1 TIMOTHI 1:5 - SHEEYU BAIBEL (BSI)

⁵ Ehvei kharochi hainavei ko matsüwo louzü ra-hazheiyu le hinou, lekhetsü aveina hinou ea kao-züyu lü sütao hinou payu leshi süna panou paloure donoue.

1 TIMOTHI 1:5 Iomraidhean Croise

LOUTAO 24:4

Phibah sheeyu mai, ae tsüle sheeyu maitao, basharataoye thomoyu maitao, moyuma da-a nou chaachou soumoyu maitao noulai.

LOUTAO 51:10

Oh Ramai, sheesha touyu lüthou ali Eye soupeio, ae tsüle ashu ae nevei khakhe hinou hrülou süyu rako ali Eye peio.

JEREMIAH 4:14

Oh Jerusalem, nevei tsüle hinou hashi khesü dzükhü laiwu-o, süku louzü ne khailu louyu ngaoloulai. Teile kasho koute ne sü mah vei tsücho-a bulaige?

ZEPHANIAH 3:7

Puletao nou veimosou-a Eye pishulai teanou cho-e, Enou kharochi peiyu züshulai teanou cho-e; alia Enou puletao hi doupeiyu taosü ngaikhai paimoe tea Enou cho-e. Ana Avei maitao nou vah ashisü soupu baire.”

MATHIU 12:35

Avei mainou puh lekhehi avei podzükhai touyu hinou avei natao popawe; alia ashi mainou puh lekhehi ashi podzükhai touyu hinou ashi natao popawe.

MATHIU 5:8

Le sheeyu maisü rakoveie; daiolouzü puletao nou Ramaiye ngaolai!

SEI-ATAMAI VAHTAO 15:9

Puhnou Eletao ea puletao kole hisü halia souku peimoe; daiolouzü lü vanou puhnou puletao lesü soushee peire.

SEI-ATAMAI VAHTAO 23:1

Alia Paul nou tsüme hisü zhuteiloua paoe, “Athaihou jürai khemai, Ramai nghojünou Enou zhou koutesü Alekhe tsühai sheesha-a hrüwe.”

SEI-ATAMAI VAHTAO 24:16

Südonou Enou Ramai ea emai nghojünou Alekhetsü nasü sheetoua khailoure teisanou tewe.

ROMMAI 10:4

Daiolouzü lülouyu maitaliye Ramaiye koa souzü peiloure donou Khrista nou razhai vei akhai nasüe.

ROMMAI 12:9

Leshi hisü veikho soukhai laimoe. Ashinaye sü ngaoralo, avei nasü potoulo.

ROMMAI 14:15

Nenou touyu süna vanou, ne thaihou jüraiye le souveawu louzü, süthaisü leshi hinou nehai vah soukhai more. Nenou toua buyu touso sünanou Khrista nou puhye donou thaipeiyu mai sünaye souhawuso!

ROMMAI 9:1

Khrista hinou Enou acheche nasü paowe, Ewo damoe, Rako Mashi hinou, Avei lekhe tsü nanou Eye koa zhopaoh peiwe,

1 KORINTHMAI 13:1

Enou emai ea rakivamai la taonou paokhaia, leshi halouzü, Esü hu dayu kho moa hu baiyu kho bübaie.

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

PAODAKHAIYU CHIKHA 10:12

“Alia chuo, O Israel maitaore, neletao Ramai Mapao nou neletao hinou daie jüpawe toulouzü, neletao Ramai Mapao ye piyu, puhvei ludu hinou tayu, puhye leshiyu, nevei tsüle rako veishi nou pothou puh vah souyu hai jüpawe.

1 TIMOTHI 1:18

Anahpoutu Timothi, rachi paola mainou raia ne vanou paokhai touyu chi sütao thaifüa chuo Enou ne bah hi chikha hainasü lüthou peiwe, süolouzü reih koloure donou chipao sütaosü bahsei büa seilo,

1 TIMOTHI 1:19

alia nevei lü hinou soutaosoua bulo ea nevei lekhetsü nasü sheesha-a khailo. Mai kamainou puletao vei lekhetsüna paisü züpei bayu vanou puletao lü nasü souphe-souphore.

1 TIMOTHI 3:9

Puletao sü sheeshayu lekhetsü hinou lüvei kheitsü nasü potou louyumai souvu zülai.

2 TIMOTHI 1:3

Apuo-pao maitao nou souyu büa Enou sheetouyu lekhetsü hinou kuvah soua laiyu Ramai puhye kalo paowe. Enou hea-khei veachi paoyutsü neye li-choa puh hi kalo pao-a bue.

2 TIMOTHI 1:5

Nehi buyu cheche lü nasü Enou li-chowe. Lü sünasü raia nepai Lois hi bue ea süthaisü nepfü Eunis hi-a bue ea süsü chuo nehi-a buvuzüe tea Enou chowe.

2 TIMOTHI 2:22

Südonou nahlemaivei pfüphao züpa nasü thaowuwo, alia le sheetouyu hinou Mapao hi soukha khoa buyu maikhe maitaoye koa, acheche, lü, leshi ea kaonayu sütaosü te-a phoulo.

TITA 1:15

Sheeyu maitao hisü ha teiteinou sheebaie, ana zhaiwuyu ea louche moyu puletao hisü hatalia sheemoe; daiolouzü puletao vei le ea lekhetsütao hai zhaiwure.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

EBRIAMAI 13:18

Eletaoye donou tobai soumoa veachi paopeikhaio, Eh vei lekhetsü hai sheetoua bue touyu sü Ehnou süvuzü daiolouzü phabusa nou Ehnou cheche vah nasü sounüwe,

EBRIAMAI 9:14

daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.

JEMS 4:8

Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 PITAR 3:16

anou süsü natai-a ea khuhao-a souloukhaio. Khrista thaifümai alisoua neletao nou tayu zhai avei naye sü paoshiyu süolouzü neletaoye chi ashinou ngheihyuki puletaoye panou ahrao ngaoloure donou neletao peikhao leikei-a bulo.

1 PITAR 3:21

süsü chu neletaoye khailu peiyu dzükhao dayu sünavei nada alie. Sünasü vasou hi hai khükouyu süna moe, ana süsüwo peikhao leikei-a Ramai hi apaokhai touyu alie. Sünanou neletaoye Jisu Khrista hrishu louyu vanou khailupeie.

1 PITAR 4:8

Ha pfüphou jünou alinou liye lenoushoa leshilo, daiolouzü leshinou mah alaoye hongipeiwe.

2 PITAR 1:7

alia rahrümai hisü thaihou jüraimaiye leshiyu sünanou ea thaihou jüraiye leshiyu sühisü leshi nanou thoupulo.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 3:3

Khrista nou sheeyu donou puh hi areih haina buyu mai hrülai nou lah puhye shee-a khailouwe.