1 TIMOTHI 1:4 - SHEEYU BAIBEL (BSI)

⁴ Chi saovayu likhei povepei baiyu madayu daomaikotao ea pai-paomai zhih alaosou rüthoupoa laiyu sütaosü thaowure donou puletao hi paopeikhaio; sütaonou lü vanou likhei sülou baiyu Ramai vei aroh naye sü kuvah soumoe.

1 TIMOTHI 1:4 Iomraidhean Croise

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

EPHESAMAI 3:2

Veimosou-a neletao nou chowulai süolouzü Ramai nou puhvei zhuvea hinou vah hainasü neletao veire souloure donou Ahi peikhaitoue.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

1 TIMOTHI 4:7

Ana ramai hayu ea avoyu daomai kotao hinou tareilo. Rahrümai hinou taloure nelah douthou lichelo.

1 TIMOTHI 6:11

Ana oh Ramai vei mainare, newo haitao teiteisü thaowu-o, alia acheche hrü, rahrüzhai, lü, leshi, shameayu, alia nataiyu haitaoye donou telo.

1 TIMOTHI 6:20

Oh Timothi, nebah hi lüthou peikhai touyu taosü khotoulo. Ahraopachi ea mai kamainou kaokhai molai-a “Tsü” tea kuyu vo-a chi veivayu sütao hinou tareilo.

2 TIMOTHI 2:14

Puletao hi chi haitaosü paopu peikhaio, alia puletaoye chipaotao vanou veiva more donou Ramai nghojünou kaona-a tuzü peikhaio, daiolouzü sünanou veiyulia soupeimoe, ana kei-a buyu maitaoye souha-kayu likheibaie.

2 TIMOTHI 2:22

Südonou nahlemaivei pfüphao züpa nasü thaowuwo, alia le sheetouyu hinou Mapao hi soukha khoa buyu maikhe maitaoye koa, acheche, lü, leshi ea kaonayu sütaosü te-a phoulo.

2 TIMOTHI 2:23

Ana avoyu ea tsü ha-a veivayu sütao hinou tarei talo; daiolouzü sütaonou zü-veiyu povepeiwe touyu sü nenou süwe.

2 TIMOTHI 4:4

alia puletaosü cheche chi keiyu hinou tarei taloua madayu daomai kotao hilo puletao lehai peita bailai.

TITA 1:1

Haisü Ramai kilaio ea Jisu Khrista vei sei-atamai ali soua buyu Paul hinoue. Ramai nou dolouyu maitao vei lü nasü soukha peire donou ea puletaoye Eletao rahrüzhai nou doupei khaitouyu acheche nahi süthou peiloure donou Eye doloure ea seipeiwure,

TITA 1:14

alia Jihudimai daomaikotao ea emai vei chikhataosü panou popukhaiso daiolouzü sütaosü acheche naye pobayu maitao hinou vebaie.

TITA 3:9

Ana voyu chi veivayu, pai-paomai zhih rüthoupfüa laiyu, züvayu ea razhai vanou saovayu hinou tareilo, daiolouzü sütaosü koyu lia hae ea hakobaie.

EBRIAMAI 13:9

Neletaoye tya kukuyu ea dosüku zhai hinou doupeiyu sütaoye panou süthaipoa tawuso, daiolouzü touso vei naanou reiyu nanou moa nou Ramai vei zhuvea nanou lekhe soukhou peiyu hai veishoe; naanou sütao reiyu maitaoye sütaonou soukha peimoe.

2 PITAR 1:16

Daiolouzü, Ehnou neletao hi Eletao Mapao Jisu Khrista nou adusho hinou khaive laiyu ko süna paongao peiyu kisü, daomaiko talinou sei-a paongao moe, ana lah Eh nghithou vuzünou puhvei adushosü ngaoe.