1 TIMOTHI 2:6 - SHEEYU BAIBEL (BSI)

⁶ Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

1 TIMOTHI 2:6 Iomraidhean Croise

JOB VEI LARÜBVÜ 33:24

Zhuvea leshi hinou rakivamai nanou paolai, “Puletaoye phapeio! Puletaoye panou athai maivei teidei hi holai mohie. Puletaoye phapeire donou muh sü haihi bure.”

ISAIAH 53:6

Etao mai hrülai motayu zhaotu büre, Etao mai veishi hai lahkuku nou tanüyu hisü tare. Ana Mapao nou Etao vei mahmo teitei sü puh pei hi pokakhai peiwure.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MARK 1:15

alia haibüa paoe, “Teile sü vetere, alia Ramai Vedei sü ngheiteire! Ledalo ea ko avei nasü louchelo!”

MARK 10:45

Daiolouzü Mai Nahpoutu koutea maiye panou puh kuvah soure donou vemoe ana mai kuvah soure donou ea puh vei hrirai hai mai alao vei phapeimuh peire donou vebaie.”

JOHAN 6:51

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

ROMMAI 16:26

Sütoukhaia chuo, rachi paolamaitao vei larübvütao vanou achechena süsü dua vakouhi popa ngaopeire; alia mai hrülaiye panou loucheloua züloure donou akhai hayu Ramai vei chikhanou süsü tahrüh hrülai hi paosü peire.

ROMMAI 5:6

Daiolouzü Eletao nou khouko hazhia bubuki hinou, Khrista nou mai shimai donou teile kaoveibü hinou thaipeire.

1 KORINTHMAI 1:6

Khrista vanou paokhai touyu chipao sü neletao hronou soutaosoua poloure,

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

GALATIAMAI 1:4

Eletaoye zhodo maikha ashi haina hinou khaipa peire donou, Eletao Ramai ea Puo puhvei li-choyu thaisü füa Khrista puh lahnou puhye sü Eletao vei mah donou thoupeiwure.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,

EPHESAMAI 1:17

alia khouko avavei Puo, Eletao Mapao Jisu vei Ramai hinou neletaoye tsü souvei peiloure ea neletao hi Ramaiye pongao peiwu-a neletaoye panou puhye süloure donou neletao hi Rako nasü peiloure Enou khowe.

EPHESAMAI 1:7

Daiolouzü Khrista nou thaipeiyu vanou, Eletaoye do soupeire, süolouzü Eletao vei mahsü khaipeire. Ramai vei zhuvea hai daizhozhou dusa,

EPHESAMAI 3:5

Daoraiki teile hisü kheitsü haina vanou emai hi paongao peimoe, ana chuo Rako vanou kheitsü hainasü Ramai nou puhvei sheeyu sei-atamai taohi ea rachi paola maitao hi pongao peire.

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

2 THESSALONIMAI 1:10

Haibüa teithe sükisü puhnou puhmaitao hrülai hinou khekai ea lüloumai hrülai hinou tsükhouyu sü ngaolai. Neletao-a puletao hrohi loulai, daiolouzü Ehnou nelehi paodou peiyu chipao nasü nelenou loucheloue.

1 TIMOTHI 6:15

Rako avei ea likhu baiyu Aku Kulai, süolouzü vemaipei Veo ea paopumaipei Mapaowo puh veresü teile kao avei hinou Ramai nou povepeilai.

2 TIMOTHI 1:8

Südonou Eletao Mapao donou moa Khristaye donou hukhamai soua buyu Avanou zhopaoh souyu hisü ahraowuso, ana Ramai khouko hinou Ko Aveina donou talou veayu zha nasü ngaozho khaio.

TITA 1:3

alia süsü teile zhouvei hinou puhnou puh chipao hinou pongao peire. Chipao süsü Abah hi thaothou peiwure, alia Enou süsü Ramai Eletaoye khailu-apeio vei kharochi vanou paodouwe.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 9:12

Khrista nou teisavei donou lüh alikhei sahpao nasü tacho louloua Mashi Shilai Buh hi talouyu kisü puhnou sheelare donou nghitu ea chotu zhenou moa lah puh zhenou poloua Eletaoye teisanou phaohupa peire.

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.