1 TIMOTHI 1:13 - SHEEYU BAIBEL (BSI)

¹³ Esü raiki teile hisü puhchi paoshi-a ea puhye souvea-souhrao peikhai-a Eye doloue. Ana Ramai nou Ahisü zhuvea peie daiolouzü Enou lü ha-a buyupha hinou sükhaimoa süsü soure.

1 TIMOTHI 1:13 Iomraidhean Croise

HOSEA 2:23

alia Enou puhye A deihie vukhai peilai. Enou raiki zhuvea moyu taoye zhuvea peilai, alia Enou Amaimotao hisü paolai, ‘Neletao hai A maiye,’ alia puletao nou ‘Ne hai Avei Ramai-e,’ tea paolai.”

LEVIMAI LARÜBVÜ 13:16

Ana tsüke payu nasü veiloua puhvei vasou veishi hai kapha toupu louzü, puhnou napao hisü pove ngaopulai,

MAIPEI PHOUYU 15:30

Ana mai talinou süa nou mah soulouzü, puh sü Israel maiyuma moa shetu maiyuma Mapao ye ngaophou moa souyu donou puhye sü southawulai.

LUK NOU RÜYU KO AVEIBVÜ 12:47

“Alia puhvei paopunou liyusü süloukhai-a soudalou moyu moa puh züpa thaifüa soulou moyu kilai sünaye sü süda alaosou dapeilai.

LUK NOU RÜYU KO AVEIBVÜ 23:34

Alia Jisu nou paoe, “Apuo, puletaoye khaipeio! Daiolouzü puletao nou dai sousa touyusü puletao nou sümoe.” Alia puletao hrohinou rakovei zhua puhvei sahnü taosü zhiloure.

SEI-ATAMAI VAHTAO 22:4

Alia Mapao vei Ludu haina thaifüyu naotu poutu hrülaiye nilou-a puletaoye hukha hi pothouwu-a puletao athai koute Enou souveapeie.

SEI-ATAMAI VAHTAO 3:17

“Alia Athaihou jürai maitao, neletao vei teidei khomai taonou souyu kua neletao-a sümoa soure touyu sü chuo Enou süloure.

SEI-ATAMAI VAHTAO 8:3

Ana Saul nou kili ki talouloua lüloumai naotu poutu taoye vakou daopaloua puletaoye hukhahi pove thoupeie ea sübüa lüloumaime taoye souhare donou teloure.

SEI-ATAMAI VAHTAO 9:1

Ana chu koutea Saul nou Mapaowo rozümaitaoye soupire ea southeare le pfüa napao peichana hi tare,

SEI-ATAMAI VAHTAO 9:13

Ana Anania nou chila peie, “Mapao, mai hainanou, Jerusalem hinou nevei sheeyu maitao hi hashi daizhozhou soupeie touyu ko sü Enou mai taoli hinou chouloure;

SEI-ATAMAI VAHTAO 9:5

Alia puhnou noue, “Mapao, ne thaohwe?” Puhnou chila peie, “Ewo nenou souvea-a buyuna Jisue;

1 KORINTHMAI 15:9

Daiolouzü Ehai sei-atamai tea kuzü moyu, sei-atamaitao hrülai hronou tai-noukayu nasüe, daiolouzü Enou Ramai vei lüloumai meye souveapeie.

1 KORINTHMAI 7:25

Chuo neletao nou sheenghi moyu maitao vanou chi nouyu süna vanou Enou Mapaowo hinou chikha ngaolou moe, ana Mapao vei zhuveana vanou louchelou veiyu mai ali kua Enou Avei lelisü paowe.

GALATIAMAI 1:13

Daiolouzü Enou kabüa zhuveayu ali-a ha-a Ramai vei lüloumaimeye souvea peisa ea sünaye souhare donou Enou kabüa tesa touyu Enou Jihudimai vei rahrü zhaihi hrübuki Avei hrü araina kosü neletao nou choloure.

PHILIPPIMAI 3:6

alia lenouyu hilonou paolai toulouzü Esü lüloumai meye souveayu mai alie. Cheche hrü hrüyu hilonou paolai toulouzü, Esü chaa ali-a hazheiyu mai alie.

1 TIMOTHI 1:16

ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

EBRIAMAI 4:16

Südonou Eletao nou Eletao vei moshilaiyu phaki leshi ea zhuvea ngaoloure donou lülouche-a zhuvea vei vebuh hisü takou ngheilou laikhe.

1 PITAR 2:10

Teile ali hiwo neletaowo Ramai vei maitaomoe, ana chuwo neletaowo puhmai souloure; teile ali hiwo neletaowo Ramai zhuvea sümoe, ana chuwo neletao nou puhvei zhuvea ngaoloure.