1 TIMOTHI 1:11 - SHEEYU BAIBEL (BSI)

¹¹ Eye panou paodou peire Abah hi lüthou peikhai touyu adusho ea rako avei Ramai hinou veyu Ko Avei süna thaifüa tamoyu maitao donou razhai nasü rüpei khaitoue.

1 TIMOTHI 1:11 Iomraidhean Croise

LOUTAO 138:2

Enou nevei Rathoki hilo reiloua nakou neye thowe, ae nevei zhih sü paoshowe, daiolouzü nevei tobai soumoa zhuvea leshi peiyu donou ae nevei chilee checheyu donou alia nevei zhih ae nevei chikhatao hai hateitei jünou kuka-a soungao peiyu donou.

LUK NOU RÜYU KO AVEIBVÜ 2:14

“Aku kulai raki hinou Ramaiye sholo, alia deiphao hinou puh züpa soua buyu maitao hrohisü kaonayu buloutheo!”

ROMMAI 2:16

Alia, südonou Enou paodouyu Ko Aveina thaifüa, Ramai nou Jisu Khrista vanou emai hrülai vei kheitsüye chi kuyu Teithe kisü hai kheihaoa palai.

1 KORINTHMAI 9:17

Daiolouzü Enou vah hainasü Alelinou souwe toulouzü, süthaisü Mapao nou Eye buu peilai; ana Aleli thaifüa soumoe toulouzü, Eye sü vah haina soure donou Ramai nou seipei khaitoue.

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

GALATIAMAI 2:7

Ana tyakushoa Jihudi maitao hi Ko Avei paodou peire vahsü Pitar hi thoupeiyu kua tahrüh kukhe maitao hi Ko Avei paodou peire vahsü Ramai nou Ahi thoupeire touyu sü puletao nou ngaoloure.

EPHESAMAI 1:12

Südonou Khrista hi raikai-a rei-a buyu Eletao nou Ramai vei khouko avanaye paosho laikhe!

EPHESAMAI 1:6

Ramai puhnou puhvei leshi Nahpoutu vanou Eletao hi sa-a peikhai touyu puhvei khupa zhuvea donou Eletao nou puhye paosho laikhe!

EPHESAMAI 2:7

Haisü puhnou thaikhaihi vere teile teiteitao hinou Khrista Jisu hinou puhnou Eletao hi leshi peikhai touyu paoshalou hoyu puhvei zhuvea nasü pongaore donou baie.

EPHESAMAI 3:10

sübüa chuo Ramai ratsü tya tyali hai lüloumaime vanou rakiva buhtaohi buyu peichamaitao ea khouko taoye panou süloulai.

KOLOSSEMAI 1:25

Neletao veiloure donou vah haina souloure Ahi peiwuyu Ramai puhnou Eye lüloumaime vei kilai ali soupeie. Vah hainasü puh chipao chekhoua paodou loure sünasüe,

1 THESSALONIMAI 2:4

Ana Ehye panou Ramai nou paonüyu sünanou Ehnou teisanou paobaiwe, daiolouzü Ko Avei nasü Ehyenou paodouzüe tea puhnou Eh bah hi lüthou peire. Ehnou mai züpa soure temoe, ana Eh tsüle süa buyu Ramai puh züpa soure donou baie.

1 TIMOTHI 2:7

Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!

1 TIMOTHI 6:15

Rako avei ea likhu baiyu Aku Kulai, süolouzü vemaipei Veo ea paopumaipei Mapaowo puh veresü teile kao avei hinou Ramai nou povepeilai.

1 TIMOTHI 6:20

Oh Timothi, nebah hi lüthou peikhai touyu taosü khotoulo. Ahraopachi ea mai kamainou kaokhai molai-a “Tsü” tea kuyu vo-a chi veivayu sütao hinou tareilo.

2 TIMOTHI 1:11

Ko Avei haina donou Ramai nou Eye ko paodou-apeimai, sei-atamai ea dou-apeimai ali souloure doloure,

2 TIMOTHI 1:14

Nehi lüthou peikhaitouyu acheche nasü Eletao lekhe hinou hria buyu Rako Mashi vei khouko vanou khotoulo.

2 TIMOTHI 2:2

Alia nenou zhopaoh maitaoli nghojünou Enou paoyu chou-choulouyu doupeiyu taosü poloua mai kukhe maiye-a doupei lousü laiyu puletao bah hi lüthou peikhaio.

TITA 1:3

alia süsü teile zhouvei hinou puhnou puh chipao hinou pongao peire. Chipao süsü Abah hi thaothou peiwure, alia Enou süsü Ramai Eletaoye khailu-apeio vei kharochi vanou paodouwe.