1 TIMOTHI 1:16 - SHEEYU BAIBEL (BSI)

¹⁶ ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

1 TIMOTHI 1:16 Iomraidhean Croise

2 PUOPAOKO 33:19

Veo nou veachi paoyu ae Ramai nou puhvei veachi kei peiyu, ae puhnou ledalou mojü mahmo souyu teitei— puhnou vah ashi souyu, cheche moyu rahye thoyu ae Asherah rahpfüpai vei zhurai daoyu ae puhnou basharataoye thoyu veishi sü Rachipaola peiyu maitao Larübvü hi rüthou peikhaitoue.

LOUTAO 25:11

Oh Mapaowo, nenou apaopei khaitouyu thaifüa avei mahmo khesü khaipeio, daiolouzü amah hai pousho-a buloure.

TAPALOUYU 34:8

Moses nou puh peipfüa nakouha touloua puhye sü thore.

ISAIAH 1:18

Mapao nou paoe, “Tavelo, Etao koa nou tsülou-a chi phazho laikhe. Neletao vei mah hai homara-a buyuma Enou vüra jünou soukaapu peilai, ae zhe büa hothou teiküa buyuma Enou phakaa büa soukaa peilai.

ISAIAH 43:25

Sübüa buyuma, Esü neletao vei mahmo khailu-apeio Ramai nasüe, ae Enou neletao vei mahmo khesü lichopu peilai moe.

ISAIAH 55:7

Mai ashi maiye panou puletao vei ludu nasü thaokhaio, ae cheche moyu maiye panou puletao vei tsüle ashi nasü thaowo. Puhye sü panou Eletao Ramai Mapao hi dakhai velo, sübüa puhye sü panou puh vei zhuvea leshi ae khailu peiyu nasü ngaolo.

MAIPEI PHOUYU 23:3

Süthaisü Balaam nou Balak hi paoe, “Meidei-a posheela peiyu buh hai hinou ne la-a buwo, Mapao nou Eye daolaiho daolai mosa E taho zhuta laihie. Puhnou ahi ngaoyu veishi sü Enou ne hi paongao peilai.” Südonou Balaam nou lah likhei deichi pei hisü patare,

LUK NOU RÜYU KO AVEIBVÜ 15:10

Sübütoua, Enou neletao hi paowe, le dalouyu mahmai ali donou Ramai vei rakivamaitao nou sashowe.”

LUK NOU RÜYU KO AVEIBVÜ 23:43

Jisu nou puh hi paoe, “Chekhaoa, Enou nehi paowe, zhouh teithe hinou nenou Eye koa Paradise hinou ve bulai.”

LUK NOU RÜYU KO AVEIBVÜ 7:47

Südonou Enou nehi paowe, naotu haipainou leshiyu dushoa pongaoyu sünanou puhvei mah hai alaosou khaipeiwure touyu vei zhopaoh souwe. Ana daotu khaipei baiyu puhnou, daotu leshi baiwe.”

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

JOHAN 6:54

Avasou touyu ea Azhe keyu puh hisü teisa ahri nasü bue, alia Enou puhye akhai teitheki sou hrishulai.

SEI-ATAMAI VAHTAO 13:39

Moses vei razhainou neletaoye mado soupeilou hoyu teitei hinou chuo puhye louche louyu mai hrülaiye mah teitei hinou mado soupeire.

ROMMAI 15:4

Daiolouzü sheeyu larübvü nou Eletao hi peikhai touyu shameayu ea le soudu peiyu vanou Eletao nou reitei-a buloure donou daoraikinou rüthoukhai touyu teitei sü Eletaoye doupeire donou rüthoukhai toue.

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

1 KORINTHMAI 7:25

Chuo neletao nou sheenghi moyu maitao vanou chi nouyu süna vanou Enou Mapaowo hinou chikha ngaolou moe, ana Mapao vei zhuveana vanou louchelou veiyu mai ali kua Enou Avei lelisü paowe.

2 KORINTHMAI 4:1

Südonou Ramai nou puhvei zhuvea hinou kuvah hainasü souloure donou Eletao hi peikhaitoue, südonou Ehnou lekhaiyu soumoe.

EPHESAMAI 1:12

Südonou Khrista hi raikai-a rei-a buyu Eletao nou Ramai vei khouko avanaye paosho laikhe!

EPHESAMAI 1:6

Ramai puhnou puhvei leshi Nahpoutu vanou Eletao hi sa-a peikhai touyu puhvei khupa zhuvea donou Eletao nou puhye paosho laikhe!

EPHESAMAI 2:7

Haisü puhnou thaikhaihi vere teile teiteitao hinou Khrista Jisu hinou puhnou Eletao hi leshi peikhai touyu paoshalou hoyu puhvei zhuvea nasü pongaore donou baie.

2 THESSALONIMAI 1:10

Haibüa teithe sükisü puhnou puhmaitao hrülai hinou khekai ea lüloumai hrülai hinou tsükhouyu sü ngaolai. Neletao-a puletao hrohi loulai, daiolouzü Ehnou nelehi paodou peiyu chipao nasü nelenou loucheloue.

1 TIMOTHI 1:13

Esü raiki teile hisü puhchi paoshi-a ea puhye souvea-souhrao peikhai-a Eye doloue. Ana Ramai nou Ahisü zhuvea peie daiolouzü Enou lü ha-a buyupha hinou sükhaimoa süsü soure.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

1 PITAR 3:20

Rako haitaosü daoraiki Noha nou dzüluki soubuki teithetao hi Ramai nou shamea-a khokhai khai-a puh chi zübayu maisütao vei rakotaoe. Dzüluki süna lekhe hi buyu mai daotu süolouzü puletao mai acha likhei dzü vanou khailulou baie,

2 PITAR 3:15

Eletao Mapaowo nou shamea peiyuhai puhnou neletaoye khailu loure donou teile kao avei peiwe tea cholo. Sübüa Eletao nou leshiyu Eh thaihou jürai Paul nou-a Ramai nou puh hi peikhai touyu ratsü süna thaifüa neletao hi rüpeie.

2 PITAR 3:9

Kamainou shosho soubaie tea chokhai-a, Mapaowo louzü puhnou apaopei khaitouyu soupeire hisü shosho soumoe. Süjüwo, puhnou neletaoye koa shamea peiwe, daiolouzü puhnou maitaliye hai panou souhawuyu sü züpa moe, ana maikhemai hrülaiye panou puletao mah hinou le dalouyu sü züpawe.