1 TIMOTHI 1:9 - SHEEYU BAIBEL (BSI)

⁹ Sütoukhaia Eletao nou licholou molouzü shie, süolouzü razhai hai maivei mai donou soupeimoe, ana zhai souphe-souphomai, paoyu zübamai, Ramai ha-a hrüyumai ea mahsoua laimai, sheemomai moa chechemomai, lah puletao pfüpuoye southeamai ea maiye datheamai,

1 TIMOTHI 1:9 Iomraidhean Croise

2 SAMUEL 16:11

David nou Abishai ae puhvei peikho maitao hi paoe, “Lah anahpoutu koute-a avei hrirai poloulai tea te-a buyu thaisü, Benjamin khü hi mai sü daisounou haibüa soumo khailai! Südonou puhye keakhai touso, puh panou soure sü soukhaio.

2 VEMAITO 19:37

Teithe ali rathoki hinou puhnou puhvei Nisroch rahye tho-a buyu hinou, puh nahpoutu ahai, Adrammelekh ae Sharezer nou khoche poloua puhye sü daothawure, sübüa puhai nou Ararat maivei teidei hi tuho butare. Puh nahpoutu ali Esarhaddon nou puh thaosou pa vekou loue.

2 PUOPAOKO 32:21

Mapao nou rakivamai ali seive Assaria maivei reihmaitao ae peikhoyu maitaoye southa khaiwure. Südonou veo sü hrao ngao-a lah puhvei teidei hisü dakhai tare. Ae teithe ali puhnou puhvei rahye tholai tea rathoki hi veyu phaki, lah puhvei nahmai kamai-a nou puhye sü buh sühinou khoche nou daothawure.

TAPALOUYU 20:13

“Maiye southaso.

TAPALOUYU 21:14

Ana mai alinou puhvei lekha rarou hinou southa nüa mai aliye southare toulouzü, puhnou tuve avei rathobuh hinou tutsüa buyuma neletao nou puhye sü southawo.

TSÜCHITAO 20:20

Pfüpou maiye chaayu maisü puhye sü meivabvü souhei loua zhiteiyu buh khaiyu büa khai-a bailai.

TSÜCHITAO 28:17

Mah zhe vei kou pfü maisü panou athai koute veatheo, mai lia panou puhye soukha peiso.

TSÜCHITAO 28:24

Pfüpuo maivei vaolou-a “Hai louzü mah moe,” tea paoyu puhsü avomai kukhe jünou veipu moe.

TSÜCHITAO 30:11

Lah puo ye chaayu alia lah pfüye paosho moyu mai-a bue.

TSÜCHITAO 30:17

Puo maiye ngaoheiyu maitao alia tsükhaivu payu thai pfü maiye ngaophou moyu maitaoye sü lüche panou toulouyu kaobaie, moyuma rashopeiki panou puletao vei nghithou sü daola pa-a kaobaie.

JEREMIAH 23:11

Mapao nou paoe, “Rachipaola maitao ae napao maitao nou Ramai ye sümore; Rathoki hi koutea puletao nou hashi souyu sü Enou ngaoloure.

EZEKIEL 21:25

“Mai shiyu ae sheemoyu Israel maivei teidei khowo nevei teithe naye akhai soua tudeere teithe sü vere.

LEVIMAI LARÜBVÜ 20:9

Mai taralia lah puhvei pfüpuoye chaayu maiye sü southalai; puhnou thaiyu sü lah thai züa thai-a baie.

MATHIU 10:21

“Thaihou jürainou lah thaihou jüraiye southeare donou thoupeilai, alia puokhemaitao-a sübüa puletao nahmai taohi soulai; nahmaitao-a puletao pfüpuomai pei hi motouloua puletaoye southealai.

ROMMAI 1:30

alia alinou li chi paoshiwe; puletao sü Ramai ngaoba maitaoe, puletao sü alinou liye sou ahrao peiwe, khaophu souwe ea adusho khawe; puletao nou ashi soupure tsü chowe ea pfüpuo chi zübawe;

ROMMAI 4:13

Ramai nou Abraham ea puh tyaonah maitao hi deiphao hai puhvei soubailai tea apaopeiyu kisü, süsü Abraham nou razhaina reiyu vanou moa lü louyu vanou Ramai nou puhye sü chechemai tea polouyu vanoue.

ROMMAI 5:20

Mah sü panou pupa loure donou razhai hai vepeie; ana mah alaosou buyu hisü, zhuvea nou alaosou koua bue.

ROMMAI 6:14

Daiolouzü mahye panou neletao vei paopu souwu laimoe, daiolouzü neletao hai razhai khehi bukhai more, ana Ramai zhuvea khehi bue.

GALATIAMAI 3:19

Sübüyu thaisü razhainou dai soure bue? Soumahyu touyu hai daisa touyu pongao peire donou razhai hai vohi thoupupei khaitoue, alia razhai nasü apaopei khaitouyu Abraham vei tao süna vemo koute tabailai. Razhai nasü rakivamai taonou kolelou-apeimai ali vanou peie.

