1 TIMOTHI 1:15 - SHEEYU BAIBEL (BSI)

¹⁵ Paokhai touyu chipao hainasü chechewe ea teiteinou poloua louchelou veie, süolouzü mahmaitaoye khaipeire donou Khrista Jisu sü deiphao hi ve-e. Alia mah maitao hrülai hrohinou Enou shishilai nasüe;

1 TIMOTHI 1:15 Iomraidhean Croise

JOB VEI LARÜBVÜ 42:6

Südonou chuo Enou paopayu chipaotao sü choloua E hrao shore, ae chuo vounai alia konai hinou kou da-a nou E le daloure.

EZEKIEL 16:63

Nenou soumah khaitouyu teitei sü Enou khaipeilai ana nenou sükhesü licholoulai ae ne sü hao haodu pfüa ne mü hai ngepapulai moe.” Ramai Mapao nou haisü paowe.

MATHIU 1:21

Puhnou nahpoutu ali nalai ea nenou puh zhih sü Jisu tea salai— daiolouzü puhnou puh maitaoye mah hinou khailupa peilai.”

MATHIU 18:10

“Neletao nou taikayu haitao aliye ngaophou moyu soumore donou zhutoulouo; daiolouzü Enou neletao hi paowe süolouzü rakinou puletao vei rakivamai taonou rakibu Apuo zhusü teisanou zhua bue.

MATHIU 18:11

(Daiolouzü Mai Nahpoutu nou hawuyu naye sü khaipeire donou ve.)

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 9:13

‘Enou züpayu süwo louzü zhuvea peiyuna baie, posheelayuna moe,’ tea sheeyu larübvü hinou paokhai touyu kosü daisa touyu hai taho phoupa loukhaio. Daiolouzü Esü cheche maiye kure donou vemoe, ana mahmaiye kure donou baie.”

MARK 2:17

Alia Jisu nou süsü choulouyu kisü puletao hi paoe, “Pfüphao veimai donou pou-apeimaiye koyu hae, ana lishimai donou likhei kobaie, Enou acheche maiye kure donou vemoe, ana mahmaiye donou baie.”

LUK NOU RÜYU KO AVEIBVÜ 15:2

Alia Phariseemai ea razhai dou-apeimai taonou mülealealoua paoe, “Mai hainanou mahmai taoye saloua puletaoye koa toushowe!”

LUK NOU RÜYU KO AVEIBVÜ 19:10

Daiolouzü Mai Nahpoutu nou hawuyu naye phoure ea khailu peire donou ve-e.”

LUK NOU RÜYU KO AVEIBVÜ 5:32

Esü cheche maiye kure donou vemoe, ana mahmaitaoye panou le daloure donou baie.”

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 12:47

Maita linou Achipaotao chouloua sütao hai zümo louzü, Enou puhye chiku moe; daiolouzü deiphao maiye chikure donou Enou vemoe, ana deiphao maiye khaipeire donou vebaie.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

SEI-ATAMAI VAHTAO 11:1

Chuo tahrüh kukhemai taonou-a Ramai chipao sü ngaoloure touyu sü sei-atamaitao ea Judea hi buyu lüloumai kukhenou chouloure.

SEI-ATAMAI VAHTAO 11:18

Puletao nou chipao haina choulouyu kisü paikhaimo zheire ea Ramaiye sholoua, “Sükuyu thaiwo tahrüh kukhe maitao hia Ramai nou panou ledaloua hriloure teile zhou aveisü peire!” tea paoe.

SEI-ATAMAI VAHTAO 3:26

Südonou Ramai nou puh kilaiye doloua neletao vei ashi vah hinou neletaoye panou le daloua neletaoye hapeire donou puhye sü raia neletao hi seive peire.”

ROMMAI 11:14

Soulou veilouzü Enou lah Atahrüh maitaoye panou southou ngaorai peiwu-a puletao hronou kamaiye panou khailu loulai.

ROMMAI 5:6

Daiolouzü Eletao nou khouko hazhia bubuki hinou, Khrista nou mai shimai donou teile kaoveibü hinou thaipeire.

1 KORINTHMAI 15:9

Daiolouzü Ehai sei-atamai tea kuzü moyu, sei-atamaitao hrülai hronou tai-noukayu nasüe, daiolouzü Enou Ramai vei lüloumai meye souveapeie.

EPHESAMAI 3:8

Sheeyu maitao hrülai jünou Esü tainoukakhai-a Khrista vei paoshalou hoyu kinina vanou tahrüh kukhe maitaohi paodou peire donou zhuvea hainasü Ahi peikhaitoue,

1 TIMOTHI 1:13

Esü raiki teile hisü puhchi paoshi-a ea puhye souvea-souhrao peikhai-a Eye doloue. Ana Ramai nou Ahisü zhuvea peie daiolouzü Enou lü ha-a buyupha hinou sükhaimoa süsü soure.

1 TIMOTHI 1:19

alia nevei lü hinou soutaosoua bulo ea nevei lekhetsü nasü sheesha-a khailo. Mai kamainou puletao vei lekhetsüna paisü züpei bayu vanou puletao lü nasü souphe-souphore.

1 TIMOTHI 3:1

Paopei-a buyu chipao hainasü chechewe: Maita linou lüloumaime vei süthai-apeimai sounü louzü, puhsü veiveilai vahli züpa-a bure.

1 TIMOTHI 4:9

Paokhai touyu chipao hainasü cheche vuzüe ea teiteinou polou züdoue.

1 TIMOTHI 6:13

Na teiteiye ahri peiyu Ramai ea Pontia Pilat nghojünou puhvei lü nasü dukhea-a paopayu Khrista Jisu nghojünou,

2 TIMOTHI 2:11

Pao-a buyu haina hai chekhaoe: “Eletao nou puhye koa thaire toulouzü, Eletao-a puhye koa hrizholai.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

1 JOHAN 5:11

Alia zhopaoh nasü haire: Ramai nou Eletao hi teisa ahri peire, alia ahri hainasü puhnah Poutuwo hinou ve-e.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 22:6

Süthaisü Rakivamai sünanou Ahi paoe, “Chipao haitaosü louchelou veie ea chechewe. Alia rachi paolamaitao hi puhvei rako peiyu Ramai Mapaowo nou thala-a daipa vuzülaisa touyu sü puhvei kilaitaohi pongao peire donou puhvei rakivamai naye sü seipeie.”

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.