1 TIMOTHI 1:10 - SHEEYU BAIBEL (BSI)

¹⁰ khakha chaozüyu mai, emai zhaimoa koa züyumai, mai vaoyumai, amadamai, mada-a chi lapeimai ea cheche lüzhai hinou moa aku zhai hinou vah soua laimai, süolouzü

1 TIMOTHI 1:10 Iomraidhean Croise

SHURAI 19:5

Puletao nou Lotye laloua paoe, “Zhoukhei ne ki hi houyu mai daiki bue? Vakou sapa peio, Etao-a puhai zhu shiloulai.”

SHURAI 37:27

Ishmael maitao hi zholoua bailai khe, puhsü Etao zhe zhoyu thaihou baiyu thaifüa souyuwo southa laimokhe.” Sünasü chinamaitao hrülai nou ae-ao toure.

SHURAI 40:15

Cheche vuzünou Eye Ebriamai dei hinou nüloua baie, alia hai hia Eye hukhaki hi thouzüyu mah lia Enou soumoe.”

TAPALOUYU 20:7

“Neletao Ramai Mapao zhih sü kaomoyu hinou poa vah soulai moe, mai taralia Azhih sa-a kaomoyu vah souyu mai hisü Enou tudee peilai.

TAPALOUYU 21:16

“Mai tarali noua maiye nükuloua zho louzü, moyuma puhvei qila panou soulai tea puh hi khaitoua nou ngaolouzü, puhye sü southawo.

HOSEA 10:4

Puletao nou kaozü moyu chipao sü paowe; dayu chaachou nou poa Vo sü souloua baiwe; südonou douhi pou-tsüpayu büa chikure sü pabaiwe.

LEVIMAI LARÜBVÜ 18:22

Poutumai ali nou poutumai ali hi vah ashi sü soulai moe, süsü Ramai nou ngaora-e.

LEVIMAI LARÜBVÜ 20:13

Poutumai ali nou poutumai ali hi vah ashi soulouzü, süsü puhai nou ngaorayu vah souwure, südonou puhai mai ahai nou southawulai. Puhai nou thaiyu sü thaizüa thai-a baie.

ZEKHARIAH 5:4

Khoukhoulai Mapao nou paoe, ‘Enou chaa haina hai seitare, südonou haina sü avao mai kihi loulai, alia A zhih hinou da-a nou shaki soukhai touyu mai hrülai ki hisü ve loulai; alia puletao ki hisü ve buloua nou buyu na veishi souhakhai touwulai.’ ”

ZEKHARIAH 8:17

Neletao tsüle hi maiye soushire donou do ashi phouso, alia da-a nou chaachou souso, daiolouzü hai teitei hai Enou ngaorae.”

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

ROMMAI 1:26

Qo haina vanou, Ramai nou puletaoye sü ahraoyu pfüphao vei züpa hi thoupeire. Puletao vei naotumaitao koutenoua zhai thaifüa koa buyu sünasü zhai moyu vah sünanou lyaloure.

PAODAKHAIYU CHIKHA 24:7

“Maitalia puh thaihou jürai Israel mai kukhe aliye nüloua puhye qila mai ali büa sa-a vah soulouzü moa puhye zho louzü, mai sünasü southalai. Neletao hrohinou ashi sü popa laiwulai.

1 TIMOTHI 4:6

Doupeiyu haitao hai nenou thaihou jürai maitao hi peire toulouzü, ne sü Khrista Jisu vei kilai veili souloulai. Nenou teisanou thaifüa laiyu lüvei chipaotao ea cheche-a doupeiyutao vanou nelah nevei rakosü soudu palo.

1 TIMOTHI 6:3

Maitalinou kukhe lüzhai tyakuli doupeia Eletao Mapao Jisu Khrista vei cheche chipao taosü aetoumoa ea Eletao vei rahrüzhai vei doupeiyu thaifüa tamolouzü

2 TIMOTHI 1:13

Nenou Ahinou choulouyu acheche chipaotao vei zhai taosü soutaosoua thaifülo, alia Khrista Jisu ye koa ali soulouyu hinou Eletao vei soua buyu lü ea leshina hinou bulo.

2 TIMOTHI 4:3

Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai,

TITA 1:13

Chipao haisü chekhaoe. Südonou puletaoye panou lü hinou veiloure donou nenou puletao hisü chihshoa züpeikhaio

TITA 1:9

Puhnou louchelou veiyu ea doupeizhai naye aetouyu chipao süsü soutaosou povu zülai. Sübüa puhnou kukhemai taoye cheche-a doupeiyu sünanou le soudu peilousüe ea sünaye bayu maitao hai mah-e tea pongao peilousüe.

EBRIAMAI 13:4

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

JUD VEI SEIKO 1:7

Sübüa Sodom, Gomorrah ea sühai ngheikihi buyu nuhdutao-a khulou souyu ea pfüphao vei zhaido moyu mah vanou puletao nou akhai hayu meivei tudee pfüyu sünanou maikhemai hrülai hi sheetoua tukha peiwe.

PONGAOPEIYU 18:13

alia sheesükao, vusa vunou, kaivei süüthea, theadzü kaivei, mei taoloure kaivei süüthea; darkha zhaoh, theadzü, sou avei ea sou thouh, cho ea zhaotu, rhei ea rhei lukitao, qilatao, alia emai, hrirai koute, haitaoe.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”

PONGAOPEIYU 22:15

Ana nuhdu vakouhi buyu maitaosü seitao, khei-khupado souyu maitao, khulou vah souyu ea maiye southeayu, alia basharaye thoyu ea chi-la hinou ea sou-pfüyu hinou madayu sükhe maitaoe.