1 TIMOTHI 3:2 - SHEEYU BAIBEL (BSI)

² Lüloumaime hi süthai-apeimai alihai hrümai zütouyu mai ali soulai; puh hai chapfü alikhei bubailai, alia puh hai kao-zü cholou süyu, lahye tukhalou süyu, khekai pfüyu; shevai-shesüye shetou peilou süyu ea puh hai maiye doutou peilou süyumai ali soulai.

1 TIMOTHI 3:2 Iomraidhean Croise

ISAIAH 56:10

Puhnou paoe, “Süthai-apei mai hrülai hai nghithou chakhai toure, puletao hai halia sümore; dao moyu sei ali büre, puletao sü zhi-a memu-a bubaire, ae zü-zhiyu sü puletao nou jüpa-e.

LUK NOU RÜYU KO AVEIBVÜ 1:6

Puhai maihainou Mapao vei razhai ea chikhatao sü soutaosou züa, Ramai nghojünou chaa lia ha-a cheche hinou hrüwe.

LUK NOU RÜYU KO AVEIBVÜ 2:36

Alia sühisü Asher khü hinou veyu Phanuel nah naotupai Anna tea kuyu rachi paolapai ali bue. Puhsü tsüshore; puhsü nghiyuthai puh chaaye koa po anai hrüe,

ROMMAI 12:13

Neletao vei abuusü veahoyu Khristamai thaihou jüraimaiye koa zhitoukhaio, alia shevai shesü donou neletao kisü houpeikhaio.

PHILIPPIMAI 2:15

sübüa neletaosü ashi ea paoyu zübayu maikha hrohinou mah hayu ea sheeyu Ramai vei licheyu nahmaitao büa buloulai. Neletao hai puletao hrohinou ratei hi teivuhtao büa vapei-a buvu zülai,

1 TIMOTHI 3:12

Vahlümai alihai chapfü alikhei bubailai, alia puh nahmaitao ea kikha maitaoye zhutoulou süyumai soulai.

1 TIMOTHI 3:8

Sükua vahlümaitao-a khekai pfüvuzülai, mada laimoe, darkha zhaoh alaosou showu laimoe moa thou-sha vanou loküwu laimoe.

1 TIMOTHI 4:3

Sübüyu maitao nou sheenghi more ea touso kamai toumore donou nuwe. Ana touso sütao-a lülouyu ea achechena sülouyu puletaoye donou Ramai hi kalo paowu-a toure donou Ramai nou soupeie.

1 TIMOTHI 5:10

alia puh hai vahvei souyu hinou zhih tayu maipfüli soulai; süolouzü puh nahmaiye soutaosoua ki-ko peiyu, shevai-shesüye shetou peiyu, sheeyumai phidzü khüpeiyu, vea-laimaiye soukha peiyu, alia vahvei teitei hinou lenou shoyu maipfüli soulai.

1 TIMOTHI 5:22

Maitali pei hi thala-a bah lakhaiwuso, moa mai kukhemai mah hi lou koa zha ngaozhowuso; nelah sheetoua bulo.

1 TIMOTHI 5:9

Po rairou pamoyu meapfümai tali zhih hai meapfümai zhihbvühi rüthouwuso. Süthemoa puh hai vuhlikhei nghibaiyu maipfüli vuzübailai;

2 TIMOTHI 2:24

Mapao vei kilaimai sü zü-vei sülaimoe. Puhsü avei ea shamealou süyu dou-apeimai ali soua maikhemai hrülaiye zhuvea peilousü vuzülai,

TITA 2:2

Poutu tsümaitao hisü tsü leikei-a, tsü pfütoua, lahye tukhalou süa, alia lü hinou, ea teisavei shameayu hinou chih-a buloure donou doupeikhaio.

EBRIAMAI 13:2

Shevai-shesüye sasa-a shepeiyu sü ngaikhaiso, daiolouzü sübüa souyu hinou mai kamainou sükhaimoa rakivamaiye sheloue.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

1 PITAR 4:9

Noyu soukhaimoa neletao alinou liye shepeio.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.