1 TIMOTHI 2:8 - SHEEYU BAIBEL (BSI)

⁸ Südonou poutumainou buh liki hinou lekha-rarouyu moa zü-veiyu ha-a puletao vei sheeyu bahnou laposhu Ramai hi veachi paoyu sü Enou züpawe.

1 TIMOTHI 2:8 Iomraidhean Croise

1 VEMAITO 3:11

ae puhnou Solomon hi paoe, “Nenou hrüh shoyu moa hangiyu moa ngaoba zhuba maitaoye panou thaire khoyu thaosü, haibüa maikhe maiye kaozü hinou khasa-a hrüloure vei ratsü kholouyu vanou,

JOB VEI LARÜBVÜ 16:17

Ana avei bah nou hashi ali-a soumoe, ale sheesha tea veachi pao-a baie.

LOUTAO 134:2

Neletao bah lapoa Rathoki hinou veachi paolo, ae Mapao ye paosholo!

LOUTAO 141:2

Enou veachi paoyu sü poukai nüvei meideiyu ali büa popeio, ae abah lashuyu haina hai koukhe posheela peiyu büa popeio.

LOUTAO 24:4

Phibah sheeyu mai, ae tsüle sheeyu maitao, basharataoye thomoyu maitao, moyuma da-a nou chaachou soumoyu maitao noulai.

LOUTAO 26:6

Mapaowo, avei mah ha-e tea E abah dzüteiwe, ae nevei posheelabu pehao hinou tasühao-a neye thowe.

LOUTAO 28:2

Enou kra-a ne hinou soukha khoyu phaki avei akho nasü keinou peio, Enou nevei sheeyu rathoki hilova abah lapoa khoyu phaki keinou peio.

LOUTAO 35:13

Ana puletao nou sounou souyu phaki, Enou puletaoye donou dopfü peie; Enou ha toumoa puletaoye donou apei pfünakou veachi paopeie.

LOUTAO 63:4

Enou hria buki sasü ne hi kalo pao-a bulai, abah lapoa nou ne hi veachi paolai.

LOUTAO 66:18

Hakinou Enou avei mahmo khesü poku khaitoua bure toulouzü, Enou khoyu khesü Mapao nou keinou peilai moe.

TSÜCHITAO 15:8

Mai ashimai livei posheelayu hai Mapao nou ngaora-e, ana mai veiyu livei veachi sü puhnou jüpae.

TSÜCHITAO 21:27

Mai ashimai nou posheela peiyu hai Mapao nou ngaora-e, puhnou ashi tsücho-a pove peiyu-a ngaorapu hie.

ISAIAH 1:15

“Neletao nou bah lapoa veachi paoyuma Enou zhu peilai moe. Neletao nou shusoua veachi alao paoyuma Enou keipeilai moe, daiolouzü neletao vei bah hisü zhe khai-a bubaie.

MATHIU 21:21

Jisu nou puletao hi chila peie, “Chekhaoa Enou neletao hi paoe, süolouzü neletao nou lüloua lekikhai molouzü, neletao nou Enou doushi bevahi soukhai touyu süna likheithe soubaimoa, deichi haina hai, ‘Mipoa zaihi zhaolouwo,’ tea paolouzü süsü souloulai.

MATHIU 5:44

Ana chuo Enou neletao hi paowe: neletao ngaobamaiye leshilo ea neletaoye souvea-souhomaiye donou veachi paopeio,

MATHIU 6:12

Ehnou-a Ehpao pfümaitaoye khaipeiwuyu büa, Ehpao khaipeio.

LUK NOU RÜYU KO AVEIBVÜ 23:34

Alia Jisu nou paoe, “Apuo, puletaoye khaipeio! Daiolouzü puletao nou dai sousa touyusü puletao nou sümoe.” Alia puletao hrohinou rakovei zhua puhvei sahnü taosü zhiloure.

LUK NOU RÜYU KO AVEIBVÜ 24:50

Süthaisü puhnou puletaoye nuhduna hinou sataloua Bethani ngheikihi savere, alia sühinou puh bahsü laloua puletaoye hapeie.

