1 TIMOTHI 3:16 - SHEEYU BAIBEL (BSI)

¹⁶ Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

1 TIMOTHI 3:16 Iomraidhean Croise

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

MATHIU 1:23

“Zhukhaio, loumaina alinou poupfüloua nahpoutumai ali nalai ea puh zhih sü Emmanuel, (süvei kowo louzü, ‘Ramai nou Eletaoye koa bue’) tea kulai.”

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

MATHIU 28:2

Alia zhukhaio, sühisü sükhai moa nü süsho loure; daiolouzü raki vanou Mapao vei rakivamai alinou takou loua chuh nasü phaoda laiwure, alia süphaonou kou buloure.

MATHIU 3:16

Alia Jisu nou dzükhao dalou büyu thaisü dzü hinou tapa loure. Alia zhukhaio, raki sü puh hi houpa peire ea Ramai Rakonou khao büa kou puh pei hi taoyu sü puh nou ngaoe.

MATHIU 4:11

Süthaisü Rashina nou Jisu ye thaowu-a tare; alia rakivamai taonou taveloua puhye kuvah soupeie.

MARK 1:13

sühinou puh sü Saitan nou thao-a teithe raidai bue. Rekhaonatao-a sühi bue, ana rakivamainou tave puhye soukha peie.

MARK 16:19

[Südonou Mapao Jisu nou puletaoye koa chi phalouyu thaisü puhye sü rakihi pokhere ea Ramai bahkha zhoulonou buloure.

MARK 16:5

Südonou puletao nou khüh hi taloue ea sühinou puletao nou sahkaa bayu khemaina ali bahkha zhoulonou chobuyu ngaoloua puletao hai khupare.

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

LUK NOU RÜYU KO AVEIBVÜ 20:44

Sükua David nou puhye sü ‘Mapao’ tea kuwe; südonou kabüa puhsü David nahpoutu khailai?”

LUK NOU RÜYU KO AVEIBVÜ 22:43

Alia sühisü raki vanou rakivamai ali puh hi kouloua puhye sü kou soutsü peie.

LUK NOU RÜYU KO AVEIBVÜ 24:4

Alia puletao nou süvanou tsü-bo phouha-a la-a buyu hinou, zhukhaio, peivavayu sahnü nou bah-nouyu mai ahaisü sükhaimoa puletao ngheiki hinou la-a buloure;

LUK NOU RÜYU KO AVEIBVÜ 24:51

Alia puhnou puletaoye hapeia buyu hinou, puhsü puletao hinou rataloua, rakihi sakhere.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 20:12

alia sahnü kaa-a banouyu rakivamai ahai sü Jisu pfüphao pokhaiyu buh hinou, alinou pei hinou ea alinou phi hinou chobua buyu sü puhnou ngaoloue.

JOHAN 6:62

Sükulouzü neletao nou hakinou Mai Nahpoutu nou raiki puhnou buyu buh hi takheyu ngaolouzü kakulai?

SEI-ATAMAI VAHTAO 1:19

Alia sükosü Jerusalem hinou hrüa buyu maikhemai hrülainou süloure, südonou puletao nou fü sünasü pule la hinou Akeldama, süolouzü “Zhefü,” tea saloure.)

SEI-ATAMAI VAHTAO 10:34

Sükisü Pitar nou chi paoshu tare: “Ramaiwo zhai soukumoe touyu sü chuo Enou chekhao-a süloure.

SEI-ATAMAI VAHTAO 14:27

Puhainou Antiok hi velou louyu kisü, lüloumaime taoye kuve dzüloua Ramai nou puhaiye koa vah souyu teitei ea kakua puhnou tahrüh kukhemai taohi lülouyu vei kikhu sü houpeisa touyu chi teitei sü puletao hi paongao peie.

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

ROMMAI 10:12

Hai hisü mai hrülai loukhaire, daiolouzü sühisü Jihudimai ea tahrüh kukhemai kole hi takuyu hae; Ramai hai mai hrülai vei Mapaobaie ea puhye kua bumai hrülai hisü alaosou hapeiwe.

ROMMAI 10:18

Ana Enou noue: Puletao nou chipao süsü choumoe touyu sü chechewu? Cheche-a puletao nou chouloure daiolouzü sheeyu larübvü nou haibüa paoe: “Puletao paisü deiphao teitei hi hotere, alia puletao chipao sü deiphao akhaihi veloure.”

ROMMAI 16:25

Eletao Ramaiye paosho laikhe! Enou Jisu Khrista vanou paodouyu Ko Aveina ea dao deiphao soushu rainou khei-a khaikhai touyu kheitsüna pongao peiyu thaifüa, puhnou neletaoye panou neletao vei lü hinou khouchi-a lalou süe.

ROMMAI 16:26

Sütoukhaia chuo, rachi paolamaitao vei larübvütao vanou achechena süsü dua vakouhi popa ngaopeire; alia mai hrülaiye panou loucheloua züloure donou akhai hayu Ramai vei chikhanou süsü tahrüh hrülai hi paosü peire.

ROMMAI 3:4

Süsü movuzüe! Emai hrülaiwo mada khaia, Ramaiwo cheche vuzü bailai. Haihai sheeyu larübvü nou paoyu kue, “Nenou chi paoyu kisü nenou züe tea pongao vuzülai; Neye chikuyu kisü nenou kolou vuzülai.”

ROMMAI 8:3

Emai kezhenou lelou hoyu vanou razhainou soulou hoyu nasü Ramai nou souloure. Puhnou lah puhnah poutuye seikou peiwu-a mahye souhare donou mahmai zhaido hinou panou veloua mahye sü kezhe hinou mah dukhaire.

