1 TIMOTHI 3:3 - SHEEYU BAIBEL (BSI)

³ Puh hai zhaoh shozhiyu moa maiye tai-dava süyu maili soulaimoe, ana nataiyu ea maiye zü-veimoyu mai ali souvu zülai;

1 TIMOTHI 3:3 Iomraidhean Croise

TSÜCHITAO 1:19

Zhaipou shia nou ngaolouyu vei ludu sü haibüa baie, sünanou puletao vei hrü sü pota-a baiwe.

TSÜCHITAO 15:27

Zümo hinou dutou nüyu maina sü puh kikhahi veahoyu southoulou baiwe, ana seihla ngaorayu mai sü hriloulai.

KOPAODOUWO 7:8

Ha alivei akhai nanou beih deiyu na jünou veipue. Shamya lousü nanou khaophu souyu na jünou veipu hie.

ISAIAH 28:1

Israel maivei vedei hai daizhou koute vealaisa! Puhvei hüveiyu ae kathe hai vütayu poupa peirü ali zhaoh sozhi-a peikhoyu mai ali nou puh pei hi thou pfüyu büa baie. Puletao vei khaophu souyu sü pei hi kainüvei theadzü napfüa laiyu büe, ana sozhitei touyu mai ali nou kou dazü tayu büa sühi sünou kou zütare.

ISAIAH 28:7

Rachipaola-apei maitao ae napao maitao koute-a zhaoh sozhi poa chaorara-a baire. Puletao hai zhaoh sobaleyu donou choha-a laire. Ramai nou vepare donou zho ngaopeiyu sü sükulou hore, alia napao maitao-a kaozü hinou chidei soupeilou more.

JEREMIAH 6:13

Tai-du soumoa mai hrülai nou kaomoyu ludu hinou tounüa viyu sü phou-a baire; rachipaolaiyu maitao ae nahpao maitao koutea maikhe maitao hisü da-a baire.

JEREMIAH 8:10

Südonou Enou puletao vei ki-lu ae chapfü maitao sü mai kukhe hi peiwulai. Daiolouzü taidu sümoa mai hrülai nou chi zü moyu hinou dutou nüre ae viyu sü phou-a baire. Rachipaola maitao ae napao mai koutea maikhe mai hisü da-a baire.

EZEKIEL 44:21

Napao maitao hai Rathoki lüvai loumojü zhaoh hai sokhai toulai moe.

LEVIMAI LARÜBVÜ 10:9

“Ne alia nevei nahpoutu maitao nou tou-sozhi louyu thai, Enou buyu Sahpao hisü talou laimoe, hakinou taloure toulouzü neletao hai thai-a bailai. Chikha haina sü vere teile teitei hia nevei tyaosholea maitao nou züa talai.

MIKAH 2:11

“Mai haitao nou cheche moyu ae dahrührüa haibüa paopeiyu rachipaola maitaoye jüpawe, ‘Enou neletaoye donou rashidzü ae ke veiyu zhaoh sü panou küvere ko sü paopeilai.’

MIKAH 3:11

Nuhdu vei peikho maitao nou seihla toua khore, napao maitao nou Chikha sü shi-zho peia paolapa poa baire, rachipaolayu maitao sünou pousha donou pao-a bure — ae puletao mai hrülai sü Mapao nou puletaoye kozho peiwe tea khaloure. Puletao nou paoe, “Kaozhou ashi sü velai moe, Mapao nou puletaoye koa bue.”

MIKAH 3:5

Avei maitao ye sü rachipaolayu maitao nou süthai mah peiwure, puletaoye pei-zhiyu mai hisü kaonayu hai paopeiwe, ana sübüa soupei moyu mai hisü soureih velaire tea paopi peiwe. Sübüyu rachipaola maitao hisü Mapao nou haibüa paowe,

MALAKAI 1:10

Khoukhoulai Mapao nou paoe, “Neletao hrohinou mai talinoua Rathoki nasü kikhu khupei-a hakonou sheelayu buhisü meitao molouzü veih sholaire. E neletaoye jüpayu hazhi toure, alia neletao nou peiyu posheela khesü E polai more.