JOHAN 4:21

Jisu nou puh hi paoe, “Naotupai, Eye louchepei khaio, Puoye deichi haina hinou moa Jerusalem hinou nelenou tho more pha nasü vere.

SEI-ATAMAI VAHTAO 10:2

Puh hai puhvei kikhamai taoye koa rathoyu hinou leishoyu ea Ramaiye pi-a hrüyu, toure hamai hi halia pakhaimoa peinüyu, alia tobai soumoa Ramai hi veachi paoa buyu mailie.

SEI-ATAMAI VAHTAO 10:31

‘Kornelia! Ramai nou ne khosü noupeire ea nenou toure hamai hi sa-a peiyu sü li-cho peire.

SEI-ATAMAI VAHTAO 10:4

Alia puhnou ngaopiloua puh hisü pheteiloua paoe, “Mapao, daie?” Rakivamai sünanou puh hisü chila peie. “Nevei veachitao ea nenou toure hamai hi peiyu vah taosü Ramai nou khrasho loure, alia ne khosü peire donou soudare.

SEI-ATAMAI VAHTAO 21:5

Ana Eletao nou puletaoye koa sühinou bure teile cheyu kisü buh süsü thaowu-a Eletao veih duhi talou khaire; alia puletao hrülainou maipfümai ea nahmaitao ye koa Eletaoye nuhdu hinou paosapoa zaipei hi vepeiwu-a sühinou Eletao hrülaisü kou khou khüloua veachi paoe.

SEI-ATAMAI VAHTAO 7:60

Alia puhnou kou khoukhüloua pai kushoa paoe, “Mapao, mah haina hai puletao pei hi chokhai peiwuso!” Alia puhnou süsü paowu-a zhitare.

1 KORINTHMAI 1:2

Korinth hi buyu Ramai vei lüloumaime hi, süolouzü Khrista Jisu ye koa ali soulouyu hinou puh hi buyu Ramai vei sheeyu maitao souloure donou kulouyu puletao hrülai ea puletaoye koa buh veishi hinou puletao ea Eletao vei Mapao soua buyu Jisu Khristaye thoa buyu mai hrülai hi rüwe:

1 KORINTHMAI 7:7

Chekhaoyuwo louzü neletao hrülai hai E büa buyu sü Enou züpawe; ana mai hrülainou lah lahvei takushoyu sapeina, alinou tya ali hinou ea kukhe alinou tya kukhe ali hinou Ramai hinou ngaoloure.

2 KORINTHMAI 2:14

Ana Ramaiye kalo paowe! Daiolouzü Khristaye koa ali soulouyu hinou Ramai nou Eletaoye sü teisanou kolouyu hi süthai salaipeie, alia Eletao vanou Khristaye sülouyu tsü navei kai nüvei nasü buh likihi panou vurao tawe.

PHILIPPIMAI 1:12

Athaihou jürai khemai, Enou neletaoye panou sülou nüwe, süolouzü Ahi pa-a buyu sütaonou chekhao-a Ko Aveina paodou puloure donou soukhasho peiwure.

1 THESSALONIMAI 1:8

Daiolouzü Makedonia ea Akhaia teidei teiteihi Mapao vei chipaosü neletao hinou paodoupoa tayu likhei baimoa Ramai hi neletao nou lüyu vanou buh likihi kupoa tare. Südonou Ehnou halia paore matsü hare.

1 TIMOTHI 5:14

Südonou nahleyu meapfümai taonou nghiyu, nahmai hrüyu, puletao vei kikha vahsü zhutou louyu, alia sübüa ngaobamaiye panou Eletaoye konüre zhou avei peimoresü Enou züpae.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

JEMS 4:8

Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

1 PITAR 3:7

Sübüa chaakhemai neletao-a neletao chapfümaitao hai lelouho kouyu maitaoe touyu sü sütou peiwua koa hrülai. Puletaoye tsükhou peikhaio, daiolouzü puletao-a neletaoye koa Ramai vei teisa ahri vei sapeina nasü ngaozholai. Neletao vei veachi nasü hataliye panou khulou more donou haina hai soukhaio.