ROMMAI 9:5

puletao hai zhih tashoyu Ebria puo-paomaitao hilonou ve; alia Khrista hai emai ali soua puletao vei tahrüh hinou ve. Ha teitei pei hi khoa buyu Ramai puhye teisanou paosholou khaio! Amen.

1 KORINTHMAI 15:47

Nainou souyu Adam raina sü deiphao hinou ve; Adam ahai chena sü raki vanou ve-e.

1 KORINTHMAI 2:7

Enou paodouyu tsü dokai hainawo louzü emai nghojünou kukhai touyu Ramai vei kheitsü baie, ana haina hai deiphao soumo jühinou Ramai nou Eletao vei khouko ava donou doche louyu ratsü nasüe.

2 KORINTHMAI 1:19

Daiolouzü Sailas, Timothi ea Enou neletao hrohinou paodouyu Ramainah Poutu Jisu Khrista hai “Ae” alia “Moe” touyuna moe, ana kuvou-a puhwo Ramai vei “Ae” touyu nasüe;

GALATIAMAI 2:8

Daiolouzü Jihudi maitao donou Pitarye sei-atamaili soupeiyu sübüa Ramai vei khoukonou Eye tahrüh kukhe maitaoye donou sei-atamaili soupeire.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,

EPHESAMAI 1:9

Ramai puhnou puhvei ratsü ea lekhe hinou zhingao-a buyu teiteinou koa puhnou soulai tea soudakhai touyu nasü souloure, alia Khrista vanou souche khowulai tea le layu puhvei kheikhei souyu leli nasü Eletao hi pongao peire.

EPHESAMAI 6:19

Alia Enou khuvei-a chi paoloure ea Ko Aveinavei kheitsü nasü paosü peiloure donou Enou chi paoloure donou souda-a buyu kisü Ramaiye panou Ahi puhvei chipao nasü peiloure donou, Eye donou-a veachi paopeio.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

KOLOSSEMAI 1:27

Ramai nou soudawuyu süwo louzü puhnou maikhemai hrülai donou khaikhai touyu toure nishoyu ea vashoyu puhvei kheitsü hainasü puhmaitaohi süngao peiyu süsüe. Alia kheitsü sünawo louzü neletao hi buyu Khrista süsüe, süvei kowo louzü neletao-a Ramai khouko ava hisü koa zha ngaozholai.

KOLOSSEMAI 1:6

Neletao nou Ramai zhuvea choulou raiki ea süsü chechewe tea sülourai kihinou shua neletao hronou buyu büa, Ko Avei nanou thaokhaimoa ha pove peiwe ea süsü deiphao teiteihi-a paodoupoa tawe.

KOLOSSEMAI 2:2

Haisü Enou puletaoye panou khuveisho loure donou ea leshi hinou alinou liye paimu loure donou soue, alia sübüa sücheche-a sülouyu nanou poveyu latou louyu vei kini teiteisü buloulai. Sübüa puletao nou Khrista puh baiyu Ramai vei kheitsü nasü süloulai.

2 THESSALONIMAI 1:10

Haibüa teithe sükisü puhnou puhmaitao hrülai hinou khekai ea lüloumai hrülai hinou tsükhouyu sü ngaolai. Neletao-a puletao hrohi loulai, daiolouzü Ehnou nelehi paodou peiyu chipao nasü nelenou loucheloue.

2 THESSALONIMAI 2:7

Kheikhei souyu ashi vah nasü souta-a bure, ana sünaye nuchao-a buyu puhye ludu süna hinou potapeimo koutesü palaiyu sütaosü palai mohie.

1 TIMOTHI 3:9

Puletao sü sheeshayu lekhetsü hinou lüvei kheitsü nasü potou louyumai souvu zülai.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

EBRIAMAI 7:7

Alia hapeiyu puhnou ha ngaolouyu puh jünou dukouhie touyu hisü halia motoure hae.

EBRIAMAI 8:1

Chuwo Eletao nou pao-a buyu ko teitei nasüwo louzü Eletao vei raki hi adusho vei vebuh bahkha zhoulo vanou chobua buyu haikuyu napao peicha nasü bue.

1 PITAR 1:12

Ramai nou rachi paolamai haitao hisü puletao vei vah hai lah puletao zhiloure donou moe ana neletao donou baie tea pongao peie, süolouzü chu neletao nou rakinou seikouyu Rako Mashi khouko vanou Ko Avei paosü peiyu rachi paopei maitao hinou choulouyu chi sütao vanou puletao nou raia paopeire. Rakivamai koutenoua chi haitao sü sülou nüshoa bue.

1 PITAR 1:20

Deiphao soumo jühinou Ramai nou puhye sü doloure, alia neletaoye donou akhai teithe haitao hinou pongao peire.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 PITAR 3:22

Jisu Khrista hai raki hi khetare ea puhnou Ramai bahkha zhoulo vahinou bu-a rakivamai hrülai pei hi, alia kukhe raki vanou paopu souyu ea khouko buyu rakotao pei hi tukha-a buloure.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

PONGAOPEIYU 17:5

Puh puhisü haibüyu, “Dushoyu Babilon, deiphao hi khakha maitao ea ngaorayu hrülai vei pfü, touyu khei zhih ali rüthou pfülaie.”

PONGAOPEIYU 17:7

Ana rakivamai sünanou Ahi noue, “Ne daidonou khupawe? Naotu süpaivei, alia pei anai ea kai kiruo pfüa puhye pfütayu khaosou sünavei khei kosü Enou nehi paongao peilai.

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.