MATHIU 21:13

alia puhnou puletao hi paoe, “Haibüa rükhaitoue, ‘Akihai veachipao ki tea kulai.’ Ana neletao nou haihai maivei shaotoumai tutsübuh souloure!”

SEI-ATAMAI VAHTAO 20:33

Enou maitali vei pousha, sana moa sabanüh ngaothaiyu soumoe.

ROMMAI 16:18

Daiolouzü haibüa souyu puletao sü Eletao Mapao Khristaye kuvah soumoe, ana lah puletao vei pou donou soubaie. Puletao vei lakovei ea müpouyu sünanou puletao nou khosümoyu maikhe maiye labaiwe.

EPHESAMAI 5:18

Zhaoh shozhiwuso, daiolouzü sühisü soula-pfülayu alaosou bue; süjüwo Rakonou phoupeia bulo.

1 THESSALONIMAI 5:14

Thaihou jürai khemai, vah souhi-a bumaiye paodou peire, le vea-a bumaiye souva peiloure, lelouho maiye soukha peiloure ea maikhemai hrülaiye koa shamea peiloure Ehnou neleye süpeiwe.

1 TIMOTHI 3:8

Sükua vahlümaitao-a khekai pfüvuzülai, mada laimoe, darkha zhaoh alaosou showu laimoe moa thou-sha vanou loküwu laimoe.

2 TIMOTHI 3:2

Daiolouzü maikhe mainou haibülai süolouzü, lahye leshi baiyu, loküyu, aduzhai souyu, khaophu souyu, chi souyu, pfüpuo chi zübayu, soupei muh sümoyu, sheemoyu,

TITA 1:11

Puletao mühai khawu vuzülai, daiolouzü puletao nou douzü moyu sünanou doupeia kikhamaitao teiteiye souphe-soukhore, alia sütao teiteihai küshia pousha ngaoloure donoue.

TITA 1:7

Daiolouzü lüloumaime vei tsümai alihai Ramai vah hi peipha-apeimai aliyu donou puh hai chaa hazheilai. Puh hai khaophu soulaimoe moa rarou haha laimoe, moa zhaoh shozhi laimoe moa taisü-dasü laimoe, moa pousha hinou küshiyu mai soulaimoe.

TITA 2:3

Süzhaibüa, naotu tsümaitaohi-a puletao nou hrüyu zhaido hisü panou tsükhou loure doupeikhaio. Puletao hai maichi paoshimai soulaimoe moa darkha zhaoh qila soulaimoe, ana puletao nou avei nasü doupeilai,

TITA 3:2

Puletao hi maitali chi paoshiwu more ea zü-veimoa natai-a buloure, alia maikhemai hrülaihi kaonayu zhaido tangao peire donou paopeikhaio.

EBRIAMAI 13:5

Neletao hrümaisü pousha züpayu hinou dosoulo, alia neletao vei bubuyu sünanou khralou baio. Daiolouzü Ramai nou haibüa paoe, “E nehinou takhai laimoe; moa Enou neye thao khai laimoe.”

JEMS 4:1

Neletao hrohi züva-davayu teitei hai daikinou vewe? Sütaosü neletao lekhe hinou thaokhaimoa reih züa buyu neletao nou pfüphao hilo vayu züpayu sühinou vewe.

1 PITAR 5:2

Neletao bah hi thaothou peikhai touyu Ramai vei zhaokhoye sü moshilaiyu hinou moa, sasa-a khopeilo; neletao vahsü pousha ngaore donou mo-a sounü shoyu hinou soulo.

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

1 SAMUEL 8:3

Ana puhai china hai puh puo nou tayu büa tamore; lah viloure ludu phoua maikhe mai hinou seihla poloua chilou khesü kaozü hinou chiku peimore.