1 TIMOTHI 2:4 - SHEEYU BAIBEL (BSI)

⁴ daiolouzü maikhemai hrülainou khailu louresü ea acheche vei tsü süna süloure sü puhnou züpawe.

1 TIMOTHI 2:4 Iomraidhean Croise

ISAIAH 45:22

“Deiphao hi hrüa buyu mai hrülai, Ahi dakhai velo ae khailulo! Daiolouzü E likhei Ramai sü baie.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

ISAIAH 55:1

Mapao nou paoe, “Tavelo, rei-a laiyu maitao, dzü hi tavelo! Pousha ha-a buyu maitao, tave touso sü hüloua tou khaio! Tave zhaoh ae chonaodzü kelo, pousha polai moe, ae muhma-a polai moe!

EZEKIEL 18:23

Mai ashi mai nou thaitayu sü E lesawe tea neletao tsüchowe? Moe, Ewo mai ashi mai ali nou ledaloua hrilouyu jüpawe” tea Ramai Mapao nou paoe.

EZEKIEL 18:32

Ewo maitaralia panou thai nümoe, neletao vei mah hinou tarei talo ae hrilo,” tea Ramai Mapao nou paowe.

EZEKIEL 33:11

Cheche vujünou Ramai Mapao E hai hriyu Ramai thaifüa mah mai ali nou thaiyu sü ngaoloua E hai lesa moe tea puletao hi paopeio. Ewo louzü puhnou mah souyu bailoua hrilouyu nasü nou jüpapu hie. Südonou Oh Israel maitaore, vah ashi souyu sü thaowu-o. Neletao daisounou thainüwe?

HABAKKUK 2:14

Ana deiphao teitei hi Mapao vei aduso alia kathe vei tsü hai zai hi dzünou phoutao-a buyu büa bulai.

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

MARK 16:15

Puhnou puletao hi paoe, “Deiphao teiteihi taholoua emai hrülaihi ko avei nasü paodou peikhaio.

LUK NOU RÜYU KO AVEIBVÜ 1:77

Puhvei maitaohi puletao vei mah khaipeiyu hinou khailu louyu sü bue touyu nasü paodou peilai.

LUK NOU RÜYU KO AVEIBVÜ 14:23

Südonou paopu sünanou kilai nahi paoe, ‘Ne nuhfütao duvahi ea ludu taohi taholoua Avei kisü ve phouloure donou maikhe maiye kutailoua panou tavekhaio.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 17:17

Puletaoye achechena hinou soushee peio. Nevei chipao sü acheche nasüe.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

ROMMAI 11:14

Soulou veilouzü Enou lah Atahrüh maitaoye panou southou ngaorai peiwu-a puletao hronou kamaiye panou khailu loulai.

1 TIMOTHI 4:10

Ehnou te-a ea shamea-a vah soue, daiolouzü Ehnou Ehvei areih nasü hri-a buyu Ramai bah hi thoupei khaitoue. Puh hai mai hrülaiye khailu-apeio nasüe ea koulih soua lüloumaitao vei khailu-apeio süe.

2 TIMOTHI 2:25

alia puhye ngaobamai taoye kaonayu hinou paodouzü peilai, daiolouzü Ramai nou puletao hi panou ledaloua acheche naye süloure teile avei peilouveie.

2 TIMOTHI 3:7

maitali chi teisanou keinü-a buyu ana hatakia acheche naye sü sülou hoyu, lelou hoyu naotumai taoye sü puletao nou koloure.

TITA 1:1

Haisü Ramai kilaio ea Jisu Khrista vei sei-atamai ali soua buyu Paul hinoue. Ramai nou dolouyu maitao vei lü nasü soukha peire donou ea puletaoye Eletao rahrüzhai nou doupei khaitouyu acheche nahi süthou peiloure donou Eye doloure ea seipeiwure,

TITA 2:11

Daiolouzü Ramai nou emai hrülaihi khailu peiyu hai pove peire donou puhvei zhuvea hai pongao peiwure.

EBRIAMAI 10:26

Daiolouzü Eletao nou acheche vei tsü nasü ngaolouyu thainou sütoua mah soulouzü sühisü mah pota loure posheelayu ali-a hare,

JEMS 3:14

Ana neletao lekhe hinou maiye ngaoraiyu, khataoyu, alia dutounüyu hai bulouzü, neletao vei ratsü süna vanou khaophu soua achechena pei hisü mah soukhaiwuso.

2 PITAR 3:9

Kamainou shosho soubaie tea chokhai-a, Mapaowo louzü puhnou apaopei khaitouyu soupeire hisü shosho soumoe. Süjüwo, puhnou neletaoye koa shamea peiwe, daiolouzü puhnou maitaliye hai panou souhawuyu sü züpa moe, ana maikhemai hrülaiye panou puletao mah hinou le dalouyu sü züpawe.

2 JOHAN 1:1

Atsüna hinou — Enou chekhaoa leshiyu naotupai ea puh nahmaitao hi rüwe. Alia E likhei baimoa achechenaye süyu puletao hrülai nou-a neletaiye leshie,

PONGAOPEIYU 14:6

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.