GALATIAMAI 5:18

Ana neletaoye Rakonou süthaipeia bulouzü neletaowo razhai khehi bumoe.

GALATIAMAI 5:21

avei zhai ngaobayu, zhaoh shozhiyu, zhaohra payu ea sükuyu kukhetaoe. Enou neletaoye raichokinou tukhayu büa chua neletaoye Enou tukhawe, süolouzü, sübüyu vah souyu maitaosü Ramai Vedei ngaolou hoe.

GALATIAMAI 5:23

nataiyu, alia lahye tukhayu haitaoe. Haitaoye motouyu zhai tali-a hae.

PAODAKHAIYU CHIKHA 27:16

“Pfüpuoye tsükho moyu maisü chaa ngaotheo.” “Süthaisü mai hrülai nou ‘Amen!’ tea paolai.

2 THESSALONIMAI 2:8

Alia süthaisü Mai Ashi nasü velai, ana Mapao Jisu nou veyu kisü puhnou puhye sü puh mü hinou payu puhvei ssünou southealai ea puhvei peivavayu zhu sünanou puletaoye sü souhalai.

1 TIMOTHI 4:7

Ana ramai hayu ea avoyu daomai kotao hinou tareilo. Rahrümai hinou taloure nelah douthou lichelo.

1 TIMOTHI 6:20

Oh Timothi, nebah hi lüthou peikhai touyu taosü khotoulo. Ahraopachi ea mai kamainou kaokhai molai-a “Tsü” tea kuyu vo-a chi veivayu sütao hinou tareilo.

2 TIMOTHI 2:16

Ahraopayu ea voyuchi phakuyu hinou tareilo, daiolouzü sünanou maikhe maiye Ramai hinou doulailai-a hutawu baiwe.

2 TIMOTHI 3:2

Daiolouzü maikhe mainou haibülai süolouzü, lahye leshi baiyu, loküyu, aduzhai souyu, khaophu souyu, chi souyu, pfüpuo chi zübayu, soupei muh sümoyu, sheemoyu,

TITA 1:10

Daiolouzü mai khakhehi hrübayu, chaochaosou chi paoa laiyu ea madayu maitaoli bue koulihsoua hee rodeyu mehinou bue.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.

TITA 1:6

tsümai alihai bvüroyu havuzülai; puh hai chapfü alikhei bubailai, alia puh nahmaitao hai lüloumai souvu zülai ea puletao hai chaochao souyu ea paoyu zübayu hinou zhih tayumai soulaimoe.

TITA 3:3

Daiolouzü lah Eletao-a teileli hisü voe, paoyu zübae ea madae. Eletao sü vasou züpa ea deiphao hi va-sayu tyatyali vei qilatao soue. Eletao sü maiye ngaoba-ngaorai-a hrüe; mai kukhenou Ehye ngaobae ea Ehnou-a puletaoye ngaobae.

EBRIAMAI 11:31

Lü vanou khakhapfü Rahabye sü Ramai chi zübayu maitaoye koa souhawu moe, daiolouzü puhnou Israel maitao vei reihkei pomai taoye soutaosoua shepeie.

EBRIAMAI 12:16

Maitalia khulou vah soua moa tovaili vanou lah puhvei tsüzha zho touyu rahrüzhai hinou hrümoyu Esau bümore zhutoulo.

1 PITAR 2:7

Louche louyu neletao donou chuh hainasü muh teishoe, ana louche moyu puletao donou louzü: “Ki souyu mainou lulaiyu chuh nasü ki kainghouhi matsü tsülai chuhna daloure.”

1 PITAR 3:20

Rako haitaosü daoraiki Noha nou dzüluki soubuki teithetao hi Ramai nou shamea-a khokhai khai-a puh chi zübayu maisütao vei rakotaoe. Dzüluki süna lekhe hi buyu mai daotu süolouzü puletao mai acha likhei dzü vanou khailulou baie,

1 PITAR 4:18

Sheeyu larübvü hinou paoyu kua, “Achecheyu mai khailu louyu hai tateisho louzü, Ramaiye sümoyu mahmaitao hisü dai palaisa?”

JUD VEI SEIKO 1:15

mai hrülaiye chikure donou, puletao nou ramai loumoyu vahtao soukhai touyu sütao vanou puletao hrülaiye mah dukhai peire donou, alia ramai loumoyu mahmai taonou puh pei hi shi-kha chi paokhai peiyu donou mah dukhai peire donou laire!”

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”

PONGAOPEIYU 22:15

Ana nuhdu vakouhi buyu maitaosü seitao, khei-khupado souyu maitao, khulou vah souyu ea maiye southeayu, alia basharaye thoyu ea chi-la hinou ea sou-pfüyu hinou madayu sükhe maitaoe.