGAOPEIYU 3:13

“Nou pfüa buyu puhnou Rakonou lüloumaime taohi pao-a buyu nasü keiloukhaio!

PONGAOPEIYU 3:22

“Nou pfüa buyu puhnou Rako nou lüloumaime taohi pao-a buyu nasü keiloukhaio!”

PONGAOPEIYU 3:6

“Nou pfüa buyu puhnou Rako nou lüloumaime taohi pao-a buyu nasü keiloukhaio!

PONGAOPEIYU 9:20

Veahoyu haitaonou southealou moyu kukhe maikhe maitao nou rashitao, alia ngao-a ngaomoyu, chou-a choumoyu, ta-a talou hoyu, puletao bahnou soukhai touyu sana, shahu, baosa hu, chuh ea süünou soukhai touyu bashara taoye thoyu hinou puletao lesü daloumoe.