1 TIMOTHI 3:13 - SHEEYU BAIBEL (BSI)

¹³ Vahlümai alisoua puletao vah veishoa sou bumaisü lah puletaoye donou khekai zhihsü kuloue ea Khrista Jisu hi buyu puletao vei lü vanou khuvei-a puletao nou chi paolou süe.

1 TIMOTHI 3:13 Iomraidhean Croise

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

LUK NOU RÜYU KO AVEIBVÜ 19:17

Alia puhnou puh hi paoe, ‘Veishore, avei kilai! Nenou hataili hinou cheche louyu donou, neye panou nuhdu kirou pei hi paopu soulai.’

SEI-ATAMAI VAHTAO 21:35

Alia Paul nou phihea dou taohi kouyu kisü, mai khemainou raroushoa khaotsütsü louyu donou puhye sü reihmai taonou molou shilailoua kaopolou baire;

SEI-ATAMAI VAHTAO 6:15

Alia tsüme hinou chobua buyu maikhemai hrülainou puhye zhutei-a buyu kisü puhvei zhusü rakivamai zhukua ngaoe.

SEI-ATAMAI VAHTAO 6:5

Alia puletao nou paoyu sünanou maisou hrülai lesü khraloure. Südonou lünou ea Rako Mashinou phoupeia buyu Stephan, ea Philip, Prokoras, Nikanor, Timon, Parmenas ea Jihudimai zhai polouyu Antiok hi mai Nikolasye puletao nou doloure.

SEI-ATAMAI VAHTAO 6:8

Alia Stephan nou zhuvea ea koukonou phoupeiloua khupa vah aduli ea shee alaosou maikhemai hrohinou soue.

1 KORINTHMAI 16:15

Thaihou jürai maitao, Stephanas kikhamai hai Akhaia teidei hinou raikaia lou Khristamai soulouyu maitaoe ea lah puletao hai sheeyumaitao vei kuvah donou le loushoa vah souwe touyu sü chuo neletao nou süloure.

PHILIPPIMAI 1:14

Alia Enou hukhahi louyu vanou thaihou jürai maitaoliye panou Mapaoye louche puloure, alia sübüa puletaosü Ramai chipao paodouyu hisü pikhai moa teisa nou khuvei pusho loure.

1 THESSALONIMAI 2:2

Ehnou neletao hi vemo jübühi Ehye kabüa Philippi hinou souvea ea sou-ahrao peisa touyu sü neletao nou süwe. Alia Ehye ngaobamainou sühao-a bukhaia Ramai nou Eh hi puh hinou veyu Ko Avei nasü neletao hi khuveia paongao peire khoukosü peie.

1 TIMOTHI 3:14

E thala-a neye ve daoloure rei-a bue, ana Enou nehi seiko haina rüyuwo louzü,

2 TIMOTHI 2:1

Südonou, Anahpoutu, newo Khrista Jisu ye koa ali soulouyu hinou Eletao vei soua buyu zhuveana hinou khou-a bulo.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.